Apacailipsis (Taispeántadh) 11:1 - An Bíobla Naofa 1981

¹ Ansin tugadh bata dom mar shlat tomhais agus é á rá liom: Éirigh agus tomhais teampall Dé, agus an altóir agus an lucht adhartha ansiúd;

An Tiomna Nua 1970 (Ó Cuinn)

¹ Tugadh dom ansin slat tomhais mar bhata, agus dúradh liom, “Éirigh agus glac tomhas theampall Dé agus na haltóra agus an dreama a bhíos ag adhradh ann,

Tiomna Nua 1951 (de Siúnta)

¹ Agus tugadh dhom giolcach do bhí cosmhail le slait: agus adubhradh liom, Éirigh, tómhais teampall Dé, agus an altóir, agus na daoine atá ag adhradh annsin.

An Bíobla Naomhtha 1817 (Bedell)

¹ Agus tugadh dhamh giolcach cosmhuil ré slait: agus do sheas an taingeal láimh riom, agus a dubhairt, Eiridh, agus tomhais teampoll Dé, agus a naltóir, agus an dream do ní seirbhís ann.

An Tiomna Nua agus Leabhar na Salm 2012

¹ Ansin tugadh bata dom mar shlat tomhais agus é dá rá liom: Éirigh agus tomhais teampall Dé, agus an altóir agus an lucht adhartha ansiúd;

Apacailipsis (Taispeántadh) 11:1 Tagairtí Cros

Íseáia 28:17

Agus is í an chóir a bheas ina dorú ingir agam agus an fhíréantacht mar leibhéal agus mé á leagan. Ach scuabfaidh an clochshneachta dídean na mbréag leis agus cartfaidh na huiscí bhur bhfoscadh chun siúil”;

Uimhreacha 33:18

Chuireadar chun bealaigh ó Hazaerot agus shuíodar a gcampa i Ritmeá.

2 Corantaigh 6:16

Cén ceangal atá ag teampall Dé le déithe bréige? Mar is teampall Dé bheo sinne, de réir mar atá ráite ag Dia féin: “Cónóidh mé agus siúlfaidh mé ina measc, beidh mé i mo Dhia acu agus beidh siadsan ina bpobal agamsa.

1 Peadar 2:5

agus tógtar sibhse féin, faoi mar ba bheochlocha sibh, in bhur n‑áras spioradálta, le bheith in bhur sagartacht naofa le híobairtí spioradálta taitneamhacha a ofráil do Dhia trí Íosa Críost.

1 Peadar 2:9

Ach is cine tofa sibhse, sagartacht ríoga, muintir naofa, pobal a cuireadh ar leithrigh, le go bhfógródh sibh éachtaí an té sin a ghlaoigh as an dorchadas amach oraibh chun a sholais iontaigh féin.

Apacailipsis (Taispeántadh) 10:11

Ansin dúradh liom: “Ní foláir duit fáistine a dhéanamh arís i dtaobh pobal agus ciníocha (agus teangacha) agus a lán ríthe.”

Apacailipsis (Taispeántadh) 21:15

Agus bhí slat tomhais óir ag an té a bhí ag caint liom, chun an chathair agus a geataí agus a múr a thomhas.