Juan 17:3

Ñanderuete Ñe’ẽ Porã 2015

Ha pe tekove tapia g̃uarãva ningo kóva: Tandekuaa hikuái ndéve, Ndémante Ñanderuete añeteguáva, ha toikuaa avei pe Nde rembouva’ekue, Hesu Crísto.

Referencias Cruzadas

1 Crónicas 28:9

Ha nde, che ra’y Salomon, ehechakuaáke nde ru Járape ha eservi ichupe py’a potĩme ha kyre’ỹpópe; Ñanderuete oitypekágui opaite yvyariguakuéra py’apýpe ha oikuaa avei opaite ñane pensamientokuéra. Eheka ichupe ha emba’apo ichupe g̃uarã; ha reñemomombyry ramo ichugui, Ha’e nderejáta katuete avei.

2 Crónicas 15:3

Heta ára Israel oikóma Ñanderuete ỹrehe, pa’i oporombo’e ỹrehe ha hembiapoukapy ỹrehe;

Salmokuéra 9:10

Upévare umi oikuaáva nde réra ojerovia nderehe, Nde, ore Ruete, nderepoírigui umi nderekávagui.

Mga Kawikaan 8:35

upe chejohúva ningo, ojohúma pe tekove, ha ohupityva’erã Ñanderuete py’aporã,

Isaías 48:16

Peñemboja che rendápe, pehendu hag̃ua ko’ã mba’e: Iñepyrũmby guive nañe’ẽi ñemiháme; ha ko’ág̃a Che, yvága Jára, aĩ hendive ha ame’ẽ ichupe che Pytu Porãite.

Isaías 53:11

Hi’ánga ohasa asyete rire Ha’e ohecháta hembiapo hi’a porã, ha ovy’áta ikuave’ẽmby porã rupi. Ha’e, pe Heko potĩva omopotĩ heta yvyariguápe hembiapo vaígui ha umía Ha’e voi ogueraháta ijapére.

Isaías 61:1

Ñanderuete, pe Jaraite Pytu Porãitéva oĩ cheári, Ha’e cheporavo; Ha’e chemondo ambohasa hag̃ua iñe’ẽ porãva umi ohasa asývape, ha ambopy’aguapy hag̃ua umi ojepy’apývape, amombe’u hag̃ua umi oñeñapytĩvape ojejorapataha, ha ojepe’apataha cárcel rokẽnguéra;

Jeremías 10:10

Ñanderuete katu yvyariguakuéra Jára añeteteguáva; ha’énte pe Jára oikovéva ha Tetã ruvichaguasu ijapyra’ỹva; Ha’e ipochy vove oryrýi ko yvy, ha umi tetã ndogueropu’akái ipochy.

Oséas 6:3

Ñañeha’ãmba jaikuaave hag̃ua Ñanderuetépe. Ha’e katuete oúta ñane rendápe ku kuarahy rendýicha osẽva opaite árape ha og̃uahẽta jaikohápe ku ama tenondegua ha ipaha peguáicha oúva ko yvy apére.

Márcos 9:37

Oimeraẽ omog̃uahẽva koichagua mitãme che rérape, chéve chemog̃uahẽ ha pe chéve chemog̃uahẽva, nachemog̃uahẽi chéve año, pe chembouva’ekuépe avei.

Lúcas 9:48

ha he’i ichupekuéra: Oimeraẽva omog̃uahẽva ko mitã kóvape che rérape, chéve chemog̃uahẽ. Ha upe chemog̃uahẽva hekovépe, omog̃uahẽ pe chembouva’ekuépe. Upe michĩvéva pende apytépe, upéva ningo pe tuichavéva.

Juan 10:36

Pe Ñanderuete oiporavóma ha omboumava’ekuépe ko yvy ape ári piko peẽ pejéta ichupe: Nde reñe’ẽvai, ere haguére: Che ningo Ñanderuete Ra’y.

Juan 11:42

Che ningo aikuaa voi tapiaite Nde cherenduha, ko tetãygua aty kóva rehehápente ajerure, oguerovia hag̃ua hikuái Nde chembou hague.

Juan 14:26

Pe Pytyvõhára, pe Pytu Porãmbáva, Ñanderuete omboútava pene rendápe che rérape, Ha’e penembo’éta opaite mba’e, ha penemomandu’áta opaite umi mba’e Che ha’emava’ekue peẽme.

Juan 17:18

Nde chembou haguéicha ko yvy ári, péicha avei Che amondo ichupekuéra ko yvy tuichakuépe.

Juan 17:21

Opavavete oiko hag̃ua oñondive peteĩ py’ápe, Nde reiko háicha chepype, ha Che aiko háicha ndepype, upéicha ha’ekuéra oiko hag̃ua avei ñandepype, yvyariguakuéra oguerovia hag̃ua Nde chembou hague.

Juan 17:23

Che ipypekuéra ha Nde chepype, upéichamante oiko porã hag̃ua hikuái oñondive, ha yvyariguakuéra oikuaa hag̃ua Nde chembou hague, ha Nde rehayhuha ichupekuéra, Nde cherayhu háicha chéve.

Juan 17:25

Che Ruete, nde reko ningo iporãite, tetãyguakuéra apytépe heta ningo nandekuaáiva, oĩ katu umi ndekuaáva, Che roikuaa háicha ndéve ha ha’ekuéra oikuaáma Nde voi chembou hague ko yvy ári.

Juan 17:8

Opaite ñe’ẽ ambohasámava ichupekuéra, ha’ekuéra ojapyhy porãma, ohechakuaa porãgui Che añetehápe aju hague ndehegui, ha ogueroviáma hikuái Nde chembou hague.

Juan 3:17

Ñanderuete ningo nomboúi ita’ýrape ko yvy ape ári ombojovake hag̃ua kuimba’e ha kuñakuérape, osalva hag̃ua uvei opavave ojeroviávape guive hese.

Juan 3:34

Pe Ñanderuete ombouva’ekue oñe’ẽ Ñanderuete rembipotáre ha Ñanderuete ome’ẽ pe Pytu Porãmbáva takate’ỹ’ỹre opavave ojeroviáva guivépe Hesu Crístore.

Juan 5:44

Mba’éicha piko ikatu pejerovia, peẽ voi peñembotuicha ramo oñondive, ha pe ñembotuicha oúva Ñanderuetégui ndapehekái.

Juan 6:57

Chembou haguéicha che Ruete oikovéva, ha Che aikove háicha che Ruete rupi, upéicha avei pe che retégui ho’uva, oikovéta avei chérupi.

Juan 7:29

Che katu aikuaa ichupe, Che ningo imba’e, ha Ha’e voi ningo chembouva’ekue.

Juan 8:19

Upémaramo he’i hikuái Hesúpe: Moõpa oime nde Ru. Hesu katu ombohovái ichupekuéra: Peẽ ningo ndachekuaái, ni ndapeikuaái che Ruetépe. Peẽ chekuaa rire peikuaava’erãmo’ã avei che Ruetépe.

1 Corintoyguakuérape 15:34

Pepáykena ha peneakã porã jevýke ha anive pejapo mba’e ivaíva. Oime ningo pende apytépe umi oikuaa’ỹva Ñanderuetépe, péva che ha’eva’erã peẽme, petĩ hag̃ua.

1 Corintoyguakuérape 8:4

Ha añe’ẽse umi tembi’u oñekuave’ẽva rehe jára gua’úpe, jaikuaa voi ningo pe jára gua’u ndaha’eiha mba’eve añeteguáva ko múndope, ndaipóri ambue jára, peteĩnte oĩ, ha’éva Ñanderuete.

2 Corintoyguakuérape 4:6

Ñanderuete he’i voi ikuatiañe’ẽme: Pytũhágui tohesape pe tesape, (Génesis 1,3). Ha’e voi ohesape avei ñande py’apy jahechakuaa hag̃ua Ñanderuete reko jajaipa Hesu Crísto rova rupi.

Filipoyguakuérape 3:10

Che aikuaa porãseve Hesu Crístope ha Ñanderuete pu’aka, omoingove jevyva’ekue Ita’ýra omanova’ekue apytégui, ha che amoirũ ichupe avei ijehasa asýpe, che ajoguave hag̃ua ichupe avei iñemanóme.

Filipoyguakuérape 3:8

Añetehápe ko’ág̃a ahechakuaa mba’evaiete ha yty (tepoti) ramo, ha iporã che amboyke ha amombo ytýpe ko’ã mba’e ko’ãva Hesu Crísto rayhupápe, ha avy’aite aikuaaháre Hesu Crísto che Jaraha,

1 Tesalonicayguakuérape 1:9

Ha’ekuéra voi ningo omombe’úta mba’éichapa peẽ oremog̃uahẽ porãva’ekue pende apytépe ha mba’éichapa peẽ pepoi pende jára gua’úgui, pejerovia hag̃ua Ñanderuete oikovéva ha añeteguáva rehe,

2 Tesalonicayguakuérape 1:8

ha tata rendýpe ohepyme’ẽ hag̃ua umi ndoikuaaséivape Ñanderuetépe ha naiñe’ẽrenduséivape Ñandejára Hesu Crísto ñe’ẽ porãitépe,

hebreoyguakuerape 3:1

Upévare che hermanokuéra heko potĩva, Ñanderuete ohenoimava’ekuépe imba’erã ramo, pema’ẽ porãke Hesu Crísto rehe, Ñanderuete ombouva’ekue pa’iguasu ramo, jajerovia hag̃ua hese.

2 Pédro 1:2

Iporiahuvereko ha ipy’aguapy tapenemyenyhẽve pehóvo peikuaa porãve hag̃ua Ñanderuetépe ha Ñandejára Hesu Crístope.

2 Pédro 1:3

Hesu Crísto pu’aka rupi oñeme’ẽmba ñandéve opaite mba’e ñaikotevẽva guive jaikove ha jajerovia hag̃ua hekópe Ñanderuete rehe. Ha’e ñanerenoiva’ekue heko jajaipa ha ipu’aka rupi.

2 Pédro 1:8

Ko’ã mba’e ko’ãva oĩ ramo pendepype ha okakuaave ramo ohóvo pende rekovépe, peẽ ndapeiko reimo’ãi ha ndapeikuaa reimo’ãi Hesu Crístope, ha pende rekovépe hi’áta katuete pe Pytu Porãmbáva yva.

1 Juan 1:2

ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

1 Juan 1:3

Upévare, umi mba’e ore rohecha ha rohenduva’ekue romombe’u peẽme, peẽ peñembopy’apeteĩ hag̃ua orendive, ha ñaĩ hag̃ua Ñanderuete ha ita’ýra Hesu Crísto ndive.

1 Juan 2:23

Opaite ombotovéva pe Ta’ýrape (Hesu Crístope) ndoguerekói avei pe Túva. Ha pe omboajéva pe Ta’ýrape upéva omoañete avei pe Túvape.

1 Juan 4:6

Ñande katu Ñanderuete reheguáva, ha upévagui pe oikuaáva Ñanderuetépe katuete ñanerendu, ha upe ndaha’éiva Ñanderuete reheguáva nohendumo’ãi ñane ñe’ẽ. Upéicha ñambojuavy porãkuaa pe Pytu Añetegua ha pytu japu apytégui.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.