Miqueas 4:8 - Ang Pulong sa Dios

⁸ Ang Jerusalem, nga sama sa usa ka tore nga lantawanan, diin ang Dios magbantay sa iyang katawhan mahimo pag-usab nga nag-unang siyudad sa Israel sama kaniadto.”

Ang Biblia 2011

⁸ Ug ikaw, O tore sa panon, ang bungtod sa anak nga babaye sa Zion, kanimo moabot kini, ang kanhing gingharian mahibalik gayod, ang gingharian sa anak nga babaye sa Jerusalem.

Maayong Balita Biblia

⁸ Ug ikaw, Jerusalem, mahibalik na usab sa imong pagkaulohang siyudad. Diha kanimo ang Dios, sama sa usa ka magbalantay sa karnero, naglantaw gikan sa iyang tore, magbantay sa iyang katawhan.

Ang Bag-ong Maayong Balita Biblia

⁸ Ug ikaw, Jerusalem, mahibalik na usab sa imong pagkaulohang siyudad. Diha kanimo ang Dios, sama sa usa ka magbalantay sa karnero, naglantaw gikan sa iyang tore, magbantay sa iyang katawhan.

Miqueas 4:8 Cross References

Genesis 35:21

Nagpadayon sila Jacob sa ilang pagpanglakaw, ug nagpatindog sila sa ilang mga tolda unahan sa tore sa Migdal Eder.

2 Samuel 5:7

Apan nailog gihapon nila ni David ang kuta sa Zion, nga gitawag usab nga Lungsod ni David.

Nehemias 3:25

Ang sunod mao si Palal nga anak ni Uzai. Giayo niya ang bahin nga atbang sa eskina sa paril ug sa tore ibabaw sa palasyo, duol sa hawanan sa mga tigbalantay. Ang sunod kaniya mao si Pedaya nga anak ni Parosh,

Salmo 24:7

Ablihi ang karaang mga pultahan sa Templo aron makasulod ang gamhanang Hari!

Salmo 48:3

Anaa ang Dios sa lig-on nga bahin sa Jerusalem ug gipakita niya nga siya kasaligan nga tigpanalipod.

Salmo 61:3

kay ikaw mao ang nagpanalipod kanako. Sama ikaw sa usa ka lig-ong paril nga nagpanalipod sa siyudad batok sa mga kaaway.

Awit sa mga Awit 4:4

Ang imong liog sama sa tore ni David nga gipalibotan sa mga bato, ug gibitayan sa linibo ka mga taming sa bantogang mga sundalo.

Isaias 1:26

Hatagan ko kamo pag-usab ug mga lider ug mga magtatambag nga sama kaniadto. Ug unya ang Jerusalem nga inyong siyudad pagatawgon na nga siyudad sa mga matarong ug matinud-anon.”

Isaias 10:32

Niining adlawa, moabot sa Nob ang mga taga-Asiria. Ug mosinyas sila sa pagsulong sa bukid sa Jerusalem, ang Bukid sa Zion.

Isaias 5:2

Gidaro niya kini ug gikuhaan ug mga bato, ug gitamnan sa labing maayong mga ubas. Nagpatukod siyag usa ka tore nga bantayanan taliwala niini, ug nagpabangag sa bato alang sa pug-anan sa ubas. Nagdahom siya nga mamunga kini ug tam-is, apan aslom hinuon ang gibunga niini.

Daniel 2:44

“Sa panahon niining mga hari, ang Dios sa langit mopatukod ug usa ka gingharian nga dili gayod mapukan bisan kanus-a. Dili gayod kini mapildi o madumalahan sa uban. Laglagon hinuon niini ang tanang mga gingharian ug magpabilin kini sa walay kataposan.

Daniel 7:18

Apan ang mga balaan sa Labing Halangdon nga Dios mao ang hatagan ug gahom sa paghari nga magpadayon sa walay kataposan.’

Abdias 1:21

Motungas ang mga tigpanalipod sa Israel sa Bukid sa Zion, sa pagdumala sa mga katawhan sa Bukid ni Esau. Ug ako, ang  Ginoo, mao ang maghari.”

Miqueas 2:12

“Kamong mga katawhan sa Israel ug sa Juda nga nabiling buhi, pagatigomon ko gayod kamo sama sa mga karnero balik ngadto sa toril o sama sa panon sa kahayopan sa sabsabanan. Mapuno ang inyong yuta sa mga katawhan.

Zacarias 9:10

Kuhaon ko ang mga karwahi ug mga kabayo nga panggira gikan sa Israel ug sa Juda. Ang mga pana nga gigamit sa gira balion. Ang moabot nga hari magdala ug kalinaw ngadto sa mga nasod. Mohari siya gikan sa usa ka dagat hangtod sa usa pa gayod ka dagat, ug gikan sa Suba sa Eufrates hangtod sa kinatumyan sa yuta sa Israel.”

Zacarias 9:12

Kamong mga nabihag nga naglaom, balik na kamo sa dapit diin luwas kamo sa katalagman. Karon sultihan ko kamo nga ibalik ko nga doble ang nawala kaninyo.

Zacarias 9:9

Miingon ang  Ginoo, “Panghugyaw gayod kamo sa kalipay, kamong mga lumulupyo sa Zion, kay ang inyong hari moabot. Matarong siya ug madaogon. Mapainubsanon siya ug moabot nga nagsakay sa nating asno.

Numeros 24:19

Magdumala ang usa ka pangulo sa Israel ug laglagon niya ang mga nahibiling buhi sa lungsod sa Moab.”

Mateo 21:33

Miingon si Jesus kanila, “Pamatia ninyo ang usa pa ka sambingay. Adunay usa ka tawo nga adunay yuta nga gipatamnan niya ug ubas. Gipakoral niya kini, ug nagpahimo siyag bangag sa dakong bato aron himuong pug-anan sa ubas. Nagpatukod usab siya ug usa ka balay bantayanan. Pagkahuman gipasaopan niya ang iyang ubasan ug milakaw ngadto sa layong dapit.

Marcos 12:1

Unya miingon si Jesus kanila pinaagi sa mga sambingay, “Adunay usa ka tawo nga adunay yuta nga gipatamnan niya ug ubas. Gipakoralan niya kini, ug nagpahimo siyag bangag sa dakong bato aron himuong pug-anan sa ubas. Nagpatukod usab siya ug usa ka tore nga bantayanan. Pagkahuman gipasaopan niya ang iyang ubasan ug milakaw ngadto sa layong dapit.

Mga Taga-Efeso 1:21

Busa anaa ilalom sa gahom ni Cristo ang tanan nga nagahari ug nagamando, mga nagadumala ug nangulo. Ang iyang ngalan dili gayod matupngan ni bisan kinsang inila nga tawo, dili lang niini nga kapanahonan apan bisan pa sa umaabot.

Gipadayag 22:5

Wala nay gabii didto, busa dili na nila kinahanglanon ang mga suga o ang kahayag sa adlaw, kay ang Ginoong Dios mao na ang ilang kahayag. Ug magdumala sila isip mga hari sa walay kataposan.