Miqueas 4:6 - Ang Pulong sa Dios

^6-7 Miingon ang  Ginoo: “Sa umaabot nga mga adlaw, tigomon ko ang akong mga katawhan nga akong gisilotan, ang nangapiang ug nagkatibulaag. Himuon ko nga usa ka gamhanan nga nasod ang mga nangahibilin kanila. Ug maghari ako kanila sa Jerusalem gikan niana nga panahon hangtod sa kahangtoran.

Ang Biblia 2011

⁶ Nianang adlawa, nag-ingon ang Ginoo, tigomon nako ang mga bakol ug tigomon kadtong mga gihinginlan, ug kadtong gisakit nako;

Maayong Balita Biblia

⁶ Nag-ingon ang Ginoo, “Niadto unyang adlawa, tigumon ko kadtong nangabihag, kadtong akong gisilotan.

Ang Bag-ong Maayong Balita Biblia

⁶ Nag-ingon ang Ginoo, “Niadto unyang adlawa, tigumon ko kadtong nangabihag, kadtong akong gisilotan.

Miqueas 4:6 Cross References

Salmo 147:2

Gitukod pag-usab sa Ginoo ang Jerusalem, ug gitigom niya pagbalik ang mga Israelinhon nga nabihag.

Salmo 38:17

Kay hapit na ako mapukan, ug daw sa walay kataposan ang akong pag-antos.

Isaias 56:8

Miingon usab ang Ginoong Dios nga nagtigom sa mga binihag nga Israelinhon, “Tigomon ko pa gayod ang uban, gawas niadtong natigom ko nang daan.”

Jeremias 3:18

Nianang higayona, ang katawhan sa Juda ug sa Israel nga gikan sa pagkabihag sa amihan mag-uban sa pagbalik ngadto sa yuta nga gihatag ko sa ilang mga katigulangan ingon nga ilang panulondon.

Jeremias 31:8

Pamati! Dad-on ko sila pagbalik gikan sa yuta sa amihan ug tigomon gikan sa labing halayo nga bahin sa kalibotan. Uban kanila mao ang mga buta ug mga bakol, ingon man ang mga mabdos ug ang mga hapit nang manganak. Usa ka dakong panon ang mobalik dinhi.

Ezequiel 36:24

Kay kuhaon ko kamo gikan sa nagkalain-laing mga nasod ug ibalik sa inyong kaugalingong yuta.

Miqueas 2:12

“Kamong mga katawhan sa Israel ug sa Juda nga nabiling buhi, pagatigomon ko gayod kamo sama sa mga karnero balik ngadto sa toril o sama sa panon sa kahayopan sa sabsabanan. Mapuno ang inyong yuta sa mga katawhan.

Sofonias 3:19

Niadto unyang taknaa akong atimanon ang tanan nga nagpaantos kanimo. Luwason ko ang mga bakol, akong tipunon ang mga binihag, ako silang dayegon ug pasidungan sa matag dapit diin sila nakasinati ug kaulawan.

Lucas 19:10

Kay ang Anak sa Tawo mianhi dinhi sa kalibotan aron sa pagpangita ug sa pagluwas sa tanan nga nahisalaag.”

Juan 10:16

Adunay uban pa akong mga karnero nga wala dinhi sa inyong grupo nga mga Judio. Kinahanglan pasudlon ko usab sila. Maminaw sila kanako, ug ang tanan nga maminaw kanako mahimong usa lang ka panon nga adunay usa lang ka magbalantay.