1Tesaloniana 3:6 - Baiboly Katolika

⁶ Kanjo ankehitriny, nony tonga avy tatỳ aminareo i Timote, dia nolazainy tsara tatỳ aminay avokoa ny amin’ny finoanareo, ny fitiavanareo, ny fahatsiarovanareo anay tsara mandrakariva, ny fanirianareo hahita anay, toy ny anirianay hahita anareo,

Baiboly Protestanta Malagasy 2011

⁶ Izao anefa dia tonga atỳ aminay i Timoty, rehefa avy tany aminareo ka milaza vaovao mahafaly aminay ny amin’ny finoanareo sy ny fitiavanareo ary ny fahatsiarovanareo tsara anay mandrakariva, fa maniry hahita anay indrindra ianareo, tahaka anay ta hahita anareo koa.

DIEM PROTESTANTA

⁶ Efa tafaverina atỳ aminay izao i Timôty avy tatỳ aminareo, ka nilaza vaovao tsara taminay momba ny finoanareo sy ny fitiavanareo. Nilazany koa izahay fa mahatsiaro tsara anay mandrakariva ianareo sady maniry mafy ny hahita anay, toy ny anirianay mafy hahita anareo.

Dikateny Iombonana Eto Madagasikara

⁶ Efa tafaverina atỳ aminay izao i Timôty avy tatỳ aminareo, ka nilaza vaovao tsara taminay momba ny finoanareo sy ny fitiavanareo. Nilazany koa izahay fa mahatsiaro tsara anay mandrakariva ianareo sady maniry mafy ny hahita anay, toy ny anirianay mafy hahita anareo.

Baiboly Protestanta Malagasy

⁶ Fa raha vao tonga atỳ aminay ankehitriny Timoty avy tatỳ aminareo ka nilaza teny soa taminay ny amin’ny finoanareo sy ny fitiavanareo ary ny fahatsiarovanareo tsara anay mandrakariva, ka maniry hahita anay indrindra hianareo, tahaka anay aminareo koa,–

Malagasy Bible

⁶ Fa raha vao tonga atỳ aminay ankehitriny Timoty avy tatỳ aminareo ka nilaza teny taminay ny amin'ny finoanareo sy ny fitiavanareo ary ny fahatsiarovana anareo tsara anay mandrakariva, ka maniry hahita anay indrindra ianareo, tahaka anay aminareo koa,-

La Bible en Malgache

⁶ Izao anefa dia tonga atỳ aminay i Timoty, rehefa avy tany aminareo ka milaza vaovao mahafaly aminay ny amin’ny finoanareo sy ny fitiavanareo ary ny fahatsiarovanareo tsara anay mandrakariva, fa maniry hahita anay indrindra ianareo, tahaka anay ta hahita anareo koa.

1Tesaloniana 3:6 Rohy Ifampitohizana

Ohabolana 25:25

Rano mangatsiaka ho an’ny olona mangetaheta, toy izany ny filazan-java-tsoa, avy any an-tany lavitra.

Isaia 52:7

Endrey izany hatsaran’ny tongotr’ilay iraka eny an-tendrombohitra, izay mitory ny vaovao mahafaly, dia ny fiadanana; ilay manambara ny fahasambarana, ilay mitory ny famonjena; ilay milaza amin’i Siôna hoe: «Manjaka ny Andriamanitrao!»

Asan’ny Apostoly 16:1

Dia tonga tany Derbe sy Listra izy, ary indro nisy mpianatra anankiray teo atao hoe Timote, zanaky ny vehivavy Jody sady mpino, fa ny rainy no Jentily. dia lasa, rehefa natolotry ny havana iray finoana hoentin’ny fahasoavan’ny Tompo.

Asan’ny Apostoly 18:1

Taorian’izany, dia niala tao Atenina i Paoly ka nankany Kôrinty.

Asan’ny Apostoly 18:5

Nony tonga avy tany Masedônia i Silasy sy i Timote, dia nahery nitory teny i Paoly, ka nanamarina tamin’ny Jody fa i Jesoa no Kristy.

1Korintiana 11:2

Midera anareo aho, fa sady mahatsiaro ahy amin’ny zavatra rehetra ianareo no mitana tsara ny fampianarako, araka ny nanomezako azy anareo.

1Korintiana 13:13

Ary ankehitriny, ireto telo ireto no mitoetra: ny finoana, ny fanantenana, ny fitiavana; fa ny fitiavana no lehibe indrindra amin’ireo.

Galatiana 5:6

satria ao amin’i Kristy Jesoa dia tsy mampaninona izay famorana na tsy famorana, fa ny finoana ampiasain’ny fitiavana ihany no izy.

Filipiana 1:8

Fa Andriamanitra no vavolombelona fa manina anareo rehetra ao am-pon’i Kristy Jesoa indrindra aho.

Kolosiana 1:4

hatramin’ny nandrenesanay ny finoanareo an’i Kristy Jesoa sy ny fitiavanareo ny olona masina rehetra,

Kolosiana 4:18

Veloma, hoy izaho Paoly, amin’ity sora-tanako ity. Tsarovy ny fifatorako. Ho ao aminareo anie ny fahasoavana. Amen.

1Tesaloniana 1:3

ary tsy tapaka ny mahatsiaro eo imason’Andriamanitra Raintsika ny asan’ny finoanareo, sy ny fahafoizan-tenan’ny fitiavanareo, ary ny faharetan’ny fanantenanareo an’i Jesoa Kristy Tompontsika;

1Tesaloniana 2:17

Ary izahay, ry kristianina havana, vao tafasaraka am-batana fa tsy am-po taminareo vetivety foana, dia naniry mafy hahita anareo indray,

1Tesaloniana 2:9

He, tsaroanareo, ry kristianina havana, ny fikelezana aina amam-pisasaranay, fa sady niasa andro aman’alina izahay no nitory ny Evanjelin’Andriamanitra tany aminareo, mba tsy hahavaky tratra olona na dia iray taminareo aza.

1Tesaloniana 3:7

ka noho izany rehetra izany, ry kristianina havana, dia afaka alahelo ny aminareo izahay, teo amin’ny fahaterena amam-pahorianay rehetra, noho ny finoanareo;

2Tesaloniana 1:3

Tsy maintsy misaotra an’Andriamanitra mandrakariva izahay noho ny aminareo, ry kristianina havana, fa rariny izany, satria ny finoanareo, mandroso fatratra; ny fifankatiavanareo, mitombo hatrany hatrany.

1Timoty 1:5

Ny antony kendrena amin’izany didy izany, dia ny fitiavana avy amin’ny fo madio sy kônsiansy tsara ary finoana tsy misy famahony;

2Timoty 1:3

Misaotra an’Andriamanitra Izay tompoiko amin’ny saina madio aho, araka ny nataon’ny razako; ary tsy mitsahatra ny mahatsiaro anao andro aman’alina amin’ny fivavahako.

Filemona 1:5

satria reko ny finoanao an’i Jesoa Tompo sy ny fitiavanao ny olona masina rehetra.

Hebreo 13:3

Tsarovy izay mifatotra, aoka ho toy ny miara-mifatotra aminy ianareo; ary izay ampahoriana koa, fa mbola ao anatin’ny nofo koa ianareo.

Hebreo 13:7

Tsarovy ny mpitondra anareo, izay nitory ny tenin’Andriamanitra taminareo; diniho ny niafaran’ny fiainany, ka alao tahaka ny finoany;

1Jaona 3:23

Ary izao no didiny, dia ny hinoantsika an’i Jesoa Kristy Zanany, sy ny hifankatiavantsika, araka ny didy nomeny antsika.