1Korintiana 16:14 - Baiboly Katolika Ataovy amim-pitiavana ny zavatra rehetra. Baiboly Protestanta Malagasy 2011 Izay rehetra ataonareo dia ataovy amin’ny fitiavana! DIEM PROTESTANTA Ataovy amim-pitiavana ny zavatra rehetra. Dikateny Iombonana Eto Madagasikara Ataovy amim-pitiavana ny zavatra rehetra. Baiboly Protestanta Malagasy Izay rehetra ataonareo dia ataovy amin’ny fitiavana. Malagasy Bible Izay rehetra ataonareo dia ataovy amin'ny fitiavana. La Bible en Malgache Izay rehetra ataonareo dia ataovy amin’ny fitiavana! |
Raha noho ny fihinananao no mampalahelo ny mpiray finoana aminao, dia tsy mandeha araka ny fitiavana intsony ianao, ka aza dia ny fihinananao no amerezanao olona nahafoizan’i Kristy aina.
Fa ny fanomezana ambony indrindra no irio mafy, dia izao lalana tsara indrindra hatoroko anareo izao.
Miezaha mitady ny fitiavana; fa maniria koa ny zava-panahy, fa indrindra ny faminaniana.
Izao koa no hafatra ataoko aminareo, ry kristianina havana: fantatrareo fa ry i Stefanasy, dia voaloham-bokatra tany Akaia, sady nanokan-tena hanampy ny olona masina,
Ny amin’ny hena naterina tamin’ny sampy, dia fantatsika ihany, fa samy manam-pahalalana isika rehetra. Ny fahalalana anefa mampiebo, fa ny fitiavana no mampandroso.
Ny vokatry ny Fanahy kosa dia izao: fitiavana, fifaliana, fiadanam-po, fahari-po, hamoram-panahy, hazavam-po, fahalemem-panahy, hatsaram-po, finoana, tsy fivadihana,
ary ny Tompo hampitombo sy hampandroso anareo amin’ny fifankatiavanareo, sy amin’ny fitiavanareo ny olona rehetra, tahaka anay aminareo izao!
Kanjo ankehitriny, nony tonga avy tatỳ aminareo i Timote, dia nolazainy tsara tatỳ aminay avokoa ny amin’ny finoanareo, ny fitiavanareo, ny fahatsiarovanareo anay tsara mandrakariva, ny fanirianareo hahita anay, toy ny anirianay hahita anareo,
Tsy maintsy misaotra an’Andriamanitra mandrakariva izahay noho ny aminareo, ry kristianina havana, fa rariny izany, satria ny finoanareo, mandroso fatratra; ny fifankatiavanareo, mitombo hatrany hatrany.
Ny antony kendrena amin’izany didy izany, dia ny fitiavana avy amin’ny fo madio sy kônsiansy tsara ary finoana tsy misy famahony;
Aoka hanan-kaja amin’ny olona rehetra ny fanambadiana, ary aoka tsy ho voaloto ny fandrian’ny mpivady fa hohelohin’Andriamanitra ny mpijangajanga sy ny mpaka vadin’olona.
Fa indrindra indrindra, mifankatiava fatratra, fa ny fitiavana manarona fahotana maro.
ny fitiavam-bavaka asio fitiava-namana; ny fitiava-namana asio fitiavana an’Andriamanitra.