Josoa 15:2 - Baiboly Katolika

Ny faritry ny taniny amin’ny atsimo dia niantomboka avy amin’ny faran’ny Ranomasin-tSira dia amin’ny tendrony mitodika atsimo,

Baiboly Protestanta Malagasy 2011

Ary ny faritaniny atsimo dia hatrany amin’ny faran’ny Ranomasintsira, hatrany amin’ny helodrano atsimo,

DIEM PROTESTANTA

Ny sisin-tany ao atsimo dia manomboka eo amin’ny helodrano tendrony atsimo amin’ny Ranomasina Maty,

Dikateny Iombonana Eto Madagasikara

Ny sisin-tany ao atsimo dia manomboka eo amin’ny helodrano tendrony atsimo amin’ny Ranomasina Maty,

Baiboly Protestanta Malagasy

Ary ny fari-taniny atsimo dia hatramin’ny faran’ny Ranomasin-tsira, dia hatramin’ny helo-drano atsimo,

Malagasy Bible

Ary ny fari-taniny atsimo dia hatramin'ny faran'ny Ranomasin-tsira, dia hatramin'ny helo-drano atsimo,

La Bible en Malgache

Ary ny faritaniny atsimo dia hatrany amin’ny faran’ny Ranomasintsira, hatrany amin’ny helodrano atsimo,

Josoa 15:2 Rohy Ifampitohizana

Genesisy 14:3

Nivory tao an-dohasahan’i Sidima, dia ny Ranomasin-tSira izany, ireto farany ireto;

Isaia 11:15

I Iaveh hanao anatema ny sakeli-dranomasin’i Ejipta, sy hanainga ny tanany hamely ny Ony amin’ny herin’ny rivony, dia hikapoka azy sy hampisaraka azy hisampana fito, ka hataony azo aleha tsy ialàn-kapa eo.

Ezekiela 47:18

Ny atsinanana: Hatramin’ny faritra mampisaraka an’i Haoràna sy i Damasa, dia eo anelanelan’i Galaada sy ny tanin’i Israely no alehan’ny faritra amin’ny tany dia i Jordany. Hatramin’ny sisin-tany avaratra, ka hatramin’ny ranomasina atsinanana no horefesinareo. Izany no lafiny atsinanana.

Ezekiela 47:8

Hoy izy tamiko: «Ity rano ity dia mandeha mankany amin’ny faritany atsinanana; hidina ho any amin’ny tany lemaka vao hiditra ho ao amin’ny ranomasina; hoentiny mankany amin’ny ranomasina izy, dia ho tonga mahasalama ny rano.

Nomery 34:3

Ny lafiny atsimo amin’ny taninareo dia ny efitra Sina, hatrany Edôma, ka ny faritrareo atsimo dia hatramin’ny faran’ny Ranomasin-tSira any atsinanana,

Josoa 15:1

Ny anjara lasan’ny fokon-taranak’i Jodà, araka ny fianakaviany, tamin’ny filokana, dia nitatra hatrany amin’ny faritanin’i Edôma hatrany amin’ny efitra Sina any atsimo any amin’ny farany atsimo.

Josoa 15:3

ka nitohy ao atsimon’ny fiakarana Akrabima, dia mahazo an’i Sina, sy miakatra any atsimon’i Esrôna, niakatra mankany Adara, niolaka any Karkaà,

Josoa 3:16

dia nihandrona ny rano midina avy any ambony, ka niavosa hoatra ny antontan-javatra terỳ lavitra erỳ, akaikin’ny tanànan’i Adoma, izay anilan’i Sartàna, ary tapaka mihitsy ny midina mankany amin’ny Ranomasina Arabaha, dia ny Ranomasin-tSira, ka nita tandrifin’i Jerikô ny vahoaka.