លំនឹងរបស់អ៊ីស្រាអែលចម្រៀងសម្រាប់ឡើងទៅព្រះវិហារ។ 1 អ្នកដែលជឿទុកចិត្តលើព្រះយេហូវ៉ា ប្រៀបដូចជាភ្នំស៊ីយ៉ូនដែលមិនរង្គើឡើយ គឺនៅស្ថិតស្ថេរជារៀងរហូត។ 2 ដូចដែលភ្នំនៅជុំវិញយេរូសាឡិមជាយ៉ាងណា ព្រះយេហូវ៉ាក៏គង់នៅជុំវិញប្រជារាស្ត្ររបស់ព្រះអង្គយ៉ាងនោះដែរ ចាប់ពីឥឡូវនេះ រហូតអស់កល្បជានិច្ច។ 3 ដំបងរាជ្យនៃសេចក្ដីអាក្រក់នឹងមិនស្ថិតនៅលើទឹកដីដែលជាចំណែករបស់មនុស្សសុចរិតឡើយ ក្រែងលោមនុស្សសុចរិតលូកដៃទៅរកអំពើទុច្ចរិត។ 4 ព្រះយេហូវ៉ាអើយ សូមប្រព្រឹត្តល្អដល់មនុស្សល្អ និងដល់មនុស្សទៀងត្រង់ក្នុងចិត្តផង! 5 រីឯចំពោះពួកអ្នកដែលបែរចេញទៅផ្លូវវៀចវេររបស់ខ្លួន ព្រះយេហូវ៉ានឹងនាំពួកគេទៅជាមួយពួកអ្នកដែលប្រព្រឹត្តអំពើទុច្ចរិត។ សូមឲ្យមានសេចក្ដីសុខសាន្តនៅលើអ៊ីស្រាអែល!៕ |