Miqueas 4:11 - Ang Pulong sa Dios

¹¹ Karon daghang mga nasod ang nagtigom sa pakig-gira kaninyo. Nag-ingon sila, “Atong pasipad-an ang Jerusalem! Ug unya atong tan-awon ang makauulaw nga kahimtang niini.”

Ang Biblia 2011

¹¹ Karon daghang mga nasod ang nagtigom batok kanimo, nga nag-ingon, “Hugawan nato siya, ug sud-ongon sa atong mga mata ang Zion.”

Maayong Balita Biblia

¹¹ Karon daghan ang mga nasod nga naghiusa pagpakig-away kanimo ug miingon sila, “Kinahanglang gun-obon ang Jerusalem.”

Ang Bag-ong Maayong Balita Biblia

¹¹ Karon daghan ang mga nasod nga naghiusa pagpakig-away kanimo ug miingon sila, “Kinahanglang gun-obon ang Jerusalem.”

Miqueas 4:11 Cross References

Salmo 129:5

Hinaut nga magpahilayo ang tanang nagdumot sa Zion tungod sa kaulaw.

Salmo 83:5

Nagkauyon sila sa ilang daotang plano. Naghimo silag kasabotan batok kanimo.

Isaias 10:7

Apan ang hari sa Asiria dili makahibalo nga gigamit lang sila sa Ginoo. Abi niyag ginalaglag lang niya ang daghang mga nasod.

Isaias 17:12

Ang kabanha sa daghang mga nasod sama sa haguros sa dagkong mga balod.

Isaias 29:7

Mawala sama sa usa ka damgo ang daghang mga nasod nga nakig-gira sa Jerusalem ug miguba sa mga paril niini. Sama sila sa tawo nga nagdamgo nga mikaon, apan sa pagmata niya, gigutom pa gihapon siya, o sama sa tawo nga nagdamgo nga miinom, apan momata siya nga luya kay wala matagbaw ang iyang kauhaw.”

Jeremias 52:4

Busa sa ikanapulo nga adlaw sa ikanapulo nga bulan sa ikasiyam nga tuig sa iyang paghari, gisulong ni Nebucadnezar nga hari sa Babilonia ug sa iyang tibuok kasundalohan ang Jerusalem. Nagkampo sila sa gawas sa siyudad ug nagtapok ug yuta libot sa paril niini.

Ezequiel 26:3

Busa ako, ang Ginoong Dios, nag-ingon nga kontrahon ko ang Tiro. Pasulongon ko kanila ang daghang nasod nga mohasmag sama sa mga balod.

Ezequiel 38:17

Nagpadayon sa pag-ingon ang Ginoong Dios, “Sa unang panahon gipadayag ko pinaagi sa mga propeta sa Israel nga akong mga alagad nga sa umaabot nga mga adlaw adunay mosulong sa Israel. Ug ikaw ang buot kong ipasabot niadto.

Abdias 1:12

Wala unta ninyo ikalipay ang katalagman nga nahiagoman sa katawhan sa Juda, nga inyong kadugo. Wala unta kamo magmaya sa panahon sa ilang kalaglagan. Ug wala unta kamo manghambog sa panahon sa ilang kalisod.

Miqueas 7:10

Makita kini sa atong mga kaaway ug maulawan sila. Kay gibiay-biay nila kita kaniadto nga nag-ingon, “Asa na ang  Ginoo nga inyong Dios?” Sa dili madugay makita nato ang ilang pagkalaglag. Mahisama sila sa lapok nga gitunob-tunoban diha sa mga karsada.

Zacarias 12:3

Nianang adlawa, himuon ko ang Jerusalem nga sama sa usa ka bug-at nga bato. Ug ang bisan unsa nga nasod nga moalsa niini masakitan gayod. Ang tanang nasod sa kalibotan maghiusa sa pagsulong sa Jerusalem.