Iósua 14:4 - An Bíobla Naofa 1981

⁴ Dhá threibh a ba ea clann Iósaef, Manaise agus Eafráim; níor tugadh aon chuid den fhearann do na Léivítigh ach cathracha áirithe le cónaí iontu, agus an talamh féaraigh ina dtimpeall dá n‑eallach agus dá maoin.

An Bíobla Naomhtha 1817 (Bedell)

⁴ Oír do bhádar clann Ioseph na dá threibh, Manasseh agus Ephraim: ar a nadhbharsin ní thugadar roinn ar bith do na Lebhitibh annsa tír, achd caithreacha do chomhnuidhe ionta, maille re na bhfobhailtibh dá náirnéis agus da máoin.

Iósua 14:4 Tagairtí Cros

Geineasas 41:51

Thug Iósaef Manaise ar a chéadghin; “mar,” ar sé, “thug Dia orm dearmad a dhéanamh ar mo chruatan go léir agus ar theaghlach m'athar.”

Geineasas 41:52

Thug sé Eafráim ar an dara mac; “mar,” ar sé, “chuir Dia an rath orm i dtír mo chiaptha.”

Geineasas 46:20

Agus rugadh do Iósaef san Éigipt ó Ásanat iníon Phóitífeara sagart On: Manaise agus Eafráim.

Geineasas 48:1

Dúradh le Iósaef tamall ina dhiaidh seo: “Bhuail taom tinnis d'athair.” Thug sé leis a bheirt mhac Manaise agus Eafráim.

Geineasas 48:5

Anois an bheirt mhac a rugadh duit i dtír na hÉigipte sula dtáinig mise chugat san Éigipt, is liomsa iad; beidh Eafráim agus Manaise agam mar mhic ar aon dul le Reúbaen agus Simeon.

Geineasas 48:6

Ach cibé clann a ghinfear uait ina ndiaidh, is leat féin iad; agus beidh ainmneacha a ndeartháireacha orthu sa mhéid a bhaineann le hoidhreacht.

2 Croinicí 30:1

Chuir Hiziciá scéala go Iosrael agus go Iúdá go léir, agus scríobh sé litreacha go Eafráim agus Manaise, á iarraidh orthu teacht go Teampall an Tiarna in Iarúsailéim le Cáisc a cheiliúradh in onóir an Tiarna, Dia Iosrael.

Uimhreacha 26:28

Clann Iósaef de réir sleachta: Manaise agus Eafráim.

Iósua 16:4

Sin í an oidhreacht a fuair muintir Iósaef, Manaise agus Eafráim.