1Petera 3:13 - Baiboly Katolika Ary iza no hahavita ratsy aminareo, raha mikely aina hanao soa ianareo? Baiboly Protestanta Malagasy 2011 Ary iza no hanisy ratsy anareo raha mazoto amin’izay tsara ianareo? DIEM PROTESTANTA Iza no hanisy ratsy anareo, raha mazoto amin’ny tsara ianareo? Dikateny Iombonana Eto Madagasikara Iza no hanisy ratsy anareo, raha mazoto amin’ny tsara ianareo? Baiboly Protestanta Malagasy Ary iza no hanisy ratsy anareo, raha mazoto amin’izay tsara hianareo? Malagasy Bible Ary iza no hanisy ratsy anareo, raha mazoto amin'izay tsara ianareo? La Bible en Malgache Ary iza no hanisy ratsy anareo raha mazoto amin’izay tsara ianareo? |
Ny lalan’ny ratsy fanahy, fahavetavetana eo imason’i Iaveh; fa ny manaraka ny rariny, no tiany.
«Alaovy izy, ka ataovy andry maso, aza asian-dratsy, fa araka izay lazainy aminao ihany atao aminy.»
Tsy mba ny asa tsara no atahorana ny mpifehy, fa ny ratsy atao ihany. Ka raha tsy te hatahotra ny mpifehy ianao, dia ny tsara no ataovy, fa hahazo dera aminy ianao,
Fantatsika koa fa ny zavatra rehetra dia entin’Andriamanitra hahasoa izay tia Azy, dia ireo efa voaantso araka ny fandaharany.
Miezaha mitady ny fitiavana; fa maniria koa ny zava-panahy, fa indrindra ny faminaniana.
Tandremo fandrao misy mamaly ratsy na amin’iza na amin’iza, fa ny soa ho an’ny namana sy ny olon-drehetra no katsaho mandrakariva.
tsara laza amin’ny asa soa: namelon-janaka, nampiantrano vahiny, nanasa tongotry ny olomasina, niantra ny ory, nazoto tamin’ny asa soa rehetra.
Izay nanolo-tena ho antsika mba hanavotra antsika ho afaka amin’ny ota rehetra, sy hanadiovany ho an’ny Tenany ny vahoaka izay ho Azy tokoa sady fatra-pitia ny asa soa rehetra.
Ry malala, aza ny ratsy no alain-tahaka, fa ny tsara. Izay manao ny tsara no avy amin’Andriamanitra; fa izay manao ny ratsy, tsy mba nahita an’Andriamanitra.