Isaia 11:15 - Baiboly Katolika

¹⁵ I Iaveh hanao anatema ny sakeli-dranomasin’i Ejipta, sy hanainga ny tanany hamely ny Ony amin’ny herin’ny rivony, dia hikapoka azy sy hampisaraka azy hisampana fito, ka hataony azo aleha tsy ialàn-kapa eo.

Baiboly Protestanta Malagasy 2011

¹⁵ Hataon’NY TOMPO ho zavatra voaozona ny sakeli-dranomasin’i Ejipta, hanainga ny tanany amin’ny ony Eofrata Izy ka hamely azy amin’ny rivony mahamay; hokapohiny io dia hanjary sakeli-drano fito ary ho tafita amin’izany ny olona tsy miala kapa.

DIEM PROTESTANTA

¹⁵ Handritra ny helo-dranomasin’i Ejipta ny TOMPO; haninji-tanana handrahona ny ony Eofrata Izy, ka ny rivo-mahery avy aminy no hizaràny azy hisampantsampana ho sakeli-drano fito izay ho azo diavin-tongotra tsy miala kapa.

Dikateny Iombonana Eto Madagasikara

¹⁵ Handritra ny helo-dranomasin’i Ejipta ny TOMPO; haninji-tanana handrahona ny ony Eofrata Izy, ka ny rivo-mahery avy aminy no hizaràny azy hisampantsampana ho sakeli-drano fito izay ho azo diavin-tongotra tsy miala kapa.

Baiboly Protestanta Malagasy

¹⁵ Ary Jehovah handritra ny sakeli-dranomasina Egyptiana Ary haninjitra ny tànany amin’ny Ony ka hamely azy amin’ny rivony mahamay Ka hampisaraka azy hisampana fito Ary haha-tafita ny olona tsy miala kapa.

Malagasy Bible

¹⁵ Ary Jehovah handritra ny sakeli-dranomasina Egyptiana ary haninjitra ny tànany amin'ny ony ka hamely azy amin'ny rivony mahamay Ka hampisaraka azy hisampana fito Ary hahatafita ny olona tsy miala kapa.

La Bible en Malgache

¹⁵ Hataon’NY TOMPO ho zavatra voaozona ny sakeli-dranomasin’i Ejipta, hanainga ny tanany amin’ny ony Eofrata Izy ka hamely azy amin’ny rivony mahamay; hokapohiny io dia hanjary sakeli-drano fito ary ho tafita amin’izany ny olona tsy miala kapa.

Isaia 11:15 Rohy Ifampitohizana

Eksodosy 14:21

Nony nahinjitr’i Môizy teo ambonin’ny ranomasina ny tanany dia nohemorin’i Iaveh ny ranomasina tamin’ny rivotra nifofofofo mafy avy any atsinanana nandritra ny alina, ka nataony tonga maina ny ranomasina fa nisaraka roa ny rano.

Eksodosy 14:22

Dia niditra teo afovoan’ny ranomasina efa tonga maina ny zanak’i Israely ary zary rindrina ho azy ireo eo ankavanany sy ankaviany ny rano.

Eksodosy 14:29

Ny zanak’i Israely anefa nandia tany maina teo afovoan’ny ranomasina, fa zary rindrina ho azy ireo ny rano, eo ankavanany sy eo ankaviany.

Isaia 19:16

Amin’izany andro izany i Ejipta, hanahaka ny vehivavy; ho toran-kovitra sy ho raiki-tahotra, mahita an’i Iavehn’ny tafika manainga tanana, izay aingainy hamelezana azy.

Isaia 43:16

Izao no lazain’i Iaveh, Izay nanao lalana eny amin’ny ranomasina, sakeli-dalana eny amin’ny rano mahery,

Isaia 44:27

Izaho no milaza amin’ny hantsana hoe: «Tankìna! Hataoko ritra ny oninao.»

Isaia 50:2

Tonga Aho: nahoana no tsy nisy olona? Niantso Aho: nahoana no tsy nisy namaly? Moa fohy tanana va Aho, ka tsy afa-namonjy? Sa tsy ampy hery hoenti-manafaka? Vao rahonako fotsiny dia maina ny ranomasina, zary efitra ny ony, maimbo ny hazandranony, fa ritra ny rano, ka matin’ny hetaheta ireny.

Isaia 51:11

Koa hiverina ny navotan’i Iaveh; dia hiditra ao Siôna amin’ny hobim-pifaliana; firavoravoana mandrakizay no ho fehilohany; ho henika azy ny fifaliana amam-piravoravoana; Lasa nandositra ny sento amam-pahoriana.-

Isaia 63:12

izay nampandeha, teo ankavanan’i Môizy, ny sandriny be voninahitra, izay nampisaraka ny rano teo anoloany, hahazoany anarana mandrakizay;

Isaia 7:20

Amin’izany andro izany ny Tompo hanaratra, amin’ny hareza nahofany tany an-dafin’ny ony, - dia amin’ny mpanjakan’i Asiria, - ny loha sy ny volon-tongotra ary hoesoriny koa ny volombava.

Isaia 8:7

noho izany, indro hampiakarin’ny Tompo hanafika azy ireo, ny ranon’ny ony, sady mahery no lalina, dia ny mpanjakan’i Asiria mbamin’ny heriny rehetra; ny masondranony rehetra hosaforany, ary ny morony rehetra hihoarany;

Ezekiela 29:10

noho izany dia indro Aho ho avy ao aminao sy ny oninao; ka ataoko zary zavatra rava sady foana no nidiran-doza ny tany Ejipta, hatrany Migdôla ka hatrany Siena, ary hatrany amin’ny sisin’ny tanin’i Etiôpia.

Ezekiela 30:12

Ny ony hovako ho tany maina; ny tany hatolotro eo an-tanan’ny olona masiaka; ary ny tany mbamin’izay rehetra ao aminy, horavako, amin’ny tanan’ny hafa firenena. Izaho Iaveh no niteny.

Zakaria 10:11

Hamaky ny ranomasina, ranomasim-pahoriana izy; sy hikapoka ny onjan-dranomasina ao amin’ny rano, dia ho tonga maina avokoa ny halalinan’ny ony. Haetry ny avonavon’i Asiria, ary halàna ny tehim-panjakan’i Ejipta.

Apokalipsy 16:12

Nandraraka ny tao anaty kapoakany tamin’i Eofrata, ony lehibe koa, ny Anjely fahenina, dia naharitra ny ranony, mba hisy lalan-kalehan’ny mpanjaka avy any atsinanana.