Juan 17:4

Ñanderuete Ñe’ẽ Porã 2015

Che ningo rombotuicha ko yvy ári ha ajapopa pe tembiapo reme’ẽva’ekue chéve Che ajapo hag̃ua.

Referencias Cruzadas

Lúcas 22:37

Che voi ha’éma peẽme ojehuva’erã opaite mba’e oje’éva guive cherehe Ñanderuete kuatiañe’ẽme: Tekove vai apytépe ojejohu ichupe. Opaite mba’e oje’éva guive cherehe oikopatamahína, (Isaías 53,12).

Juan 12:28

Che Ruete embotuicha nde réra. Upevove ou peteĩ ñe’ẽ yvágagui he’íva: Che ambotuicháma ha ambotuicha jevyva’erã ichupe.

Juan 14:13

Ha opaite mba’e peẽ pejeruréva che rérape, upéva Che ajapóta avei. Che Ruete oñembotuicha hag̃ua chérupi.

Juan 14:31

Opaite ko’ã mba’e ojehútava guive che renonderãme, ojehu tetãyguakuéra oikuaa porã hag̃ua Che ahayhuha che Ruetépe, ha ajapopataha Ha’e he’iva’ekue guive chéve. Pepu’ã katu, ha jaha ko’águi.

Juan 15:10

Pejapo ramo che rembipota peiméta che mborayhúpe, Che voi ajapo che Ruete rembipota ha aĩ imborayhúpe.

Juan 19:28

Ko’ã mba’e rire Hesu oikuaávo opaite mba’e oikomaha ojehai haichaite Ñanderuete kuatiañe’ẽme he’i: Chey’uhéi.

Juan 19:30

Hesu ho’u rire pe víno hái he’i: Oikopáma, ha oñakãitývo ojehekýi ipytu.

Juan 4:34

Hesu katu he’i ichupekuéra: Che rembi’u ningo ajapova’erãha pe chembouva’ekue rembipota ha ajapopava’erã hembiaporã.

Juan 5:36

Che katu aguereko ambue techahare tuichavéva Juángui; umi tembiapo che Ru ome’ẽva’ekue chéve ajapo hag̃ua, ohechauka che Ru chembou hague.

Juan 9:3

Hesu katu he’i ichupekuéra: Kóva, ndaha’éi itúva ni isy angaipáre ha’e onace hague hesatũva. Péva ojehúnte ojehechauka hag̃ua ha’érupi Ñanderuete pu’aka, peteĩ milágro rupi.

Apostolkuéra 20:24

Che nambyasýi ahundíta ramojepe che rekove ko yvy ári, pe che aipotavéva katu: Ahupity hag̃ua pe tekove opa’ỹva ha che ajapopa pe tembiapo Hesu Crísto ome’ẽmava’ekue chéve, péva he’ise che amyasãi hag̃ua Hesu Crísto evangélio ha Ñanderuete mborayhu.

2 Timotéope 4:7

Che añorãirõmbáma pe ñorãirõ porã, añaníma che carréra, añongatúma hekópe che jerovia che py’apýpe ipaha árape g̃uarã.