1 Samuel 2:3

Ñanderuete Ñe’ẽ Porã 2015

Ani pemboheta ñe’ẽ vai ha ani pejererovu reive; topa pene ñemomba’eguasu rei; Ñanderuetépe oikuaapaitégui, Ha’émante ikatu oha’ã ñane rembiapokuére.

Referencias Cruzadas

1 Réyes 8:39

upérõ ehendumi, Nde reikoha guive, ha eperdona jevymi ha eme’ẽmi ichupe ha’e oguata haguéicha, Nde ningo reikuaapa voi tetãyguakuéra py’apýpe oĩva guive,

Job 31:6

upéramo Ñanderuete tachera’ã pe balánza justícia reheguápe, ha oikuaava’erãmo’ã che reko ipotĩha.

Salmokuéra 147:5

Ituichaite ningo Ñanderuete ha ipu’akapa, ha iñarandu ndaijapýrai.

Salmokuéra 17:10

Oñemboha’éntese, ha hi’ári oñembotuicha ijuru rupi.

Salmokuéra 31:18

Tokirirĩ umi juru ijapúva, umi oñemoĩva ha oñembohorýva umi heko potĩva rehe.

Salmokuéra 44:21

nde rehechakuaava’erãmo’ã, Nde voi reikuaapágui pe yvyarigua py’apýpe oĩva guive.

Salmokuéra 75:5

Che ha’e umi oñembotuichávape: Ani peñembotuicha; ha umi oñemoakãrapu’ãvape che ha’e: Ani peiporu vai pende pu’aka, ani peñe’ẽvai peñemoakãrapu’ãháme.

Salmokuéra 94:4

Araka’e pevépa oñe’ẽ vaíta hikuái, ha he’íta mba’e ipohýiva, ha oñembotuicháta hembiapo vaikue rupi.

Mga Kawikaan 16:2

Yvyariguakuérape g̃uarã opaite hapekuéra ipotĩváicha, Ñanderuete katu oha’ã ñande py’apýpe oĩva.

Mga Kawikaan 24:12

Ha nde ere ramojepe: Añetehápe ndoroikuaáikuri. Ndoikuaamo’ãi piko avei pe oikuaapáva oĩva guive yvyarigua py’apýpe. Pe oñangarekóva ne ánga rehe, Ha’e oikuaamanteva’erã, ha Ha’e omyengoviava’erã yvyariguakuéra rembiapokue.

Mga Kawikaan 8:13

upe okyhyjéva Ñanderuetégui ojahéi ñaña reko rehe: Ñembotuicha ha teko jejapo rehe, pe tape vai ha pe juru tie’ỹ ñaña rehe (he’i Ñanderuete).

Isaías 26:7

Pe heko potĩva rape naikarẽi, Ñanderuete ombosako’i porãgui pe tape umi hese ojeroviávape g̃uarã.

Isaías 37:23

Mávarehepa reñembohorýra’e, ha mávarehepa reñe’ẽvaíra’e. Mávarehepa remopu’ãra’e ne ñe’ẽ ha rehupi nde resakuéra. Israel Jára rehe Pu’akapáva rehe reñemoĩra’e.

Jeremías 17:10

Che, pende Ruete, aikuaa porã opaite pensamiénto oĩva guive oimeraẽva pitikiri’ĩ ha ipy’apýpe, ha amyengoviáta peteĩteĩme hembiapokue ojerure háicha.

Ezequiel 35:13

Pende jurúpe peñembotuicha ha pepu’ã cherehe, ha heta mba’evai peje cherehe, Che ningo oje’éva guive ahendupa voi.

Daniel 4:37

Ko’ág̃a che, Nabucodonosor, amomba’eguasu, ambotuicha ha amboete Yvagakuéra Ruvichaguasúpe, mayma hembiapo añete, opaite hapekuéra heko pegua ha Ha’e omomirĩkuaa umi oñembotuichávape.

Daniel 5:27

TEKEL: Oñeha’ãma (ojehecháma) nde pohyikue (péso) balánzape, ha ojejohu nde pohyikue ivevuietereiha.

Malaquías 3:13

Peẽ peñe’ẽvai cherehe, he’i pende Ruete. Ha upéi peje gueteri: Mba’éiko ro’e nderehe.

hebreoyguakuerape 4:12

Ñanderuete ñe’ẽ oikove, ipu’aka ha hakuave opaite kyse haimbe jováivagui, ha oike ánga ha pytu porã pa’ũ meve, omboja’o peve kangue joajuha ha karaku, ombojovake hag̃ua avei ñane pensamientokuéra ha ñande py’apy rembipota.

Josué 22:22

¡Ñanderuete, pe Jaraitéva (ha’e) Jahve! ¡Ñanderuete, pe Jaraitéva (ha’e) Jahve! Ha’e oikuaa ha oikuaaukapa Israélpe: Oime ramo romopu’ã ko kuave’ẽmby renda kóva py’a vai reheve térã noromomba’eguasusevéigui Ñanderuetépe, Ha’e anítei oresalva ko ára kóvape (pende pógui).

Apocalípsis 2:23

Imembykuéra ajukapáta. Upéicha opaite iglésia oikuaáta Che voi aikuaaha opaite mba’e oĩva guive yvyarigua akãme térã ipy’apýpe, ha Che amyengoviáta peteĩteĩme hembiapokue.

Juéces 9:38

Ha Zebul he’i jevy ichupe: Nde juruguasúgui ningo, nde voi ereva’ekue: Mávaiko Abimelec, jaiko hag̃ua hembiguái ramo. Neremomba’éi piko ko’ã tetãygua ko’ãvape. Esẽ katu ko’ág̃a, ha eñorãirõ hendive.

1 Samuel 16:7

Ñanderuete katu he’i Samuélpe: Ani rema’ẽ hova rehe térã ijyvatekue rehe, pévape Che amboykéma; pende Ruete noma’ẽ yvyariguakuéra oma’ẽ háicha, yvyariguakuéra oma’ẽ hesakuéra ohechávarente, pende Ruete katu oma’ẽ ipy’apýre (iñe’ãre, ikorasõre).