ԴԱՏԱՎՈՐՆԵՐ 3:14 - Նոր Էջմիածին Աստվածաշունչ Տասնութ տարի Իսրայելի որդիները ծառայեցին Մովաբի արքա Եգղոմին։ Նոր վերանայված Արարատ Աստվածաշունչ Եվ Իսրայելի որդիները Մովաբի Էգղոն թագավորին ծառայեցին տասնութ տարի։ |
Ես իմ հայացքը ձեր դեմ պիտի հառեմ, և դուք պիտի ընկնեք ձեր թշնամիների առաջ։ Ձեզ ատողները ձեզ պիտի հալածեն, և դուք փախստական պիտի լինեք, եթե անգամ որևէ մեկը չհալածի ձեզ։
Քո բոլոր սահմաններին ձիթենիներ կլինեն, բայց յուղով չես օծվի, որովհետև քո ձիթենիները բերք չեն տա։
Եվ հավաքեց նրանց դեմ Ամովնի որդիներին և Ամաղեկի որդիներին, գնաց հարվածեց Իսրայելին և տիրեց Արմավենիների քաղաքին։
Իսրայելի որդիներն աղաղակ բարձրացրին Տիրոջ առաջ, և Տերը նրանց համար մի փրկիչ մեջտեղ հանեց՝ Ավոդին՝ Եմենի որդի Գերայի որդուն, որը երկու ձեռքով էլ հաջող էր գործում։ Իսրայելի որդիները նրա ձեռքով Մովաբի Եգղոմ արքային ընծաներ ուղարկեցին։