1 Samuel 2:2

Ñanderuete Ñe’ẽ Porã 2015

Ndaipóri hekoporãva Ñanderuetéicha; ndaipóri voínte avave ndejoguáva, ha ndaipóri ambue mo’ãha renda.

Referencias Cruzadas

2 Samuel 22:3

che Jára rendápe akañy ajejopyete jave, Ha’e che retemo’ãha ha che kyse puku, hendivémante aĩ porã, hendivémante apytu’u porã, Ha’émante cheguenohẽ cherayhu’ỹva pógui.

2 Samuel 22:32

Ha mávaiko tetãguakuéra jára, ndaha’éi ramo Ñanderuete. Ha mávapa ñande itaguasu ñanemo’ãva, ndaha’éi ramo Ñanderuete.

2 Samuel 7:22

Upéicha Nde, ore Ruete, ndetuicha tuichave rehóvo ndaipórigui Ndeichagua, ndaipórigui Jára añeteguáva ndaha’éi ramo Nde, rohendu háicha ore apysa rupi.

1 Réyes 8:23

ha oñembo’e: Israel Jára, ndeichagua Jára ndaipóri yvágape ni yvy apére, Nde reñembopy’apeteĩgui ne rembiguaikuéra ndive, ha reiporiahuverekógui oimeraẽva oikóva ipy’aite guive ne renondépe.

Salmokuéra 111:9

Tekove añeteguáva ombouva’ekue hetãme, opaite ára peve omoĩva’ekue iñe’ẽme’ẽ, Ñanderuete réra porãite ha jakyhyjeva’erã ichugui.

Salmokuéra 18:2

Ñanderuete, Nde ningo che itaguasu (ajesalva hag̃ua) ha che róga yvate oñemombaretepyréva ha che pytyvõharaite; Nde, che pytu’u rendaitéva, nderehe ajerovia tapiaite; che mo’ãhára, Nde reñangareko porã cherehe, Nde reĩ chendive chesalva hag̃ua.

Salmokuéra 18:31

Ha máva piko yvága Jára, ndaha’éi ramo Ñanderuete. Ha mba’eichagua itaguasúpa oĩ, ndaha’éi ramo Ñanderuete.

Salmokuéra 71:19

Nde, ore Ruete, nde justícia og̃uahẽ yvága peve, Nde ningo rejapo tuichaite mba’e; ore Ruete, máva piko ndeichagua.

Salmokuéra 71:3

Eiko chéve g̃uarã peteĩ itaguasu ramo, ikatu hag̃ua che aju tapiaite hendápe. Nde chepytyvõukava’ekue. Nde ha’égui che itaguasu chemombytu’úva.

Salmokuéra 73:25

Nde’ỹre, mba’éiko arekóta yvágape. Ha nde’ỹre mba’eve ndaipotái ko yvy ape ariguágui.

Salmokuéra 86:8

Che Jára, ndeichagua ndaipóri ambue ha ne rembiapoichagua ndaipóri mamove.

Salmokuéra 89:6

Ha máva piko ikatúne oñembojoja Ñanderuete yvága pegua rehe. Ha máva piko ipu’akaitéva ijapytépe ojoguáne Ñanderuetépe.

Salmokuéra 89:8

Nde, che Ruete, yvága atykuéra Jára, máva piko Ndeichagua. Nde ningo ndepu’akapáva, ore Ruete, ha nde reko añetegua nembojerepa.

Salmokuéra 99:3

Tomomba’eguasuete hikuái nde réra iporãitéva ha ituichaitéva.

Salmokuéra 99:5

Pemboyvatéke Ñanderuete, Ñandejárape, ha peñesũ joáke iguapyhaguasu renondépe, Ha’e heko porãitégui.

Salmokuéra 99:9

Pemomba’eguasúke Ñanderuete, Ñandejárape, ha peñesũ icérro porãme, Ñanderuete heko porãitégui.

Éxodo 15:11

Máva piko Ndéicha, che Ruete, tetãnguéra jarakuéra apytépe. Mávapa Ndéicha iporã, heko porãva ha oporomondýiva tembiapo techapyrã apópe.

Isaías 40:18

Máva ndivépa pembojojase Ñanderuetépe, térã mba’eichagua ta’ãngápa pejapose ichupe g̃uarã.

Isaías 44:6

Péicha he’i pende Ruete, Israel retã ruvichaguasu, ipytyvõhára ha yvága atykuéra Jára: Che ha’e pe Tenondegua, Che ha’e pe Ipahapegua, ha che ykére ndaipóri ambue Jára.

Isaías 44:8

Ani pekyhyjétei, ha ani pendepy’amirĩtei, nahendukáipa ndéve ymaite guive, ha peẽ voi che renduhare ha’évo ndéve: Ndaipóri ambue jára che ykére. Ndaipóri ambue pendesalváva; ndaikuaái peteĩminte jepe.

Isaías 57:15

Péicha he’i pe Ijyvatetéva, pe oisãmbyhypáva tapia g̃uarã iguapyhágui ha hérava Heko porãitéva: Che aisãmbyhy ijyvatehágui ha aiko ikane’õva ha ojepy’apýva ndive, amokyre’ỹ jevy hag̃ua umi ikane’õva ha oñemomirĩvape.

Isaías 6:3

Ha osapukái joa hikuái ojopekuéra: Heko porã, heko porã, heko porã, ñande yvága atykuéra Jára; pe yvy tuichakue oñemyenyhẽ heko jajaipágui.

Jeremías 10:6

Ore Ruete, Ndeichagua ndaipóri; mba’eguasuete ningo Nde, ha mba’eguasuete nde réra ipu’akapáva.

Levítico 11:44

Che ningo pende Ruete, pende Jára; upévagui peẽ peñemboheko porãva’erã, Che ha che reko porãgui avei; upévagui napeñemongy’aiva’erã mba’eveichaguáre mymba otyryrýva yvy apére rupi.

Levítico 11:45

Che, pende Ruete, poguenohẽva’ekue Egípto retãgui aiko hag̃ua pende Jára ramo: Peñemboheko porãva’erã, Che ha che reko porãgui.

Levítico 19:2

Eñe’ẽ mayma Israel ñemoñarenguéra ijatývape, ha ere ichupekuéra: Peñemboheko porãva’erã, Che ningo Jahve, pende Jára, Che chereko porãgui.

Romayguakuérape 15:4

Opaite umi mba’e yma guive oĩva Ñanderuete kuatiañe’ẽme ojehaiva’ekue ñanembo’e hag̃ua, okakuaa hag̃ua ñane paciéncia ha ñanemokyre’ỹ hag̃ua iñemoangapyhy rupi, aipórõ jajejoko hatãkena pe esperánza rehe.

Romayguakuérape 4:8

ha ovy’aite pe kuimba’e, Ñanderuete omboyke rire opaite hi’angaipakuerakue, (Salmokuéra 32,1-2).

Deuteronómio 3:24

Che Jára, ore Ruete, Nde reñepyrũma rehechauka ne rembiguáipe ne mba’eguasu ha nde pu’aka; mba’eichagua Járapa oĩ yvagakuérape térã yvy ape ári ikatúva ojapo pe tembiapo ha milagrokuéra Nde rejapóva.

Deuteronómio 32:20

Ha Ñanderuete he’i: Añomíta che rova ichuguikuéra, ahecháta mba’eichaitépa hekove opa; ha’ekuéra ningo ñemoñare iñañáva, ita’yrakuéra opia teko porãgui.

Deuteronómio 32:39

Pehechakuaa Chenteha, ha ndaiporiha ambue Jára che ykére, Che aporojuka ha Che aporomoingove; Che aporombohasy ha Che aporomonguera avei; ha ndaipóri avave oporope’áva che pógui.

Deuteronómio 32:4

Ha’e ningo pe Itaguasu (Salvador), hembiapo iporãiterei, mayma hapekuéra hekoite peguáva; Ñanderuete ndive oĩ añetegua meme ha ipype noĩri mba’eveichagua aña reko, Ha’e heko porã ha ombojovake hekoitépe.

Deuteronómio 4:35

Peẽmente ojehechaukákuri, peikuaa hag̃ua Jahve, Ñanderuetépe, ha ijykére ndaipóri ambue.

Deuteronómio 4:39

Peikuaákena ko árape ha pejepy’amongeta porãke pende py’apýpe, Jahve ha’eha pende Ruete, yvagakuérape ha yvy apére ndaiporiha ambue Ha’éichagua Jára.

1 Pédro 1:16

Ñanderuete kuatiañe’ẽme he’i voi: Pende reko porãke; Che, chereko porãgui, (Levítico 11,44).