Juan 10:3

Ñanderuete Ñe’ẽ Porã 2015

Ha pe oñangarekóva pe kora rokẽ rehe, oipe’áta ichupe g̃uarã pe okẽ, upérõ pe ovecha rerekua ohenóita ijovechakuérape, peteĩteĩme heratee rupi, ha ohendu ramo hikuái iñe’ẽ, Ha’e oguenohẽta ichupekuéra okápe.

Referencias Cruzadas

Salmokuéra 80:1

Nde voi ningo Israel rerekua, upévare ehendumína ha eñangarekomína ku ovecha rerekuáicha Israel rehe, ha Nde reguapýva querubinkuéra (angelkuéra) ári ehechaukamína nde reko jajaipa.

Éxodo 33:17

Ha Ñanderuete he’i Moiséspe: Ajapóta avei ko mba’e ereva’ekue, rejohúgui py’aporã che resa rendondépe ha Che roikuaágui nde réra rupi.

Mga Kawikaan 27:23

Ema’ẽ porã nde ovecha rehe ha eñangareko porãkena ne rymba aty rehe.

Cantar de los cantáres 8:13

Karia’y oñe’ẽ: Nde reikóva umi yvoty ykére, umi nemoirũva ohendu ne ñe’ẽ, ehendukamína chéve avei.

Isaías 40:11

Ku ovecha rerekua oñangareko háicha hymba aty rehe; ijyva ári ogueraháta umi ovechara’y, ha ipyti’akuápe oñongatu ichupekuéra, mborayhupópe oñangarekóta umi imembyramóva rehe.

Isaías 42:16

Ha aisãmbyhýta umi hesatũvape tape oikuaa’ỹva rupi, amboguatáta ichupekuéra tape oikuaa’ỹva rehe ha pe ypytũ oĩva henonderãme amyesakãmbáta ha aguenohẽta umi ita oĩva hapépe oguata hag̃ua tape potĩ rehe. Ko’ã mba’e katuete ajapóta ichupekuéra g̃uarã, ha ndapoimo’ãi che ñe’ẽgui ajapopa peve.

Juan 10:14

Che katu pe ovecha rerekua añeteguáva, aikuaa porã che ovechakuéra, pe chemba’epágui.

Juan 10:16

Ha Che areko avei ambue korápe che ovecharãnguéra. Che aruva’erã avei umívape, umíva ohendúta che ñe’ẽ, ambyatypáta peteĩ korapýpente, oiko hag̃ua peteĩ ovecha atyguasu ramo peteĩ ovecha rerekua poguýpente.

Juan 10:4

Ha oguenohẽmbávo pe korágui, Ha’e ohóta henonderãnguéra, ha ijovechakuéra ohóta hapykuéri oikuaágui iñe’ẽ.

Juan 10:9

Che ningo pe okẽ, oimeraẽva chérupi oikéva pe okẽ rupi ojesalváta ha hekove pukukue javeve ojehúta umi mba’e oikotevẽva oikove hag̃ua.

Juan 6:37

Opaite umi che Ruete ome’ẽva chéve oúta che rendápe, ha upe oúva che rendápe mba’evéicharamo namosẽmo’ãi okápe.

Juan 6:45

Pe proféta Isaías he’i voi: Ñanderuete ohekombo’epáta ichupekuéra. Ha opavave ohendúva guive Ñanderuetépe ha oñehekombo’éva Ha’érupi, katuete oúta che rendápe, (Isaías 54,13).

Romayguakuérape 8:30

Umi Ha’e oiporavova’ekuépe, Ha’e ohenoimava’ekue avei, ha omboheko potĩva’ekue avei; ha umi ha’e omboheko potĩva’ekuépe, Ha’e omboheko mimbiva’ekue avei.

1 Corintoyguakuérape 16:9

Ojepe’águi chéve peteĩ okẽ amyasãi hag̃ua Ñanderuete ñe’ẽ porãite (evangélio), heta ohenduségui, oĩ ramojepe avei umi oñemoĩva Hesu Crísto rehe.

Filipoyguakuérape 4:3

Che ajerure avei ndéve, che irũetéva (Sícigo), eipytyvõ ichupekuéra, ha’ekuéra ningo omba’apo porãva’ekue chendive omyasãi hag̃ua Ñanderuete ñe’ẽ porãite, upéicha avei Cleménte ha ambuekuérape; herakuéra ningo ojehai tekove rehegua kuatiañe’ẽme.

Colosayguakuérape 4:3

Peñembo’e avei orerehe, Ñanderuete oipe’a hag̃ua peteĩ okẽ ikatu hag̃ua romombe’u iñe’ẽ ha romyasãi Hesu Crísto mba’e ñemimby (secréto), upévare che aĩ avei cárcelpe.

2 Timotéope 2:19

Oĩ katu Ñanderuete kuatiañe’ẽ apytépe peteĩ ñe’ẽporã opytáva ku itaguasúicha, hi’ári oñemopu’ãva peteĩ óga, ko itaguasu kóva nomýiri ni noñemoambuéi, péicha he’i ko ñe’ẽ kóva: Ñanderuete oikuaa porã imba’eteévape, (Nahum 1,7; Juan 10,27). Ha tojei teko vaígui opavave ojeroviáva añetehápe Hesu Crísto rehe, Ijára ramo.

1 Pédro 1:12

Hesu Crísto Pytu Porãite ohechaukava’ekue ichupekuéra ko mba’e kóva, ha’ekuéra oikuaaséva; ko mba’e katu ndaha’éi ichupekuéra g̃uarã, peẽme g̃uarãnte uvei ha’ekuéra omombe’ukáva. Ha ko’ág̃a oñemombe’úma avei peẽme Ñanderuete salvacion ha umi omyasãiva’ekue ko ñe’ẽ kóva pende apytépe ojapo hikuái Pytu Porãmbáva pu’aka rupi. Ko’ã mba’e yvága rembiguaikuéra (angelkuéra) jepe oikuaa porãse avei.

1 Juan 4:6

Ñande katu Ñanderuete reheguáva, ha upévagui pe oikuaáva Ñanderuetépe katuete ñanerendu, ha upe ndaha’éiva Ñanderuete reheguáva nohendumo’ãi ñane ñe’ẽ. Upéicha ñambojuavy porãkuaa pe Pytu Añetegua ha pytu japu apytégui.

3 Juan 1:14

aha’ãrõgui rohecha pya’e hag̃ua, upéramo ñañomongetáta oñondive.

Apocalípsis 20:15

Ha upe héra ojejohu’ỹva pe tekovete rehegua kuatiañe’ẽme oñemombova’erã pe lágo tataguiguápe.

Apocalípsis 3:20

Ema’ẽ porãke, Che añembo’yha’aína ne rokẽme ha ambota’aína (aikeségui). Oimeraẽ ohendúva Che ñe’ẽ ha oipe’áva hokẽ, aikéta hendápe akaru hag̃ua hendive, ha ha’e chendive.

Apocalípsis 7:17

Pe Ovechara’y oĩva pe guapyhaguasu mbytépe omongaru ha omboy’úgui ichupekuéra pe yvu oporomoingovévagui ha Ñanderuete omokã opaite tesay hesaguikuéra.