3 Jan 1:11 - Bib Sen An: Kreyòl Ayisyen

Zanmi mwen yo pa imite sa ki mechan, men sa ki bon. Sila ki fè byen a Bondye. Sa ki fè mal pa janm te wè Bondye.

1998 Haïtienne

Zanmi mwen, pa fè tankou moun k'ap fè sa ki mal. Fè tankou moun k'ap fè sa ki byen. Moun k'ap fè sa ki byen, se moun Bondye yo ye. Moun k'ap fè sa ki mal pat janm wè Bondye.

Nouvo Testaman: Vèsyon Kreyòl Fasil

Zanmi m, pa imite sa ki mal. Imite sa ki bon. Nenpòt moun ki fè sa ki byen se pitit Bondye li ye. Men moun k ap fè sa ki mal pa t janm konnen Bondye.

3 Jan 1:11 Referans Kwoze

Sòm 34:14

Kite sa ki mal la epi fè sa ki bon. Chache lapè e fè efò pou twouve li.

Sòm 37:27

Kite mal e fè sa ki bon, pou ou kab viv jis pou tout tan.

Egzòd 23:2

Ou pa pou swiv foul la nan fè mechanste, ni ou pa pou fè temwen nan yon pwosè k ap vire pou swiv foul la pou ou kapab fè lajistis vin konwonpi.

Pwovèb 12:11

Sila ki raboure tè li a va gen anpil pen; men sila ki swiv bagay san valè yo manke bon konprann.

Jan 10:27

“Mouton pa M yo tande vwa M, e yo swiv Mwen.

Jan 12:26

“Si nenpòt moun ap sèvi Mwen, fòk li swiv Mwen. E kote Mwen ye, la sèvitè Mwen va ye tou. Si nenpòt moun ap sèvi Mwen, Papa a va onore li.

Jan 3:20

“Paske chak moun ki fè mal, li rayi limyè a, e pa vin kote limyè a, akoz perèz zèv li yo ta vin parèt.

1 Korent 11:1

Se pou nou vin imitatè a mwen menm, menm jan ke mwen osi se imitatè a Kris la.

1 Korent 4:16

Konsa, mwen egzòte nou, pou nou vin imitatè a mwen menm.

Efezyen 5:1

Konsa, se pou nou vin imitatè a Bondye, kòm zanfan byeneme.

Filipyen 3:17

Frè m yo vin swiv egzanp mwen an, e swiv sila ki mache selon modèl ke nou gen nan nou an.

1 Tesalonisyen 1:6

Nou osi te devni imitatè a nou menm e a Senyè a. Konsa, nou te resevwa pawòl la nan anpil tribilasyon, avèk lajwa Lespri Sen an.

1 Tesalonisyen 2:14

Paske nou menm, frè m yo, nou te devni imitatè a legliz Bondye nan Kris Jésus ki an Judée yo. Konsa, nou te andire menm soufrans sa yo nan men a pwòp moun peyi parèy a nou yo, jan yo menm te andire l nan men a Jwif yo.

2 Timote 3:10

Alò, ou te swiv ansègnman mwen an, kondwit, bi, lafwa, pasyans lanmou, pèseverans

Ebre 6:12

pou nou pa vin mou, men rete imitatè a sila ki, atravè lafwa ak tenasite, te vin eritye pwomès yo.

1 Pyè 3:11

Li dwe vire kite sa ki mal pou fè sa ki bon; kite li chache lapè e pouswiv li.

1 Pyè 3:13

Kilès ki kapab fè nou mal si nou montre zèl pou sa ki bon?

1 Jan 2:29

Si nou konnen ke Li dwat nèt, nou konnen osi ke tout moun ki pratike ladwati a se ne a Li.

1 Jan 3:10

Selon sa pitit a Bondye yo, ak pitit a dyab yo se byen klè. Nenpòt ki pa pratike ladwati a pa de Bondye, ni sila ki pa renmen frè li.

1 Jan 4:1

Byeneme yo, pa kwè tout lespri yo, men sonde yo pou wè si yo sòti nan Bondye, paske anpil fo pwofèt yo gen tan antre nan lemonn.