2 Ríthe 3 - An Bíobla Naomhtha 1817 (Bedell)

Caibidil III. Do innis Elísa do rioghaibh Israel, Iudah, agus Edom, go buaghudheádh iad ar mhuinntir Mhoab.

¹ Anois do thosuigh Iehoram mac Ahab a rioghachd ós cionn Israel a Samária an tochdmhadh bhadhan déug do Iehosaphat rígh Iúdah, agus do bhí ná rígh dhá bhlíadhuin déug.

² Agus do rinne sé olc a radharc an TIGHEARNA; acht ní cosmhuil re na athair, nó ré na mhathair: óir do chuir seision úadh íomháigh Bhaal noch do rinne a athair.

³ Ar a shon sin do théann sé ris na peacadhuibh do rinne Ieroboam mac Nebat, noch thug ar Israel peacadh dhéanamh; mor dhealuigh se riú sin.

⁴ ¶ Agus do bhí Mesa rígh Moab na mhaighistir cáorach, agus do bheireadh do rígh Israel céud míle úan, agus céud mile reithe, gun a noluinn.

⁵ Agus tárla, a núair déug Ahab, go ndeachuidh rígh Moab a gcogadh ar rígh Israel.

⁶ ¶ Agus do chuáidh an rígh Iehoram amach as Samária a núair chéadna, agus do airimh sé Israel uile.

⁷ Agus dimthigh sé agus do chuir sé fios go Iehosaphat rígh Iúdah, dha rádh, Do chuáidh rígh Móab a gcogadh am aghaidh: an racha tú liom do chathughadh a naghaidh Mhóab? Agus a dubhairt seision, Rachad: ataimse mar atá tusa, mo dháoine mar do dháoine, agus mo mharcshlúagh mar do mharcshluágh.

⁸ Agus a dubhairt sé, Cia an tslighe a rachum súas? Agus do fhreagair seision, An tslighe tré fhásach Edom.

⁹ Mar sin do imthigh rígh Israel, agus rígh Iúdah, agus rígh Edom: agus do chúadar aisdior sheachd lá timchioll: agus ní raibh uisge aca don tsluagh, nó don náirneis do lean íad.

¹⁰ Agus a dubhairt rígh Israel, A thruáighe! gur ghoir an TIGHEARNA na trí ríghthe so a ccionn a chéile, dá seachad a laimh Mhóab!

¹¹ Agus a dubhairt Iehosaphat, Nach bhfuil annso fáigh leis an TTIGHEARNA, go bhfiafruigheamis aigan TIGHEARNA ris? Agus do fhreagair duine do mhuinntir rígh Israel é agus a dubhairt, Atá annso Elisa mac Saphat, noch do dhóirt uisge ar lámhuibh Elias.

¹² Agus a dubhairt Iehosaphat, Atá bríathar an TIGHEARNA maille ris. Ann sin do chuáidh rígh Israel, agus Iehosaphat, agus rígh Edom síos go nuige é.

¹³ Agus a dubhairt Elisa ré rígh Israel, Cred atá agumsa ré dhéanamh riotsa? imthigh go fáighibh hathar, agus go fáighibh do mháthar. Agus a dubhairt rígh Israel ris, Ní headh: óir do ghoir an TIGHEARNA na trí ríghthesi a ccionn a chéile, dá seachad a láimh Mhoab.

¹⁴ Agus a dubhaírt Elisa, Mar mhairios TIGHEARNA na slógh, da lathair a seasuim, muna bhféuchuinn go deimhin, do Iehosaphat rígh Iúdah do bheith a lathair, ní fhéuchuinn leath riotsa, agus ní fhaicfhinn tú.

¹⁵ Acht a nois tábhair fear seanma chugam. Agus tárla, a nuáir do shinn an fear seanma, go ttáinic lámh an TIGHEARNA fairsion.

¹⁶ Agus a dubhairt sé, Is marso a deir an TIGHEARNA, Déanuidh an gléannsa lán do dhiógachaibh.

¹⁷ Oir is marso a deir an TIGHEARNA, Ní fhaicfidhe gáoth, agus ni mó chífidhe fearthuinn; gidheadh líonfuidhear an gleannsa duisge, lé a bhféudfuigh dól, sibh feín araon, agus bhur náirneís, agus bhur nainmhintigh.

¹⁸ Agus ní bhfuil annso acht ní éattrom a radharc an TIGHEARNA: séachóduigh sé na Moabitigh fós ion bhur láimh.

¹⁹ Agus búailfidhthe gach éanchathair dhaingion, agus gach éanchathair thoghtha, agus leag fuidhe gach éan chrann maith, agus stopfuidhe gach uile thobar uisce, agus millfidhe gach éanchuid mhaith fhearamn lé clochaibh.

²⁰ ¶ Agus tárla ar maidin, a núair do hofráladh an níodhbairt bhídh, féuch, go ttáinic uisge a slighe Edom, agus do líonadh an tír le huisge.

²¹ Agus a núair do chúaladar na Moabitígh uile go ttangadar na ríghthe súas do throid na naghaidh, do chruinnigheadar an mheid re ttáinic arm iomchar, agus ós a chionn, agus do sheasadar ar an leithimiol.

²² Agus do éirgheadar súas go moch ar maidin, agus do lonnruigh an ghrían ar a nuisge, agus do chonncadar na Móabitigh an tuisge don ttaóibh oile choimhdhearg re fuil:

²³ Agus a dubhradar, Is fuil so: atáid na ríghthe marbh go deimhin, agus do bhuaileadar féin a chéile: anois ar a nadhbharsin, a Mhóab, chum na héadala.

²⁴ Agus a nuáir thangadar go foslungport Israel, do éirgheadar na Hisraelítigh súas agus do bhuáileadar na Móabitigh, iondus gur theitheadar rompa: acht do chúadar ar a naghaidh búaladh na Móabíteach, air fad gus a ttír féin.

²⁵ Agus do bhriseadar síos na caithreacha, agus ar gach uile phíosa mhaith fhearuinn do chaith gach éanduine a chloch, gur líonadar é; agus do stopadar a nuile thobar uisge, agus do ghearradar na croinn mhaithe uile: amháin ann Cirharaset dfágbhadar a clocha; acht cheana do chúadar luchd na ccránn ttábhuill na ttimchioll, agus do bhuáileadar í.

²⁶ ¶ Agus an tan do chonnairc rígh Mhóab an cath ro dhóirb do rug sé leis seacht ccéud fear do tharruing cloidheamh, do bhriseadh tre chách go rígh Edom: acht níor fhéadadar.

²⁷ Ann sin do ghlac sé a mhac fa sine do bhiadh na oighre air san rioghachd, agus do íodhbuir é mar ofrail loisge ar an mballa. Agus do bhí diombúadh romhór a naghaidh Israel: agus do imthigheadar úadh, agus dfilleadar dá ndúithche féin.