Iósua 14 - An Bíobla Naomhtha 1817 (Bedell)

Caibidil XIV. Cuid ronna Chaleb.

¹ Agus is íad so na tíortha do budh oighreachd do chloinn Israel a ttír Chanaáín, noch do roinn Eleasar an sagart, agus Iosua mac Nun, agus cinn aithreachd threabh chloinne Israel, mar oighreachd dóibh.

² Le crannchar do bhí a noighreachd, mar do aithin an TIGHEARNA lé láimh Mhaóise, dona náoi treabhuibh, agus don leiththreibh.

³ Oír thug Maóise oighreachd dhá threibhe agus leiththreibh uadh ar an ttáoibh oile do Iordan: achd do na Lebhítibh ní thug sé oighreachd na measg.

⁴ Oír do bhádar clann Ioseph na dá threibh, Manasseh agus Ephraim: ar a nadhbharsin ní thugadar roinn ar bith do na Lebhitibh annsa tír, achd caithreacha do chomhnuidhe ionta, maille re na bhfobhailtibh dá náirnéis agus da máoin.

⁵ Mar do aithin an TIGHEARNA do Mháoíse, is marsin do rinneadar clann Israel, agus do roinneadar an dúithche.

⁶ ¶ Annsin tangadar clann Iúdah go Iosuah a Ngilgal: agus a dubhairt Caléb mhac Iephunneh an Cenesíteach ris, Atá a fhios agad an ní a dubhairt an TIGHEARNA re Máoise óglach Dé dom tháobhsa agus dot thaobhsa ann Cades‐barnea.

⁷ Ceathrachad blíaghan dáois do bhí misi a nuair do chuir Máoise óglach an TIGHEARNA ó Chades‐barnea mé do bhrath na tíre; agus thug mé scéula liom a rís chuige mar do bhí an mo chroidhe.

⁸ Acht cheana mo dhearbhráithre do chuáidh súas tugadar ar croidhe na ndáoine leaghadh: achd do lean misi go hiomlán mó THIGHEARNA Día.

⁹ Agus do mhionnuigh Máoise an lá sin, ghá rádh, Go deimhin biáidh an fearann air ar shaltuir do chosa na oíghreachd agadsa, agus ág do chloinn go bráth, do bhrígh gur lean tu go hiomlán mo THIGHEARNA Día.

¹⁰ Agus féach, a nois, do choinnuimh an TIGHEARNA béó mé, mar a dubhairt sé, na cúig bhlíadhna agus dá fhithchiod so, eadhon ó labhair an TIGHEARNA an focalso re Máoise, an feadh do bhádar elann Israel ar seachran sán bhfásach: agus a nois, cheana, atáim a niugh ceithre fithchid agus cúig blíadhna daóis.

¹¹ Atáim fós comhláidir a niugh, agus do bhí mé an lá do chuir Maoíse úadh mé: mar do bhí mo neart an tansin, is amhluidh atá mo neart annois, do dhéanamh cogaidh, agus do dhul amach, agus a steach.

¹² Annois ar a nadhbharsin tabhair dhamh an slíabhso, dar labhair an TIGHEARNA san lásin; óir do chúala tú an lá sin mar do bhádar na Hanacimigh annsin, agus go rabhadar na caithreacha mór daingion: má bhíonn an TIGHEARNA liom, tiucfa dhíom ar a ccur amach, mar a dubhairt an TIGHEARNA.

¹³ Agus do bheannuigh Iosua é, agus thug do Chaleb mhac Iephunneh Hébron mar oighreachd.

¹⁴ Tháinic Hebron ar a nadhbharsin chum bheith na hoighreachd ag Caleb mac Iephunneh an Cenesiteach gus a niugh, do bhrígh gur lean sé go hiomlán an TIGHEARNA Día Israel.

¹⁵ Agus do bé ainm Hébron roimhe sin Círíat‐arba; noch Arba bhi na dhuine mór a measc na Nanacimeach. Agus do bhí suaimhneas ó chogadh ag an dúithche.