Miqueas 7:1 - Ang Pulong sa Dios

¹ Alaot ako! Sama ako sa tawo nga gapanghagdaw nga wala gayoy makitang bunga sa igos o sa ubas nga ako gayong gitinguha.

Ang Biblia 2011

¹ Alaot ako! Kay ako nahimong sama sa human na maani nga mga bunga sa ting-init, sama sa dihang gihagdawan na ang kaparasan, walay mga pungpong sa bunga nga makaon, walay unang hinog nga igera nga akong gitinguha.

Maayong Balita Biblia

¹ Alaot ako! Nahisama ako sa tawong gigutom nga wala makakaplag ug bunga sa kahoy, o ubas nga makaon, kay gipupo na man ang tanang bunga sa ubas ug sa kahoyng igera.

Ang Bag-ong Maayong Balita Biblia

¹ Alaot ako! Nahisama ako sa tawong gigutom nga wala makakaplag ug bunga sa kahoy, o ubas nga makaon, kay gipupo na man ang tanang bunga sa ubas ug sa kahoyng igera.

Miqueas 7:1 Cross References

Salmo 120:5

Alaot ako kay nagpuyo ako uban kaninyo nga sama kadaotan sa mga lumulupyo sa Meshec ug sa Kedar.

Mga Panultihon 20:6

Daghan ang moingon nga maayo silang tawo, apan anaa ba kanilay masaligan?

Isaias 17:6

Gamay ra ang mahibilin sa iyang katawhan. Mahisama siya sa kahoyng olibo nga human mapupui, mabinlan lang ug duha o tulo ka bunga sa kinatumyan nga sanga, o upat o lima sa ubang mga sanga. Ako, ang  Ginoo, nga Dios sa Israel, ang nag-ingon niini.”

Isaias 24:13

Gamay na lang ang mga tawong mahibilin sa tanang nasod sa kalibotan, sama sa punoan sa olibo o sa ubas human kini pupui.

Isaias 24:16

Gikan sa kinatumyan sa kalibotan madungog nato ang pag-awit ug “Dayegon ang Matarong nga Dios!” Apan alaot ako! Naluya na ako! Kay padayon gihapon ang pagluib sa mga maluibon.

Isaias 28:4

Kining siyudara nahimutang sa tabunok nga yuta, apan ang iyang katahom mawala sama sa bulak nga malaya. Malaglag kini diha-diha dayon. Sama sa bunga sa igos nga unang mahinog, kuhaon kini dayon sa makakita ug kaonon.

Isaias 6:5

Unya miingon ako, “Alaot ako! Sigurado gayod nga laglagon ako, tungod kay daotan ang akong mga ginapanulti ug nagpuyo ako uban sa mga tawong nagsulti usab ug daotan. Ug karon, nakita ko gayod ang Hari, ang  Ginoo nga Makagagahom.”

Jeremias 15:10

Pagkamakaluluoy ko gayod. Wala na lang unta ako ipakatawo sa akong inahan! Kontra ako sa tibuok Juda. Wala man unta akoy nautangan o gipautang, apan gitunglo ako sa tanan.

Jeremias 24:2

Ang mga igera sulod sa usa ka basket nindot kaayo ug hinog, nga bag-o lang gikuha. Apan ang mga igera sa laing basket mga daot ug dili makaon.

Jeremias 4:31

Nakadungog akog tiyabaw ug agulo, sama sa usa ka babayeng nanganak nga primerisa. Tiyabaw kini sa mga lumulupyo sa Jerusalem nga daw makabsan sa ginhawa. Giisa nila ang ilang mga kamot ug nagkanayon, “Pagkamakaluluoy namo; daw mawad-an na kamig panimuot. Kay miabot na ang mopatay kanamo.”

Jeremias 45:3

Kay miingon ka, ‘Makaluluoy ako kay gidugangan sa Ginoo ang akong kasakit. Gikapoy na ako sa pag-agulo ug wala ako makakaplag ug kapahulayan!’

Jeremias 5:1

Miingon ang  Ginoo, “Mga lumulupyo sa Jerusalem, pangadto kamo sa mga kadalanan! Tan-awa ang mga plasa! Kon aduna kamoy makita nga bisan usa lang ka tawong matarong ug kasaligan, pasayloon ko ang inyong siyudad.

Oseas 9:10

Miingon ang  Ginoo, “Mga taga-Israel, sa dihang gipili ko ang inyong mga katigulangan nga mahimong akong mga katawhan, nalipay gayod ako. Sama sa tawo nga nalipay pag-ayo sa dihang nakakita siya ug ubas nga mitubo sa disyerto o sa dihang nakakita siya sa unang bunga sa igos. Apan sa dihang miadto sila sa Baal Peor, gihalad nila ang ilang kinabuhi sa makauulaw nga dios-dios ug nahimo silang sama kangil-ad sa dios-dios nga ilang gihigugma.

Numeros 18:13

Mainyo ang tanang unang abot sa yuta nga ilang ginahalad kanako. Makakaon niini si bisan kinsa sa imong pamilya nga hinlo.