1 Samuel 2:1

Ñanderuete Ñe’ẽ Porã 2015

Ána oñembo’e ha he’i: Che py’a hory nderupi ore Ruete, che pu’aka okakuaa tuicha nderupi, che Jára; che juru rupi amyasãi cherehe ija’e’ỹvape, che py’a hory nde chepytyvõ porã haguére.

Referencias Cruzadas

2 Crónicas 20:27

Ha opaite Judaygua, Jerusalenguakuéra ha Josafat ojere ou jevy hag̃ua vy’apópe Jerusalénpe, Ñanderuete ombovy’águi ichupekuéra, osalvávo ichupekuéra hese ija’e’ỹvakuéragui.

Nehemías 11:17

Ha Matanías, Mica ra’y, Zabdi ra’yre, Asaf ra’yre, ha’e pe mburuvicha, ha’e ningo pe omoñepyrũva pe purahéi ha oñembo’e ñepyrũ; Bacbuquías, ityke’yrakuéra apytépe, oiko imburuvicha mokõiha ramo; ha Abda, Samua ra’y, Galal ra’yre, Jedutun ra’yre.

Job 16:15

Añembyasýgui añemonde ao vosakuépe ha amoinge che akã yvy timbópe.

Salmokuéra 118:14

Ñanderuete chemombarete ha upévare aropurahéita ichupe, Ha’émante cheguenohẽ che jejopy vaígui.

Salmokuéra 13:5

Che katu ajerovia’aína nde poriahuvereko rehe, ha che py’a horyetéta Nde cheguenohẽ ramo che jejopy vaietégui.

Salmokuéra 148:14

Ha’e omopu’ã Israel pu’aka, oñemombe’u porã hag̃ua heko potĩva ha Israel ñemoñarenguéra apytépe, Israel ningo pe tetã oñemoag̃uimivéva Ñanderuete rendápe. Alelúia, pemomba’eguasu Ñanderuetépe.

Salmokuéra 18:2

Ñanderuete, Nde ningo che itaguasu (ajesalva hag̃ua) ha che róga yvate oñemombaretepyréva ha che pytyvõharaite; Nde, che pytu’u rendaitéva, nderehe ajerovia tapiaite; che mo’ãhára, Nde reñangareko porã cherehe, Nde reĩ chendive chesalva hag̃ua.

Salmokuéra 20:5

Ore rovy’a joa rembopoguy haguére nderayhu’ỹvape, ha romopu’ãta poyviveve (bandéra) ore Jára rérape; Ñanderuete tome’ẽ ndéve opaite mba’e rejeruréva guive.

Salmokuéra 21:2

Reme’ẽma ichupe umi mba’e ipy’apy oipotáva, ha nerembotovéi ichugui umi mba’e ojeruremava’ekue. Selah

Salmokuéra 35:9

Upéicharamo che avy’aite Ñanderuete ndive, chepytyvõ porã haguére.

Salmokuéra 51:15

Nde, che Ruete, chembojurupe’amína romomba’eguasu jevy hag̃ua.

Salmokuéra 71:8

Che juru henyhẽ ñembo’e tuichágui ndéve g̃uarã ha amombe’u nde reko jajaipa opaite árape.

Salmokuéra 75:10

Mayma heko vaíva ratĩ (pu’aka) Che amopẽva’erã, ha pe heko potĩva ratĩ katu che amopu’ãveva’erã.

Salmokuéra 89:17

Nde ha’égui herakuã porã ha ipu’akapáva, ha nde poriahuvereko rupi orembopu’aka pu’akavéta.

Salmokuéra 89:18

Ñanderuete ningo ore mo’ãha ha ore retã ruvicha, Ha’e ningo Israel Heko porãva.

Salmokuéra 89:24

Che reko añetegua ha che poriahuvereko oĩva’erã hendive, ha che réra rupi okakuaáta ipu’aka.

Salmokuéra 9:14

Ikatu hag̃uáicha che amombe’u opaite Jerusalenguápe nde reko mba’e guasueteha, ha chepy’arory hag̃ua ne ñepytyvõ rehe.

Salmokuéra 92:10

Nde katu chemombarete mbaretevéta ku tóro hesaitévaicha, ha acéite ryakuã porãme añemona aikóvo.

Éxodo 15:1

Upéramo Moises ha Israel ñemoñarenguéra opurahéi Ñanderuetépe, ha he’i hikuái: Che apurahéita amomba’eguasu hag̃ua Ñanderuetépe; Ha’e oitypa yguasúpe ikavaju ha hi’ariguakuérape.

Éxodo 15:21

Ha Míriam ombohovái jepi kuimba’ekuérape: Pegueropurahéi Ñanderuetépe, toñemomba’eguasu ichupe; Ha’e oitýgui yguasúpe kavaju ha hi’ariguakuérape.

Habacuc 3:1

Pe proféta Habacuc kóicha oñembo’e:

Habacuc 3:18

cheroryse Ñanderuete ndive, ha avy’aitéta Ñanderuete, che Salvador ndive.

Lúcas 1:69

Ha’e omopu’ã peteĩ mburuvichaguasu ipu’akapáva osalva hag̃ua, ouhína Ñanderuete rembiguái David rógagui, péva he’ise Hesu oikoha David ñemoñare ramo.

Romayguakuérape 5:11

Ndaupévai año, jarovy’aite avei Ñanderuetépe, Ñandejára Hesu Crísto rupi. Hesu Crísto rupínte jaiko porã jevýma avei ñande apohare, Ñanderuete ndive.

Deuteronómio 33:17

Ha’e overa ku tóro ra’y ypykuéicha ha hatĩnguéra ku tóro hesaietéva ratĩcha; ha ipype oikutupava’erã umi tetãme yvy apýra paha peve; upéicha ningo oiko umi 10.000 Efrain pegua ha umi 10.000 Manases pegua.

Filipoyguakuérape 3:3

Ñande ningo umi oñekytĩ’óva añetehápe, ñande jajeroviágui Ñanderuete Pytu Porãite rupi ha ñamomba’eguasúgui Hesu Crísto rembiapo porã ikurusureguare, ha ndajajeroviái kuimba’e rete rembiapóre, ojejapóva kuimba’e rete apérente.

Filipoyguakuérape 4:4

Pevy’a tapia Hesu Cristopype, ha ha’e jevy: Pevy’ákena.

Filipoyguakuérape 4:6

Anítei pejepy’apy mba’eve rehe, pemombe’u uvei opaite mba’e pene ñembo’e rupi Ñanderuetépe, pembohasa ichupe g̃uarã pene rembijerure pene agradecimiénto reheve.

1 Pédro 1:8

Peẽ ndapehechái ramo jepe Hesu Crístope, pejerovia hese, pehayhu ichupe ha pemomba’eguasu ichupe vy’a tuicha reheve, ndaikatúiva ja’e yvy arigua ñe’ẽ rupi ha peẽ penerenyhẽ heko jajáigui,

Apocalípsis 18:20

Pevy’áke, peẽ yvagakuéra, peẽ heko potĩva, peẽ apostolkuéra, peẽ proféta, Ñanderuete ombojovake haguére ko táva kóvape.

1 Samuel 1:6

Ha Penína omoñeko’õi tapia Ánape, ha oñembohory hese, Ñanderuetépe nome’ẽi haguére ichupe imemby hag̃ua.

1 Samuel 1:7

Ha péicha ombopochy ichupe cáda áñope ojupi jave Ñanderuete rogaguasúpe; upévagui Ána ojahe’o jepi ha ndokarusevéi.