Numeros 4:15 - Ang Pulong sa Dios

¹⁵ “Human mataboni ni Aaron ug sa iyang mga anak nga lalaki ang Tolda nga Tagboanan ug ang tanang mga kagamitan niini, kuhaon ug dayongan kini sa mga kaliwat ni Kohat sa higayon nga mobiya na sila sa ilang gikampohan. Apan kinahanglang dili gayod nila tandogon kining balaan nga mga butang aron dili sila mamatay. Mao kadto ang mga kagamitan sa Tolda nga Tagboanan nga dad-on sa mga kaliwat ni Kohat.

Ang Biblia 2011

¹⁵ Ug sa dihang mahuman na ni Aaron ug sa iyang mga anak ang pagtabon sa balaang dapit ug sa tanang mga kasangkapan sa balaang dapit, sa diha nga mobiya na ang mga nagkampo, human niini, ang mga lalaki nga kaliwat ni Kohat moadto aron sa pagpas-an niini apan kinahanglang dili sila mohikap sa balaang mga butang aron sila dili mamatay. Mao kini ang mga butang sa Tolda nga Tagboanan nga dad-onon sa mga kaliwat ni Kohat.

Maayong Balita Biblia

¹⁵ Human mataboni ni Aaron ug sa iyang mga anak ang sangtuario ug ang mga galamiton niini ug sa dihang andam na ang katawhan sa pagpanglakaw, manuol ang mga anak ni Kohat aron pagyayong niini. Apan kinahanglan nga dili nila hikapon ang sagradong mga butang aron dili sila mangamatay. Mao kini ang mga butang sa Tolda nga Tagboanan nga dad-on sa mga anak ni Kohat.

Ang Bag-ong Maayong Balita Biblia

¹⁵ Human mataboni ni Aaron ug sa iyang mga anak ang sangtuario ug ang mga galamiton niini ug sa dihang andam na ang katawhan sa pagpanglakaw, manuol ang mga anak ni Kohat aron pagyayong niini. Apan kinahanglan nga dili nila hikapon ang sagradong mga butang aron dili sila mangamatay. Mao kini ang mga butang sa Tolda nga Tagboanan nga dad-on sa mga anak ni Kohat.

Numeros 4:15 Cross References

2 Samuel 15:24

Didto usab ang mga pari nga si Sadok ug Abiatar, ug ang tanang mga Levita nga nagdala sa Sudlanan sa Kasabotan sa Dios. Gibutang nila ang Sudlanan sa Kasabotan ug naghalad si Abiatar hangtod nga nakabiya sa siyudad ang tanang mga tawo ni David.

2 Samuel 6:13

Sa dihang nakalakaw na ug unom ka lakang ang mga nagdala sa Sudlanan sa Ginoo, gipahunong sila ni David ug naghalad siya ug usa ka torong baka ug usa ka pinatambok nga nating torong baka.

1 Mga Hari 8:3

Sa dihang nagkatigom na ang tanang tigdumala sa Israel, gikuha sa mga pari ug sa mga Levita ang Sudlanan sa Ginoo, apil ang Tolda nga Tagboanan ug ang sagrado nga mga kagamitan niini, ug gidala kining tanan patungas sa Templo.

1 Cronicas 15:15

Gidayongan sa mga Levita ang Sudlanan sa Dios ginamit ang mga pangdayong, sumala sa paagi nga gisugo sa Ginoo kang Moises.

1 Cronicas 15:2

Unya miingon si David, “Walay modala sa Sudlanan sa Dios gawas sa mga Levita, tungod kay sila ang gipili sa Ginoo nga moalagad sa iyang presensya hangtod sa kahangtoran.”

1 Cronicas 23:26

Karon, dili na kinahanglan nga dala-dalahon pa sa mga Levita ang Tolda nga Pagsimbahan ug ang kagamitan alang sa pagsimba.”

Exodo 19:12

Pagbutang ug mga utlanan libot sa bukid alang sa mga tawo. Ingna sila nga dili gayod sila motungas sa bukid o moduol sa tiilan niini. Si bisan kinsa nga mopaduol sa bukid patyon gayod,

Exodo 19:21

ug miingon ang Ginoo kaniya, “Lugsong pagbalik ug pasidan-i ang mga tawo nga dili sila molapas sa mga utlanan libot sa bukid sa pagtan-aw kanako. Kay kon himuon nila kana, daghan kanila ang mangamatay.

Exodo 27:7

Isuot kini sa mga singsing nga anaa sa kada kilid sa halaran aron madayongan ang halaran.

Levitico 16:13

Ibutang niya ang insenso diha sa kalayo didto sa presensya sa Ginoo, ug ang aso niini molukop sa tabon sa Sudlanan sa Kasugoan, aron dili siya mamatay.

Numeros 1:50

Ihatag kanila ang responsibilidad sa pag-atiman sa Tolda nga Pagsimbahan diin nahimutang ang Kasugoan ug ang tanang mga kagamitan niini. Sila ang modala sa Tolda ug sa tanang kagamitan niini. Kinahanglang atimanon nila ang Tolda ug magkampo sila libot niini.

Numeros 1:51

Kon ibalhin ang Tolda, sila ang mohipos niini ug mopatindog pagbalik. Si bisan kinsa nga dili kaliwat ni Levi nga moduol sa Tolda, pagapatyon.

Numeros 10:21

Ang sunod nga nanglakaw mao ang mga kaliwat ni Kohat nga nagdala sa balaan nga mga kagamitan sa Tolda nga Pagsimbahan. Kinahanglang naplastar na ang Tolda sa wala pa sila moabot sa sunod nga lugar.

Numeros 18:3

Magtrabaho sila ubos sa imong pagmando ug himuon nila ang tanan nilang buluhaton diha sa Tolda, apan kinahanglan dili sila manghilabot sa balaan nga mga kagamitan sa Balaang Dapit o sa halaran, kay kon buhaton nila kana mangamatay sila ug apil kamo.

Numeros 3:38

Si Moises ug si Aaron uban sa iyang mga anak maoy magkampo atubangan sa Tolda nga Pagsimbahan, nga gitawag usab ug Tolda nga Tagboanan, dapit sa sidlakan. Sila ang gitugyanan sa pagdumala sa mga buluhaton sa Tolda alang sa mga Israelinhon. Si bisan kinsa nga mohimo sa buluhaton sa pari diha sa balaang puloy-anan nga dili kaliwat ni Levi, pagapatyon.

Numeros 4:14

Unya ibutang dayon nila diha sa halaran ang tanang kagamitan niini: ang mga butanganan sa baga, ang mga dagkong tinidor, ang mga pala, ug ang mga yahong. Tabonan kini nila ug maayong klasi sa panit, ug itaod nila ang mga pangdayong niini.

Numeros 4:19

Mao kini ang inyong himuon aron dili sila mangamatay kon moduol sila sa labing balaan nga mga butang: kinahanglan ubanan sila ni Aaron ug sa iyang mga anak nga lalaki inigsulod nila sa Tolda ug sultihan sila kon unsay angay nilang buhaton ug kon unsay ilang dad-on.

Numeros 4:20

Kay kon dili ubanan, dili gayod sila mosulod aron sa pagtan-aw sa mga butang nga gigahin alang sa Ginoo bisan sa makadiyot lang, aron dili sila mangamatay.”

Numeros 7:9

Apan wala hatagi ni Moises ug karomata o baka ang mga kaliwat ni Kohat kay kinahanglang pas-anon lang gayod nila ang balaan nga mga butang sa Tolda.

Deuteronomio 31:9

Gisulat ni Moises kini nga mga sugo ug gihatag ngadto sa mga pari nga kaliwat ni Levi, nga mao ang nagdala sa Sudlanan sa Kasabotan sa Ginoo, ug ngadto sa tanang tigdumala sa Israel.

Josue 4:10

Padayon nga nagtindog taliwala sa Jordan ang mga pari nga nagdayong sa Kasabotan sa Ginoo hangtod nga natuman ang tanang gisugo sa Ginoo kang Josue, nga katumanan usab sa gisugo ni Moises kang Josue.

1 Samuel 6:19

Apan gipatay sa Dios ang 70 ka mga taga-Bet Shemes tungod kay ilang gilili ang sulod sa Sudlanan sa Ginoo. Nagbangotan ang mga tawo tungod niining labihan nga silot sa Ginoo kanila.