Juan 10:4

Ñanderuete Ñe’ẽ Porã 2015

Ha oguenohẽmbávo pe korágui, Ha’e ohóta henonderãnguéra, ha ijovechakuéra ohóta hapykuéri oikuaágui iñe’ẽ.

Referencias Cruzadas

Cantar de los cantáres 2:8

Kuñataĩ oñe’ẽ: Pejapysaka, pema’ẽna, ouhína che mborayhu jára, opo oúvo umi cérro rehe.

Cantar de los cantáres 5:2

Kuñataĩ oñe’ẽ: Che rete okéma, che py’apy katu ne’ĩra. Ehendumína, oúma ha ombota che rokẽme he’ívo: Che mborayhu jára eipe’amína chéve ne rokẽ, che rembirekorãmi, che pykasumi iporãitéva, che akã henyhẽmbágui ysapýgui, che akã raguégui otyky pyhare ysapy.

Matéo 16:24

Upémaramo Hesu he’i hemimbo’ekuérape: Upe che rapykuéri ouséva toñembyesarái ijehegui jepeve, tohupi ikurusu ha tou che rapykuéri.

Juan 10:16

Ha Che areko avei ambue korápe che ovecharãnguéra. Che aruva’erã avei umívape, umíva ohendúta che ñe’ẽ, ambyatypáta peteĩ korapýpente, oiko hag̃ua peteĩ ovecha atyguasu ramo peteĩ ovecha rerekua poguýpente.

Juan 10:27

Che ovechakuéra ohendu katuete che ñe’ẽ ha che aikuaa porã ichupekuéra, ha ha’ekuéra oñemboja che rendápe oho hag̃ua che rapykuéri Che ahasehápe.

Juan 10:3

Ha pe oñangarekóva pe kora rokẽ rehe, oipe’áta ichupe g̃uarã pe okẽ, upérõ pe ovecha rerekua ohenóita ijovechakuérape, peteĩteĩme heratee rupi, ha ohendu ramo hikuái iñe’ẽ, Ha’e oguenohẽta ichupekuéra okápe.

Juan 10:5

Oikuaa’ỹva rapykuéri ndohomo’ãi, okañyva’erã uvei ichugui, ndoikuaáigui iñe’ẽ.

Juan 10:8

Opavave che mboyve ouva’ekue ningo mondaha ha mba’evai apoha, ha ovechakuéra nohendúi ichupekuéra.

Juan 12:26

Oime ramo cheserviséva tou che rapykuéri, ha Che aimeháme upépe oĩva’erã avei che rembiguái, umi cheservívape che Ruete ombotuichava’erã.

Juan 13:15

Che ahechaukáma peẽme mba’éichapa peẽ peikova’erã oñondive.

Juan 18:37

Upéramo Piláto he’i Hesúpe: Péicha ramo piko Nde avei peteĩ tetã ruvicha. Hesu ombohovái ichupe: Peichaite, Che ningo peteĩ tetã ruvicha. Pévarã Che anaceva’ekue ha aju ko yvy ape ári amombe’u hag̃ua pe añetegua. Ha opaite umi ohayhúva guive pe añetegua, cherenduva’erã.

Juan 3:29

Pe hembirekorãva, péva pe menarã; pe ohayhúva pe menarãme omoirũ ichupe ha ovy’a ohendu guive iñe’ẽ, ha pe vy’a péva che ahupitýma ko’ág̃a.

1 Corintoyguakuérape 11:1

Che hermanokuéra peñeha’ã peiko hag̃ua che aiko háicha, che añeha’ãgui aiko hag̃ua Hesu Crísto oiko haguéicha ko yvy apére.

Efesoyguakuérape 5:1

Peẽ ningo Ñanderuete ra’ykuéra ha itajyrakuéra Ha’e ohayhuetéva, upévare peñeha’ãke peiko hag̃ua Hesu Crísto oiko haguéicha (ko yvy apére).

Deuteronómio 1:30

Ñanderuete, Ñandejára, ohóta ñane renonderãme, Ha’e oñorãirõta ñanderehe ojapo haguéicha ñande resa renondépe Egípto retãme.

hebreoyguakuerape 12:2

Ha ñama’ẽ Hesu rehe, Ha’e voi ñande jerovia apohare, hendive ñañepyrũ jajerovia ha hendive ñag̃uahẽ ñande jerovia ru’ãme. Hesu oha’ãrõ pe vy’a outavahína ichupe g̃uarã, upévare Ha’e ohasa asy ha omano ikurusúre otĩ’ỹre. Ha ko’ág̃a Ha’e oguapyhína Ñanderuete yke akatúape.

hebreoyguakuerape 6:20

Upépe Hesu Crísto oike yma, oiko hag̃ua tapia g̃uarã pa’iguasu ramo, Melquisedec reko reheguáva ramo ombosako’i hag̃ua pe tape ñande jaike hag̃ua avei.

1 Pédro 2:21

Upevarã ningo Ñanderuete penerenoiva’ekue, ha Hesu Crísto ohasa asýgui penderehe, ohechaukava’ekue hekove rupi mba’éichapa peẽ peguatava’erã ipyporépe, (Juan 13,13).

1 Pédro 4:1

Hesu Crísto ohasa asýgui hetépe, peñembosako’íke peẽ avei pehasa asy hag̃ua. Upe ohasa asyva’ekue hetépe opoi hembiapo vaígui.

1 Pédro 5:3

Anítei peiko ovecha aty jára ramo, peiko uvei mba’e rechaukaha (ejémplo) porã ramo.