Juan 17:2

Ñanderuete Ñe’ẽ Porã 2015

Nde reme’ẽ ichupe pu’aka opavave yvyariguakuéra rehe, Ha’e ome’ẽ hag̃ua ndérupi ichupekuéra pe tekove tapia g̃uarãva.

Referencias Cruzadas

Salmokuéra 110:1

Ñanderuete he’i che Járape: Eguapy che akatúape, amoĩ meve umi nderehe ija’e’ỹva nde py renda ramo.

Daniel 7:14

Ha oñeme’ẽ ichupe pu’aka, teko jajaipa, tetãguasu, opaite tetãnguéra, tribukuéra ha opaichagua ñe’ẽ oiko hag̃ua ipoguýpe, hembiguaikuéra ramo, ipu’aka opyta hag̃ua tapiaite g̃uarã, ndohasaiva’erã, ha hetãguasuete noñehundiriva’erã araka’eve.

Matéo 11:27

Opaite mba’e, che Ruete omoĩmba che pópe. Avave ndoikuaái pe Ta’ýrape, pe Túva añómante; ha avave ndoikuaái pe Túvape, pe Ta’ýra añómante ha pe Ta’ýra oikuaaukasévape avei.

Matéo 25:46

Ha ãva ohóta pe jehavira (castígo) ijapyra’ỹvape, ha umi heko potĩva katu pe tekove ijapyra’ỹvape (Daniel 12,2).

Matéo 28:18

Ha Hesu oñembojávo ha oñe’ẽvo ichupekuéra he’i: Oñeme’ẽmba chéve opaichagua pu’aka, yvága ha yvy apére.

Juan 17:24

Che Ruete, umi Nde reme’ẽva’ekue chéve aipota oĩ hag̃ua hikuái avei Che aĩháme, ohecha hag̃ua hikuái che reko jajaipa Nde reme’ẽmava’ekue chéve, ha Nde cherayhu voiva’ekue ojejapo mboyve ko múndo ha yvagakuéra.

Juan 17:6

Che aikuaaukáma nde réra umi ne retãyguakuérape, Nde reme’ẽmava’ekue chéve, ha’ekuéra ojapo hag̃ua ne ñe’ẽ ha ne rembipota.

Juan 17:9

Che ajerure’aína ndéve hesekuéra, ndajeruréi ambuekuéra rehe, umi reme’ẽva rehénte chéve, ha’ekuéra ningo ne mba’e voi.

Juan 3:35

Ñanderuete ohayhu Ita’ýra Hesu Crístope, ha omoĩma opaite mba’e ipópe.

Juan 4:14

Upe hoy’úva pe y oporomoingovéva Che ame’ẽtavagui ndaijy’uheivéima araka’eve. Pe y Che ame’ẽtava oporomoingovégui tapia g̃uarã.

Juan 6:27

Ani peñeha’ã pehupity hag̃uánte pe tembi’u opa reíva, peñeha’ã katu pehupity hag̃ua pe tembi’u tekove tapia g̃uarãva uvei, ha kóva ningo pe yvyarigua Ra’y ome’ẽtava peẽme, ha Ñanderuete, pe Jaraitéva omoañete voi ichupe.

Juan 6:37

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.

Juan 6:39

Ha kóva ningo chembouva’ekue rembipota, ani hag̃ua Che ahundi avavépe, Ha’e ome’ẽmava guive chéve, amoingove jevy hag̃ua uvei ichupe pe ára pahápe.

Romayguakuérape 6:23

Pe angaipa repy ningo pe ñemano, Ñanderuete me’ẽmby rei katu pe tekove tapia g̃uarãva Ñandejára Hesu Crísto pendepype.

1 Corintoyguakuérape 15:25

Hesu Crísto oisãmbyhyva’erã, Ha’e ombopoguypa peve opaite hese ija’e’ỹvape.

Efesoyguakuérape 1:20

Ñanderuete pu’akaguasu omba’apova’ekue Hesu Cristopype omoingove jevy hag̃ua ichupe omanova’ekue apytégui, ha upéi omboguapy avei ichupe yvágape Ñanderuete akatúape.

Filipoyguakuérape 2:10

Hesu réra renondépe oñesũmbava’erã opavave oĩva guive yvágape, yvy apére ha yvy guýpe.

1 Timotéope 1:16

Upévare Hesu Crísto chemyenyhẽ iporiahuverekógui, péva ijopói chéve g̃uarã, ojehechauka hag̃ua che rekove rupi, imborayhu tuicha oha’ãrõva opaite ojeroviátavape g̃uarã, ohupity hag̃ua avei Hesu Crísto rupi pe tekove opa’ỹva.

hebreoyguakuerape 1:2

Ha ko’ã ára pahápe katu oñe’ẽ ñandéve ita’ýra Hesu Crísto rupi. Ipópe ningo omoingo opaite mba’e, ha Ha’érupi ojejapo opaite mba’e ojehecháva ha ndojehecháiva guive, (Colosayguakuérape 1,16).

1 Pédro 3:22

Ko’ág̃a Hesu Crísto oguapy yvágape Ñanderuete yke akatúape, Ha’e ombopoguy rire umi yvága rembiguái vaípe, huvichakuérape ha umi pu’aka oñemoĩmava’ekue hese.

1 Juan 1:2

ha pe Tekovete ojehechaukava’ekue ha ore ropytava’ekue techahare añeteguáva ramo, ore romombe’u peẽme. Ko Tekovete tapia g̃uarã oikova’ekue Ñanderuete ndive ha ojehechaukáma oréve.

1 Juan 2:25

Kóva ningo pe Ha’e oprometeva’ekue ñandéve: Pe tekove opa’ỹva.

1 Juan 5:20

Jaikuaa ningo Ñanderuete Ra’y ou hague, ha ome’ẽ ñandéve akã porã ñande jaikuaa hag̃ua pe Añeteguávape, ha ñande ñaĩ pe Añeteguavapype, he’ise Ñanderuete Ra’y Hesu Crístopype. Ha’e Ñandejára Añeteguáva ha pe tekove tapia g̃uarãva.

Júdas 1:21

Peñeñongatu Ñanderuete mborayhupype, peha’ãrõ Ñandejára Hesu Crísto ou jevy peve iporiahuvereko reheve peiko hag̃ua hendive tapia g̃uarã.