Josoa 15:11 - Baiboly Katolika Ny faritry ny tany nipaka amin’ny kisolosolo avaratr’i Akarôna, ary nizotra ny faritry ny tany mankany Sekrôna, nihazo amin’ny tendrombohitra Baala ary nipaka amin’i Jebneela ary nihatra amin’ny ranomasina. Baiboly Protestanta Malagasy 2011 nihatra tamin’ny lafiny avaratr’i Ekrona, nizotra hatrany Sikerona, nandroso hatrany amin’ny tendrombohitra Baala, nihatra tamin’i Jabniela, ary nihatra hatrany amin’ny ranomasina. DIEM PROTESTANTA Avy eo dia mandroso hatrany amin’ny ilany avaratry ny tanàna Hekrôna, ka mihodina ho any Sikarôna, mandalo ny tendrombohitra Bahala, dia mandroso hatrany Jabneela, ary mihatra amin’ny Ranomasina Mediteranea. Dikateny Iombonana Eto Madagasikara Avy eo dia mandroso hatrany amin’ny ilany avaratry ny tanàna Hekrôna, ka mihodina ho any Sikarôna, mandalo ny tendrombohitra Bahala, dia mandroso hatrany Jabneela, ary mihatra amin’ny Ranomasina Mediteranea. Baiboly Protestanta Malagasy dia nihatra tamin’ny lafiny avaratr’i Ekrona, dia nizotra hatrany Sikerona ka nandroso hatramin’ny tendrombohitra Bala, dia nihatra tamin’i Jabniela, ary dia nihatra tany amin’ny ranomasina. Malagasy Bible dia nihatra tamin'ny lafiny avaratr'i Ekrona, dia nizotra hatrany Sikerona ka nandroso hatramin'ny tendrombohitra Bala, dia nihatra tamin'i Jabniela, ary dia nihatra tany amin'ny ranomasina. La Bible en Malgache nihatra tamin’ny lafiny avaratr’i Ekrona, nizotra hatrany Sikerona, nandroso hatrany amin’ny tendrombohitra Baala, nihatra tamin’i Jabniela, ary nihatra hatrany amin’ny ranomasina. |
ary nilaza taminy hoe: «Izao no lazain’i Iaveh: Noho ianao nandefa iraka hanontany an’i Beela-Zeboba, andriamanitr’i Akarôna: Moa tsy misy Andriamanitra any amin’i Israely izay azo anontaniana ny teniny? -Koa noho izany, dia tsy hidina hiala eo am-parafara niakaranao ianao, fa ho faty mihitsy.»
Ary hoy ny navalin’ireo taminy: «Nisy lehilahy niakatra nitsena anay, nanao taminay hoe: Mandehana miverina any amin’ny mpanjaka naniraka anareo, ka lazao aminy hoe: Izao no lazain’i Iaveh: Moa ny tsy fisian’Andriamanitra ao amin’i Israely va no anirahanao hanontany amin’i Beela-Zeboba andriamanitr’i Akarona? Noho izany, tsy hidina hiala eo am-parafara niakaranao ianao, fa ho faty mihitsy.»
Nandeha niady tamin’i Filistinina izy, nazerany avokoa ny mandan’i Geta sy ny mandan’i Jabnià ary ny mandan’i Azota, dia nanao tanàna tany amin’ny faritanin’i Azota sy ny tany amin’ny Filistinina izy.
Ny faritra andrefana kosa, dia ny ranomasina Lehibe no ho faritrareo; io no hamaritra anareo amin’ny andrefana.
Avy eo Baala ny faritry ny tany dia niolaka miankandrefana mankany amin’ny tendrombohitra Jarima, dia i Keslôna izany, nidina mankany Bety-Samesa nihazo an’i Tamà.
Ary ny faritry ny tany andrefana dia ny ranomasina lehibe sy ny taniny. Izany no faritry ny tanin’ny taranak’i Jodà, araka ny fianakaviany, amin’ny lafiny rehetra.
Avy eo an-tampon’ny tendrombohitra dia nizotra ny faritry ny tany hatrany amin’ny lohan’ny ranon’i Neftoà, nihatra amin’ny tanàna ao an-tendrombohitra Efrôna; nandroso ny faritry ny tany mankany Baala, dia Kariata-Jearima izany.
Nony hitan’ny Filistinina fa maty ilay olo-maheriny, dia vaky nandositra izy ireo. Ary nitsangana ny lehilahy amin’i Israely sy i Jodà sady nanakora ary nanenjika ny Filistinina hatrany amin’ny fidirana ao Geta, sy hatrany am-bavahadin’i Akarôna. Niampatrampatra teny an-dalana ny fatin’ny Filistinina hatrany Saraima ka hatrany Geta sy Akarôna.
Tamin’izany dia nalefany hankany Akarôna ny Fiaran’Andriamanitra, dia nibabababa ny Akarônita nanao hoe: «Nentiny tatỳ amintsika ny Fiaran’ny Andriamanitr’i Israely mba hahafaty antsika sy ny firenentsika.»
Dia naniraka olona izy ireo, niantso ny filohan’ny Filistinina rehetra hankeo aminy, ary nilaza hoe: «Hataontsika ahoana ity Fiaran’ny Andriamanitr’i Israely?» Ka hoy ny navalin’ireo: «Aoka hafindra any Geta ny Fiaran’ny Andriamanitr’i Israely»; ka nafindra tao ny Fiaran’ny Andriamanitr’i Israely.
Ka ny tanàna nalain’ny Filistinina tamin’i Israely, tafaverina amin’i Israely indray, hatrany Akarôna ka hatrany Geta; ny faritanin’izy ireo dia nalain’i Israely teo an-tanan’ny Filistinina. Ary ny Amôreana, nihavana tamin’i Israely.