Juan 10:2

Ñanderuete Ñe’ẽ Porã 2015

Upe oikéva hokẽ rupi, upéva ningo hína pe ovecha rerekua añeteguáva.

Referencias Cruzadas

Salmokuéra 23:1

Ñanderuete che rerekua, Ha’e ome’ẽmba chéve aikotevẽva guive.

Salmokuéra 80:1

Nde voi ningo Israel rerekua, upévare ehendumína ha eñangarekomína ku ovecha rerekuáicha Israel rehe, ha Nde reguapýva querubinkuéra (angelkuéra) ári ehechaukamína nde reko jajaipa.

Eclesiástes 12:11

Umi iñarandúva ñe’ẽ ojoguaite ñuatĩ ha clávope; ko ñemoñe’ẽhára ñe’ẽ katu ojogua avei umi yvyra akuápe (poste’ípe), ovecha rerekua omoingéva yvýpe ojoko hag̃ua hóga rymba pirekueguiguáva.

Isaías 40:11

Ku ovecha rerekua oñangareko háicha hymba aty rehe; ijyva ári ogueraháta umi ovechara’y, ha ipyti’akuápe oñongatu ichupekuéra, mborayhupópe oñangarekóta umi imembyramóva rehe.

Isaías 63:11

Upémaramo Israel imandu’a umi ára ymaveguare rehe, Moises ha hetãyguakuéra rehe ha oporandu: Mamo piko oime pe ovecha rerekua oguenohẽmava’ekue ichupekuéra yguasúgui, mamo piko oime upe ome’ẽva’ekue Moises py’apýpe Ipytu Porãmbáva.

Ezequiel 34:23

Ha amoĩta hi’arikuéra peteĩ herekuarã; ha Ha’e oñangareko porãta hesekuéra; amopu’ãta che rembiguái Davídpe, ha ha’e oikóta iñangarekoha ramo.

Miquéas 5:5

Hendive voi oúta py’aguapy, ha Asiriaygua ou jevy ramo ñane retãme opyrũ hag̃ua ñande rogaguasu rehe, upéramo ñamondóta hendápe 7 tymba rerekua ha 8 mburuvicha.

Zacarías 11:3

Umi ovecha rerekua ipyahẽ asy oñehundígui pe kapi’i rovyũ, ha umi leõ ra’yrusu okororõ oñehundígui avei ka’aguy porã oĩva’ekue ysyry Jordan rembe’ýpe.

Zacarías 11:5

ha umi ojoguáva ko’ã ovecha ojuka ichupekuéra oñembyasy’ỹre ha ovende rire he’i: Grácias Ñanderuetépe, ahupitýgui heta pirapire, iñangarekohára jepeve ndoiporiahuverekói ichupekuéra.

Zacarías 11:8

Ha peteĩ jasýpe amosẽ mbohapy ovecha rerekua chembopochývape, oñemoĩ haguére cherehe.

Zacarías 13:7

Nde kyse puku reheve eñemoĩ che rerekua ha che irũ rehe, he’i ángel atykuéra Jára. Eikutu che rerekuápe ijovechakuéra oñemosarambi hag̃ua, ha upéi amopu’ãta che po umi mburuvicha michĩva rehe.

Matéo 15:11

Umi mba’e oikéva ñande jurúpe nañanemongy’ái, umi ñe’ẽ ñande jurúgui osẽva katu ñanemongy’a.

Juan 10:14

Che katu pe ovecha rerekua añeteguáva, aikuaa porã che ovechakuéra, pe chemba’epágui.

Juan 10:7

Upérõ Hesu he’i jevy ichupekuéra: Añetehápe, añetehápe, ha’e peẽme: Che ningo pe okẽ ovechakuéra ohasa hag̃ua.

Juan 10:9

Che ningo pe okẽ, oimeraẽva chérupi oikéva pe okẽ rupi ojesalváta ha hekove pukukue javeve ojehúta umi mba’e oikotevẽva oikove hag̃ua.

Apostolkuéra 20:28

Peñeñangareko porãke pendejehe ha opaite iglesiayguakuérare, pe Pytu Porambáva pendeporavómagui peiko hag̃ua iglésia anciáno ramo, upévare pemboguata porã Ñanderuete iglésiape, Ha’e ojoguava’ekue ita’ýra Hesu Crísto ruguy rupi.

1 Timotéope 4:14

Ani remboyke nde Pytu Porãmbáva me’ẽmby, oñeme’ẽmava’ekue ndéve peteĩ profecía rupi, umi karai anciáno, omoĩ ramoguare ipo ne akã ári.

Títope 1:5

Che rohejava’ekue Crétape remoĩ porãmba ha reiporavo hag̃ua umi omyakãvape pe iglésia rembiapo (karai anciáno) opaite itávape, che ha’e haguéicha ndéve.

hebreoyguakuerape 13:20

Ñanderuete, pe py’aguapy Jára, omoingove jevymava’ekue Hesu Crístope omanóva apytégui, Hesu Crísto ningo pe ovecha rerekuaguasu ha huguytee rupi Ha’e ñanembopy’apeteĩ jevy Ñanderuete ndive,

1 Pédro 2:25

Peẽ peikova’ekue ku ovecha kañymbyréicha, ko’ág̃a katu pejevýma pende rerekua rendápe, Ha’e oñangareko hag̃ua pene ánga rehe.

1 Pédro 5:4

Ha Hesu Crísto ningo pe ovecha rerekuaguasu, ojehechaukaha árape oñeme’ẽta peẽme peteĩ akã jeguaka (coróna) heko jajaipa reheguáva oñembyai’ỹva máramo.

Apocalípsis 1:20

Kóva ningo pe mba’e ñemimby umi 7 jasytata rehecháva Che po akatúape ha umi 7 tataindyenda oroguiguáva: Umi 7 jasytata he’ise 7 iglésia rembijokuái (karai anciáno) ha umi 7 tataindyenda he’ise 7 iglésia.