2 Ríthe 3:24 - An Bíobla Naofa 1981

²⁴ Ach nuair a shroich siad longfort Iosrael, d'éirigh na hIosraelaigh ina gcoinne agus thug siad fogha faoi na Móábaigh agus theith siadsan rompu, agus (ag dul ar aghaidh dóibh) rinneadar ár agus eirleach ar na Móábaigh.

An Bíobla Naomhtha 1817 (Bedell)

²⁴ Agus a nuáir thangadar go foslungport Israel, do éirgheadar na Hisraelítigh súas agus do bhuáileadar na Móabitigh, iondus gur theitheadar rompa: acht do chúadar ar a naghaidh búaladh na Móabíteach, air fad gus a ttír féin.

2 Ríthe 3:24 Tagairtí Cros

1 Ríthe 20:21

Ansin ghabh rí Iosrael amach agus ghabh idir eachra agus charbaid agus rinne ár is eirleach ar Arám.

2 Ríthe 3:23

“Fuil é seo,” ar siad, “ní foláir nó gur throid na ríthe eatarthu féin agus gur mharaíodar a chéile. Ar aghaidh chun na creiche, a Mhóáb, más ea!”

2 Ríthe 3:25

Scartáil siad na cathracha agus chaith gach fear cloch isteach i ngach gort fónta á líonadh, agus dhúnadar gach tobar fíoruisce agus leagadar gach crann folláin. Chreachadar Móáb go dtí nach raibh fágtha i gCír Harasat ach na clocha agus rinne an lucht diúraicthe é a thimpeallú agus a ghabháil.