Pwovèb 13:15 - Bib Sen An: Kreyòl Ayisyen

Bon konprann pwodwi favè; men chemen moun ki pa fidèl la di.

1998 Haïtienne

Lè ou gen bon konprann, sa fè moun renmen ou. Men, lè moun pa ka fè ou konfyans, ou nan di.

Pwovèb 13:15 Referans Kwoze

Sòm 111:10

Lakrent SENYÈ a se kòmansman sajès. Tout sila ki fè kòmandman Li yo gen bon konprann. Lwanj Li dire jis pou tout tan!

Pwovèb 14:35

Favè a wa a se anvè sèvitè ki aji ak sajès; men kòlè li se anvè sila ki fè gwo wont.

Pwovèb 15:10

Pinisyon byen di ap tann sila ki abandone chemen an; sila ki rayi korije a va mouri.

Pwovèb 3:4

Konsa, ou va twouve favè avèk bon repitasyon nan men Bondye a, ak moun.

Pwovèb 4:19

Chemen mechan yo tankou tenèb; yo pa konnen sou kisa pou yo tonbe.

Jeremi 2:19

Pwòp mechanste ou va korije ou, e enfidelite ou va repwoche ou. Pou sa, konnen e wè ke se mal e anmè ke ou te abandone SENYÈ a, Bondye ou a. Laperèz Mwen pa nan ou,” deklare Senyè BONDYE dèzame yo.

Lik 2:52

Epi Jésus te kontinye grandi nan sajès, ak wotè, epi nan gras avèk Bondye e avèk lèzòm.

Travay 7:10

e Li te delivre li nan tout afliksyon li yo. Konsa li te bay li favè avèk sajès devan Pharaon, wa Égypte la, e te fè li vin gouvènè sou Égypte, ak tout lakay li.

Women 6:21

Donk Ki benefis nou te twouve konsa ki soti nan bagay yo ki fè nou wont koulye a? Paske sa ki soti nan bagay sa yo se lanmò.