Numeros 4:16 - Ang Pulong sa Dios

¹⁶ “Si Eleazar nga anak sa pari nga si Aaron mao ang responsable sa lana alang sa lamparahan, sa insenso, sa inadlaw-adlaw nga halad sa pagpasidungog kanako, ug sa lana nga pangdihog. Siya ang magdumala sa kinatibuk-an sa Tolda ug sa mga kagamitan niini.”

Ang Biblia 2011

¹⁶ “Ug ang katungdanan ni Eleasar nga anak ni Aaron nga pari mao ang pag-atiman sa lana alang sa suga, sa humot nga insenso, sa mapadayonon nga halad nga pagkaon ug ang pag-atiman sa lana nga igdidihog ug ang pagdumala sa tibuok nga Tolda ug sa tanan nga anaa niini, ang balaang dapit ug ang mga galamiton niini.”

Maayong Balita Biblia

¹⁶ “Si Eleazar nga anak ni Aaron maoy mag-atiman sa lana alang sa suga ingon man sa humot nga insenso, sa naandang halad nga uhay ug sa lana nga igdidihog. Siya ang tigdumala sa pag-atiman sa tibuok Tolda ug sa tanang kasangkapan niini.”

Ang Bag-ong Maayong Balita Biblia

¹⁶ “Si Eleazar nga anak ni Aaron maoy mag-atiman sa lana alang sa suga ingon man sa humot nga insenso, sa naandang halad nga uhay ug sa lana nga igdidihog. Siya ang tigdumala sa pag-atiman sa tibuok Tolda ug sa tanang kasangkapan niini.”

Numeros 4:16 Cross References

Exodo 25:6

lana sa olibo alang sa suga, mga lamas alang sa lana nga pangdihog ug alang sa humot nga insenso,

Exodo 30:22

Miingon ang Ginoo kang Moises,

Exodo 31:11

ang lana nga pangdihog, ug ang humot nga insenso alang sa Balaang Dapit. “Himuon nila kining tanan sumala sa gisugo ko kanimo.”

Exodo 37:29

Naghimo usab siyag balaang lana nga pangdihog ug purong insenso nga humot kaayo.

Levitico 24:1

Gisugo sa Ginoo si Moises nga ipatuman niya kini sa mga Israelinhon: “Dad-an ninyo ug purong lana gikan sa dinukdok nga olibo ang mga suga nga anaa gawas sa kuwarto diin nahimutang ang Sudlanan sa Kasugoan didto sa Tolda nga Tagboanan, aron walay undang ang pagsiga niini sa presensya sa Ginoo. Kon mongitngit na, dagkotan kini ni Aaron ug pasigahon hangtod mobuntag. Sigurohon gayod niya nga kanunayng magsiga ang mga suga sa butanganan niini nga purong bulawan. Kini nga mga patakaran kinahanglan nga tumanon ninyo hangtod sa umaabot nga mga henerasyon.

Levitico 6:20

“Mao kini ang ihalad ni Aaron ug sa iyang mga anak alang kanako sa adlaw sa iyang ordinasyon ingon nga pari, ug mao usab ang himuon sa iyang kaliwat nga mopuli kaniya. Maghalad siya ug duha ka kilo nga maayong klasi sa harina. Halad kini sa pagpasidungog Ginoo nga kinahanglan buhaton hangtod sa kahangtoran. Ang katunga niini iyang ihalad sa buntag ug ang katunga sa hapon.

Numeros 3:32

Ang labawng pangulo sa mga kaliwat ni Levi mao si Eleazar nga anak sa pari nga si Aaron. Siya ang gipili nga modumala sa gipangtugyanan sa pag-atiman niining Balaang Dapit.

Numeros 4:17

Miingon ang Ginoo kang Moises ug kang Aaron,

Lucas 4:18

“Ang Espiritu sa Ginoo ania kanako. Kay gipili niya ako sa pagwali sa maayong balita sa mga kabos. Gipadala niya ako aron sa pagsangyaw nga aduna nay kagawasan ang mga binihag, ug makakita na ang mga buta. Gipadala niya ako sa pagpagawas sa mga dinaog-daog,

Mga Buhat 20:28

Bantayi gayod ninyo ang inyong kaugalingon ug ang tanang mga tawo sa Dios nga gisalig kaninyo sa Espiritu Santo. Atimana gayod ninyo ang iglesia sa Dios nga gitubos niya pinaagi sa iyang kaugalingong dugo.

1 Mga Taga-Corinto 4:1

Busa isipa ninyo kami nga mga alagad ni Cristo nga gisaligan sa Dios sa pagpasabot sa kamatuoran nga iyang gitago kaniadto.

1 Timoteo 2:5

Kay adunay usa lang ka Dios ug adunay usa lang ka tigpataliwala tali sa Dios ug sa mga tawo. Kini walay lain kondili ang tawo nga si Cristo Jesus,

Mga Hebreo 3:1

Busa mga igsoon ko nga mga katawhan sa Dios, ug sama nakong mga tinawag sa Dios nga mahimong kauban niya sa langit, hinumdomi ninyo si Jesus. Siya ang apostol ug pangulong pari sa patuo nga atong ginakuptan.

Mga Hebreo 3:6

Apan si Cristo kasaligan isip Anak nga tinugyanan sa pamilya sa Dios. Ug kita ang pamilya sa Dios, kon magpadayon kita nga mahugtanon sa atong paglaom nga atong ginapasigarbo.

1 Pedro 2:25

Kaniadto sama kita sa mga karnero nga nahisalaag, apan karon nahibalik na kita sa Ginoo nga Tig-atiman ug Magbalantay sa atong kinabuhi.

1 Pedro 5:2

atimanon ninyo ug maayo ang mga katawhan sa Dios nga gisalig kaninyo. Sama sila sa mga karnero ug kamo mao ang mga magbalantay. Kinahanglan nga sa kaugalingon ninyong kabubut-on ang pag-atiman kanila kay mao kini ang kabubut-on sa Dios, dili kay napugos lang kamo o aduna kamoy gipaabot nga suhol, kondili gusto gayod ninyo nga makatabang kanila.