Seanfhocal 13:10 - An Bíobla Naofa 1981

¹⁰ Leanann aighneas stuacacht na n‑éaganta; ach is ag lucht leanta na comhairle atá an eagna.

An Bíobla Naomhtha 1817 (Bedell)

¹⁰ As úabhar amháin thig an cheannairg: acht bí eagna ag na daóinibh deagh-chomhairleacha.

Seanfhocal 13:10 Tagairtí Cros

1 Ríthe 12:16

Nuair a chonaic Iosrael go léir nach raibh aon aird á tabhairt ag an rí orthu, d'fhreagair an pobal an rí: “Cén chuid atá againn i nDáiví? Níl aon oidhreacht againn i mac Ieise. Chun bhur mbothanna libh, a Iosrael! Tabhair aire do do theach féin feasta, a Dháiví!” Agus d'imigh Iosrael leo chun a mbothanna.

2 Ríthe 14:10

Rinne tú Eadóm a chloí agus anois tá éirí in airde ort. Bí ag maíomh as do ghaisce, ach fan sa bhaile. Cad ab áil leat ag cothú tranglaim a dhéanfadh thú féin agus Iúdá a scrios?”

Seanfhocal 13:11

Teipfidh an saibhreas éanuaire; ach beidh maoin ag an té a chnuasaíonn beagán ar bheagán.

Seanfhocal 13:9

[Lonraíonn] lóchrann an fhíréin, ach tagann múchadh ar lampa an urchóidigh.

Seanfhocal 17:14

Is cuma aighneas a thosú nó scaoileadh le tuile; buail cos air dá bhrí sin sula n‑adhntar an t‑achrann.

Seanfhocal 19:20

Tabhair cluas do chomhairle, agus glac le teagasc, le go mbeadh breis gaoise agat as seo amach.

Seanfhocal 20:18

Meáigh do bhearta i gcomhairle le daoine eile; agus fear cath le treoir chiallmhar.

Seanfhocal 21:24

Scigire a thugtar ar fhear an uabhair is an díomais, agus bíonn éirí in airde ina iompar.

Seanfhocal 25:8

ná sceith é go róthobann sa chúirt. Óir céard a dhéanfaidh tú ar deireadh má bhréagnaíonn do chomharsana thú?

Seanfhocal 28:25

Spreagann an santach achrainn; an té a bhfuil a mhuinín aige as an Tiarna, beidh an rath air.

Lúcás 22:24

D'éirigh imreas eatarthu freisin féachaint cén duine acu ba mhó le háireamh.

1 Tiomóid 6:4

is ag borradh le bród atá sé agus gan aon tuiscint aige ach cíocras air chun aighnis agus conspóide, nithe nach dtagann dá mbarr ach éad agus achrann, achasáin agus drochamhras

Séamas 4:1

Cad faoi deara cogaí agus cathanna a bheith in bhur measc? Nach é seo, go bhfuil bhur n‑ainmhianta ag troid le chéile in bhur mbaill bheatha?

Breithiúna 19:30

[Thug sé na treoracha seo dá theachtairí: “Seo mar a déarfaidh sibh leis na hIosraelaigh go léir: ‘Ar tharla nó an bhfaca aon duine riamh a leithéid sin ón lá a tháinig clann Iosrael amach as tír na hÉigipte go dtí an lá seo féin? Machnaígí air, téigí i gcomhairle faoi, agus tugaigí bhur mbreith.’ ”] Gach duine a chonaic, dúradar: “Ní dhearnadh ná ní fhacthas riamh a leithéid ó tháinig clann Iosrael amach as tír na hÉigipte.”