Salm 20:3 - An Bíobla Naofa 1981

³ Go gcuire sé cúnamh chugat ón sanctóir agus go dtuga sé taca duit as Síón.

An tSaltair 1965 (Ó Cuinn)

³ Go mba chuimhneach leis do thoirbhirtí uile: agus go nglaca sé le dʼíobairt loiscthe.

Psalma Dhaibhí 1836

³ Cuimhnighean se go grás’mhuil duit T’uile ofráil go grad, A’s gabhadh se go taitne’ach uait T’iobairt loisgthe air fad.

An Bíobla Naomhtha 1817 (Bedell)

³ Go ccuimhnighe thofrála uile, agus go niompóigh thiodhbairt loiscthe a luáith. Selah.

An Tiomna Nua agus Leabhar na Salm 2012

³ Go gcuire sé cúnamh chugat ón sanctóir agus go dtuga sé taca duit as Síón.

Salm 20:3 Tagairtí Cros

Geineasas 4:4

agus thug Áibil mar an gcéanna cuid de chéadghinte a thréada agus dá saill. D'fhéach an Tiarna le fabhar ar Áibil agus ar a íobairt

1 Croinicí 21:26

Thóg Dáiví altóir ansiúd don Tiarna agus d'ofráil íobairtí uileloiscthe agus íobairtí comaoineach. Ghlaoigh sé ar an Tiarna agus d'fhreagair an Tiarna é le tine ó neamh ar altóir an uileloiscthe,

2 Croinicí 7:1

Nuair a bhí a urnaí ráite ag Solamh, tháinig tine anuas ó na flaithis agus dhóigh an íobairt uileloiscthe agus na hofrálacha, agus líon glóir an Tiarna an Teampall.

Salm 128:5

Go mbeannaí an Tiarna thú amach as Síón; gach uile lá de do shaol.

Salm 134:3

Go mbeannaí an Tiarna amach as Síón thú; is é a rinne neamh agus talamh.

Salm 51:19

M'íobairtse, a Dhia, an croí aithríoch; ní eiteoidh tú, a Dhia, croí brúite uiríseal.

Íseáia 60:7

Tréada uile Chéadar, cruinneoidh siad le chéile duit; beidh reithí Nabáiót ag riar ar do ghá. Rachaidh siad suas agus beidh glacadh leo air m'altóir, cuirfear maise le maise mo Theampaill.

Léivític 9:24

Phreab lasair amach ó láthair an Tiarna agus loisc sí an tsaill ar an altóir. Ar a fheiceáil sin don phobal, chuireadar na gártha áthais suas, agus thiteadar ar a n‑aghaidh.

Gníomhartha 10:4

Stán sé ar an aingeal le scanradh agus dúirt: “Cad é sin, a dhuine uasail?” D'fhreagair an t‑aingeal: “Tá d'urnaithe agus do dhéirc imithe suas i bhfianaise Dé agus tá cuimhne aige orthu.

Eifisigh 5:2

agus mairigí de réir an ghrá faoi mar a ghráigh Críost sinne agus a thug é féin suas ina ofráil chun Dé agus ina íobairt chumhra ar ár son.

1 Peadar 2:5

agus tógtar sibhse féin, faoi mar ba bheochlocha sibh, in bhur n‑áras spioradálta, le bheith in bhur sagartacht naofa le híobairtí spioradálta taitneamhacha a ofráil do Dhia trí Íosa Críost.