Miqueas 4:9 - Ang Pulong sa Dios

^9-10 Karon, ngano kamong mga lumulupyo sa Zion nag-agulo man sama sa babaye nga nagbati? Naa pa man ang inyong hari ug ang iyang mga magtatambag wala man nangamatay. Sige, paglimbag-limbag kamo sa kasakit sama sa babayeng nagbati. Kay sa dili madugay mobiya kamo sa inyong siyudad ug magpuyo sa kaumahan, ug unya dad-on kamo ngadto sa Babilonia. Apan luwason ko kamo didto gikan sa kamot sa inyong mga kaaway.

Ang Biblia 2011

⁹ Karon nganong nagtuaw man ikaw sa kusog nga tingog? Wala bay hari diha kanimo? Nahanaw ba ang imong tigtambag, nga ang kaguol naghakop man kanimo sama sa usa ka babaye nga nagbati?

Maayong Balita Biblia

⁹ Busa nganong nagminatay ka man? Wala bay naghari kanimo? Nangamatay na ba ang imong mga magtatambag nga nag-ilaid ka man sa kasakit sama sa babayeng nagbati?

Ang Bag-ong Maayong Balita Biblia

⁹ Busa nganong nagminatay ka man? Wala bay naghari kanimo? Nangamatay na ba ang imong mga magtatambag nga nag-ilaid ka man sa kasakit sama sa babayeng nagbati?

Miqueas 4:9 Cross References

Isaias 13:8

Magkurog sila sa kahadlok. Bation nila ang labihang kasakit ug maghigwaos sila sama sa babaye nga nagbati. Magtinan-away sila sa usag usa, ug ang ilang mga nawong mamula sa labihang kaulaw.

Isaias 21:3

Kining nakita ug nadunggan ko sa panan-awon, nakapakurog gayod kanako ug naghatag ug sakit sa akong kalawasan, sama sa sakit nga gibati sa babaye nga nagbati.

Isaias 26:17

Nakita mo, Ginoo, ang among pag-antos. Sama kami sa babayeng nagbati, nga nagsinggit tungod sa labihang kasakit.

Jeremias 22:23

Kamong nagpuyo sa palasyo nga hinimo sa mga kahoyng sedro nga gikan sa Lebanon, mag-agulo kamo kon moabot na ang mga kasakit kaninyo, sama sa pag-agulo sa usa ka babayeng nagbati.

Jeremias 30:10

“ ‘Busa ayaw kamo kahadlok o kadismaya, kamong mga kaliwat ni Jacob nga akong alagad. Ako, ang  Ginoo, nag-ingon nga luwason ko gayod kamo ug ang inyong mga kaliwat gikan sa layong dapit diin kamo gibihag. Unya magkinabuhi kamo nga malinawon ug walay gikahadlokan.

Jeremias 4:21

Hangtod kanus-a ko pa padayon nga makita ang bandera sa pagpakig-gira ug madungog ang tingog sa budyong?

Jeremias 4:31

Nakadungog akog tiyabaw ug agulo, sama sa usa ka babayeng nanganak nga primerisa. Tiyabaw kini sa mga lumulupyo sa Jerusalem nga daw makabsan sa ginhawa. Giisa nila ang ilang mga kamot ug nagkanayon, “Pagkamakaluluoy namo; daw mawad-an na kamig panimuot. Kay miabot na ang mopatay kanamo.”

Jeremias 48:41

Mailog ang mga lungsod ug ang mga kuta sa Moab. Nianang panahona ang mga sundalo sa Moab bation sa kahadlok nga sama sa babayeng nagbati.

Jeremias 50:43

Madunggan kini sa hari sa Babilonia, ug manghuyhoy ang iyang mga abaga. Bation niya ang kaguol ug kasakit nga sama sa bation sa babayeng nagbati.

Jeremias 8:19

Paminawa ang pagpakitabang sa akong mga katagilungsod; madungog kini sa tibuok kayutaan. Nag-ingon sila, “Wala na ba sa Jerusalem ang  Ginoo? “Wala na ba dinhi ang Dios nga Hari sa Jerusalem?” Mitubag ang  Ginoo, “Nganong gipalagot ninyo ako pinaagi sa pagsimba sa mga dios-dios nga walay pulos?”

Mga Pagbangotan 4:20

Nadakpan nila pinaagi sa ilang mga bangag ang hari nga pinili sa Ginoo, nga maoy among gisaligan nga manalipod kanamo batok sa mga kaaway nga nasod.

Oseas 10:3

“Unya moingon sila, ‘Wala kamiy hari tungod kay wala kami motahod sa Ginoo. Apan bisan pag aduna kami hari, unsa may iyang mahimo nga maayo alang kanamo?’

Oseas 13:13

Adunay kahigayonan kamong mabuhi pag-usab. Apan tungod kay wala kamoy panabot, gipakawalay-bili ninyo kini. Sama kamo sa usa ka bata nga angay nang ihimugso. Nagbati na ang inahan apan dili gustong mogawas ang bata.

Oseas 3:4

Kay magkahulogan kini nga sa sulod sa taas nga panahon magkinabuhi ang mga Israelinhon nga walay hari, pangulo, halad, handomanan nga bato, efod, ug mga dios-dios.

Miqueas 5:3

Busa itugyan sa Ginoo ngadto sa mga kaaway ang katawhan sa Israel hangtod sa panahon nga manganak ug batang lalaki nga maoy mangulo sa Israel ang babayeng nagbati. Ug ang iyang mga kadugo nga nabihag sa ubang dapit magbalik ngadto sa ilang isigka-Israelinhon.

Juan 16:21

Sama sa babayeng nagbati tungod kay manganak na siya. Apan kon matawo na gani ang bata, malimot na siya sa kasakit tungod sa iyang kalipay nga natawo na ang iyang anak dinhi sa kalibotan.

Gipadayag 12:2

Manganakay na ang babaye, ug gatiyabaw tungod kay nagbati na siya.