Miqueas 7:2 - Ang Pulong sa Dios

² Ang buot kong ipasabot, wala na akoy nakitang tawo sa Israel nga matinud-anon sa Dios. Wala nay nabiling matarong nga tawo. Ang matag-usa naghulat ug higayon sa pagpatay sa iyang katagilungsod; giandaman nila ug lit-ag ang ilang isigka-tawo.

Ang Biblia 2011

² Ang tawo nga diosnon nahanaw gikan sa yuta, ug walay usa nga matarong taliwala sa mga tawo; silang tanan nangatang alang sa dugo, ang matag usa kanila nag-ayam sa iyang igsoon pinaagi sa pukot.

Maayong Balita Biblia

² Wala nay tawong diosnon ug wala nay matarong. Ang tanan nagpaabot ug higayon sa pagpatay sa iyang isigkatawo, sama sa mangangayam nga nag-atang sa iyang patyonon.

Ang Bag-ong Maayong Balita Biblia

² Wala nay tawong diosnon ug wala nay matarong. Ang tanan nagpaabot ug higayon sa pagpatay sa iyang isigkatawo, sama sa mangangayam nga nag-atang sa iyang patyonon.

Miqueas 7:2 Cross References

Salmo 10:9

Daw liyon sila nga mag-atang sa tago nga dapit. Panid-an nila ang ilang alaot nga mga biktima aron sa pagdakop kanila, ug kon madakpan na gani nila, ila na dayon kining guyoron.

Salmo 12:1

Tabangi ako, Ginoo, kay wala nay nahibilin nga diosnon ug kasaligan.

Salmo 12:2

Ang tanan gabakak sa ilang isigka-tawo. Gilimbongan nila ug giulog-ulogan ang usag usa.

Salmo 57:6

Nabalaka ako kay nagbutang ang akong mga kaaway ug lit-ag alang kanako. Nagkalot silag lawom nga bangag sa akong agianan, apan sila ra usab mismo ang nahulog niini.

Mga Panultihon 1:11

o mouban kanila kon moingon sila, “Dali, uban kanamo; mangatang kitag tawo ug atong patyon bisag walay sala.

Mga Panultihon 12:6

Makamatay ang mga pulong sa mga daotan, apan ang mga pulong sa mga matarong makaluwas.

Isaias 3:5

Daog-daogon sa matag tawo ang iyang isigka-tawo. Ang mga bata mosukol sa mga tigulang ug ang mga yanong tawo batok sa mga dungganon.

Isaias 57:1

Kon mamatay ang usa ka tawong matarong, walay mangutana kon ngano. Walay makasabot nga gikuha sa Dios ang mga tawong diosnon aron makalikay sa kadaotan.

Isaias 59:7

Alisto kamong mohimog sala, ug abtik kamong mopatay. Daotan ang inyong gihuna-huna, ug bisan asa kamo moadto maghimo kamog kadaot.

Isaias 9:19

Tungod sa kasuko sa Ginoo nga Makagagahom, masunog ang ilang yuta, ug mahimo silang sugnod sa kalayo. Walay maluoy sa ilang isigka-Israelinhon.

Jeremias 16:16

“Apan sa pagkakaron, padad-an ko una silag daghang kaaway nga daw mga mangingisda nga modakop kanila. Human niana, magpadala akog mga kaaway nga daw mga mangangayam nga mangita kanila sa mga bukid, mga bungtod, ug mga kabatoan.

Jeremias 5:16

Ang ilang mga armas makamatay, ug silang tanan isog nga mga sundalo.

Jeremias 5:26

“Adunay daotang mga tawo diha sa akong katawhan nga nag-atang sa ilang mabiktima, nga daw sama sa tawong nanglit-ag ug langgam. Nagbutang silag lit-ag alang sa ubang mga tawo.

Jeremias 8:6

Gipaminaw kog maayo ang inyong gipanulti ug wala kamoy gisulti nga sakto. Walay bisan usa kaninyo nga naghinulsol sa iyang kadaotan. Wala gayoy nakaingon, ‘Unsa kining akong nahimo?’ Tanan kaninyo abtik kaayong magpakasala, daw mga kabayo kamo nga mipaturatoy ug dagan ngadto sa gira.

Mga Pagbangotan 4:18

Gibantayan sa among mga kaaway ang among mga lihok; dili kami makalakaw sa kadalanan nga dili mamiligro. Hapit na ang among kataposan. Maihap na lang ang among mga adlaw.

Ezequiel 22:12

Ang uban nagdawat ug suborno aron sa pagpatay ug tawo, ang uban nagpatanto nga adunay taas kaayong tubo, ug ang uban naadunahan pinaagi sa pagpanglimbong sa ilang isigka-tawo. Nalimtan na gayod nila ako. Ako, ang Ginoong Dios, ang nag-ingon niini.

Ezequiel 24:6

“ ‘Kay ako, ang Ginoong Dios, nag-ingon: “ ‘Alaot ang siyudad sa Jerusalem kansang mga nagpuyo mga kriminal. Nahisama kini sa tayaon nga kaldero nga wala malimpyohi. Busa kuhaa sa tinagsa ang sulod niini ug ayaw pilia.

Oseas 5:1

Miingon pa ang Ginoo, “Pamati kamong mga pari, ingon man kamong mga katawhan sa Israel ug mga miyembro sa panimalay sa hari, kay kini nga paghukom batok kaninyo: Nahisama kamo sa lit-ag, kay gipasipad-an ninyo ang mga katawhan sa Mizpa ug sa Tabor.

Oseas 6:9

Ang inyong mga pari sama sa pundok sa mga tulisan nga mangatang ug biktimahon. Mopatay sila diha sa dalan paingon sa Sekem, ug naghimo sa uban pang daotang mga binuhatan.

Miqueas 2:8

Apan gikontra ninyo nga daw mga kaaway ang akong katawhan. Naghuna-huna sila nga sa pagpauli nila sa ilang dapit gikan sa gira wala nay manghilabot kanila, apan anaa diay kamo nga moilog sa ilang mga kupo.

Miqueas 3:10

Gitukod ninyo ang Jerusalem pinaagi sa pagpatay ug panglupig.

Miqueas 3:2

Ug gidumtan ang maayo; inyong gipikas-pikas ug gipanitan ang akong mga katawhan ug gipanguha ang mga unod gikan sa ilang mga bukog.”

Zacarias 11:6

“Atimana ang akong katawhan kay ako, ang  Ginoo, nag-ingon nga dili ko na kaloy-an ang mga tawo sa kalibotan. Ako mismo ang motugyan sa matag tawo nga masakop sa iyang isigka-tawo ug sa iyang hari. Ug kini sila ang magdala ug kalaglagan sa kalibotan, ug wala akoy luwason gikan sa ilang mga kamot.”

Mga Buhat 24:9

Ug misegunda usab ang kadagkoan sa mga Judio nga atua didto nga tinuod gayod ang tanan nga gisulti ni Tertulo.

1 Samuel 24:11

Amahan, tan-awa ang bahin sa imong bisti nga akong gikuptan. Giputol ko ang sidsid sa imong bisti apan wala ka nako patya. Nagpamatuod kini nga wala akoy tuyo sa pagpasipala kanimo o sa pagrebelde kanimo. Wala ako makasala batok kanimo apan nagtinguha ka sa pagpatay kanako.

1 Samuel 26:20

Ayaw itugot nga mamatay ako sa yuta sa mga langyaw, nga halayo sa Ginoo. Nganong ikaw nga hari sa Israel nangita man gayod kanako nga sama man lang ako sa pulgas? Nganong gigukod mo ako sama sa langgam sa bukid?”