Sòm 140:10 - Bib Sen An: Kreyòl Ayisyen

¹⁰ Kite chabon tou limen vin tonbe sou yo. Kite yo jete nan dife, nan fòs fon kote yo p ap kab leve sòti.

1998 Haïtienne

¹⁰ (11) Se pou Bondye grennen chabon dife sou yo tankou lapli. Se pou l fè yo tonbe nan gwo twou byen fon kote yo p'ap janm ka leve sòti.

Sòm 140:10 Referans Kwoze

Jenèz 19:24

Epi SENYÈ a te fè souf avèk dife ki sòti nan syèl la, tonbe tankou lapli sou Sodome avèk Gomorrhe.

Sòm 11:6

Sou mechan yo, Li va voye chabon cho tankou lapli; dife avèk souf avèk chabon brile va mele nan bwason yo.

Sòm 120:4

Flèch pwent file a gèrye yo, avèk chabon pye gayak tou limen.

Sòm 21:9

Ou va fè yo tankou yon founo k ap brile nan tan kòlè ou. SENYÈ a va vale yo nèt nan kòlè Li, epi dife va devore yo.

Sòm 55:23

Men Ou menm, O Bondye, va rale yo desann nan fòs destriksyon an. Moun ki vèse san e ki bay manti p ap rive fè mwatye nan jou yo. Men mwen menm va mete konfyans nan Ou.

Sòm 64:9

Nan moman sa a, tout moun va krent. Konsa, yo va deklare zèv Bondye yo. Ak sajès yo va konsidere sa Li te fè a.

Sòm 7:17

Mwen va bay remèsiman a SENYÈ a selon ladwati Li. Mwen va chante lwanj a non SENYÈ a,Toupwisan an.

Pwovèb 28:10

Sila ki egare moun dwat la nan move chemen an va li menm tonbe nan pwòp fòs li; men sila ki san tò a, va gen bon eritaj.

Pwovèb 28:17

Yon nonm ki twouble ak koupabilite san moun va yon fijitif jiskaske li mouri. Pinga pèsòn ba li soutyen.

Matye 13:42

L ap jete yo nan founo dife a e nan plas sa a, y ap kriye e y ap manje dan yo.

Matye 13:50

Epi y ap jete mechan yo nan founo dife a, kote y ap kriye e manje dan yo.

Revelasyon 20:15

Si non a nenpòt moun pa t twouve ekri nan liv lavi a, li te jete nan lak dife a.

Revelasyon 21:8

Men pou kapon yo, enkredil yo, abominab ak asasen yo, moun imoral yo, majisyen yo, idolat ak tout mantè yo, pati pa yo va nan lak ki brile avèk dife ak souf la, ki se dezyèm lanmò a.”