Joel 3:17 - Ang Pulong sa Dios

¹⁷ Miingon ang  Ginoo, “Mga taga-Juda, mahibaloan ninyo nga ako, ang  Ginoo nga inyong Dios, nagpuyo sa Zion, ang akong balaan nga bukid. Ug mahimong balaan na usab ang Jerusalem; dili na gayod kini sulongon pag-usab sa mga taga-laing nasod.

Ang Biblia 2011

¹⁷ “Busa kamo makaila nga ako mao ang Ginoo nga inyong Dios, nga nagpuyo sa Zion nga akong bukid nga balaan. Unya ang Jerusalem mabalaan ug didto wala nay langyaw nga molatas niini pag-usab.

Maayong Balita Biblia

¹⁷ “Unya masayod ka, O Israel, nga ako mao ang Ginoo nga imong Dios. Nagpuyo ako sa Sion, ang balaan kong bukid; ang Jerusalem mao ang balaang siyudad, ug ang mga langyaw dili na gayod makabuntog niini.

Ang Bag-ong Maayong Balita Biblia

¹⁷ “Unya masayod ka, O Israel, nga ako mao ang Ginoo nga imong Dios. Nagpuyo ako sa Sion, ang balaan kong bukid; ang Jerusalem mao ang balaang siyudad, ug ang mga langyaw dili na gayod makabuntog niini.

Joel 3:17 Cross References

Job 15:19

Mga maalamon kaayo sila, kay sila lang ang nanag-iya sa ilang yuta, ug walay mga taga-laing lugar nga misakop kanila.

Salmo 76:2

Nagpuyo siya sa Bukid sa Zion sa Jerusalem.

Salmo 9:11

Awiti ninyo ug mga pagdayeg ang  Ginoo nga naghari sa Zion! Imantala ninyo sa mga nasod ang iyang mga binuhatan!

Exodo 16:12

“Nadungog ko ang mga pagbagulbol sa mga Israelinhon. Ingna sila nga sa gabii mokaon sila ug karne ug sa buntag makapagusto silag kaon ug pan. Unya mahibaloan ninyo nga ako mao ang Ginoo nga inyong Dios.”

Isaias 11:9

Wala nay magpasakit o mangdaot sa Zion, sa akong balaan nga bukid. Kay ang mga tawo sa kalibotan mapuno sa kahibalo mahitungod sa Ginoo, maingon nga ang dagat napuno sa tubig.

Isaias 12:6

Panghugyaw kamo ug pag-awit sa kalipay, kamo nga katawhan sa Jerusalem. Kay gamhanan ang Balaang Dios sa Israel nga anaa uban kaninyo.”

Isaias 35:8

Butangan ug halapad nga dalan ang maong disyerto, ug tawgon kining, “Balaan nga Dalan.” Walay makasasala ug buang-buang nga makaagi didto. Alang lang kadto sa mga tawo nga nagsunod sa mga pamaagi sa Dios.

Isaias 4:3

Tawgon nga balaan ang mga nangabiling buhi sa Zion og milahutay diha sa Jerusalem.

Isaias 46:13

Sa dili madugay, hatagan kog kadaogan ug kaluwasan ang Jerusalem, ug pasidunggan ko ang Israel.

Isaias 52:1

Bangon na, O Zion, ug lig-ona ang imong kaugalingon! Ipakita ang imong pagkagamhanan, O balaan nga siyudad sa Jerusalem. Kay ang imong mga kaaway nga dili Israelinhon, nga giila nga mahugaw ug dili diosnon, dili na makasulod kanimo pag-usab.

Isaias 56:7

Dad-on ko sila sa akong balaan nga bukid, ug lipayon ko sila didto sa akong balay nga alampoanan. Dawaton ko sa akong halaran ang ilang mga halad nga sinunog ug uban pang mga halad, kay ang akong balay tawgon nga balay nga alampoanan sa mga tawo sa tanang nasod.”

Jeremias 31:23

Miingon ang  Ginoo nga Makagagahom, ang Dios sa Israel, “Kon mapabalik ko na sa ilang yuta ang katawhan sa Juda moingon na usab sila, ‘Hinaut nga panalanginan sa Ginoo ang balaan nga bukid sa Jerusalem, diin siya nagpuyo.’

Jeremias 31:40

Ang tibuok lugut nga labayanan sa mga patayng lawas ug sa mga abo sa mga halad, apil ang tanang kaumahan sa Kapatagan sa Kidron sa sidlakan, hangtod sa ganghaan nga ginaagian sa mga kabayo didto sa amihan, igahin alang kanako. Dili na gayod malaglag o mapukan pag-usab kini nga siyudad.”

Ezequiel 20:40

Kay didto sa akong balaan nga bukid, sa taas nga bukid sa Israel, miingon ang Ginoong Dios, ang tanang katawhan sa Israel mag-alagad kanako. Didto pagadawaton ko kamo ug hangyoon ko kamo nga maghalad sa inyong pinakamaayo nga mga gasa ug nagkalain-lain pa nga mga halad.

Ezequiel 37:6

Butangan ko kamo ug mga ugat ug mga unod, ug puston ko kamo sa panit. Hatagan ko kamo ug gininhawa, ug mabuhi kamo. Unya mahibaloan ninyo nga ako mao ang  Ginoo.”

Ezequiel 43:12

Ug mao kini ang nag-unang kasugoan sa Templo: Kinahanglan nga ang tanang dapit ibabaw sa bukid libot sa gitukoran sa Templo balaan gayod.

Ezequiel 44:9

Busa ako, ang Ginoong Dios, nag-ingon nga walay mga langyaw nga wala nakaila kanako ang makasulod sa akong Templo, bisan ang mga langyaw nga nagpuyo uban kaninyo.

Ezequiel 48:35

busa ang tibuok nga gitas-on sa paril 9 ka kilometro. Ug gikan nianang panahona ang siyudad pagatawgon ug, “Ang Ginoo Anaa Dinha!”

Daniel 11:45

Magpatindog siya sa iyang harianon nga tolda sa tunga-tunga sa dagat ug sa matahom ug balaan nga bukid. Mamatay siya nga wala gayoy motabang kaniya.”

Daniel 9:16

Busa, Ginoo, tungod kay matarong ka, nagpakiluoy ako nga kuhaon mo na ang imong kasuko sa Jerusalem, ang imong siyudad ug balaan nga bukid. Tungod sa among mga sala ug sa sala sa among mga katigulangan, gitamay kami ug ang Jerusalem sa mga tawo sa among palibot.

Joel 2:27

Unya mahibaloan ninyo nga anaa ako kaninyong mga taga-Israel, ug ako lang, ang  Ginoo, ang inyong Dios ug wala nay lain pa. Ug kamo nga akong katawhan dili na gayod maulawan hangtod sa kahangtoran.

Joel 3:21

Ipanimalos ko ang mga gipamatay nga taga-Juda; silotan ko gayod ang naghimo niini kanila.” Nagpuyo ang  Ginoo sa Zion.

Nahum 1:15

Tan-awa, didto sa mga kabukiran ang mga tiil nga nagdala ug maayong balita, nga nagmantala sa kalinaw! Sauloga ang inyong kapistahan, Juda, ug tumana ang inyong mga panaad. Dili na mosulong ang mga daotan kaninyo; laglagon na gayod sila sa hingpit.

Zacarias 8:3

“Mobalik ako sa Jerusalem ug mopuyo didto. Unya tawagon ang Jerusalem nga Matinumanon nga Siyudad ug tawagon ang bukid sa Makagagahom Ginoo nga Balaang Bukid.

Gipadayag 21:27

Apan dili makasulod didto ang bisan unsa nga dili hinlo sa atubangan sa Dios, si bisan kinsa nga nagbuhat sa makauulaw nga mga binuhatan, ug ang mga bakakon. Ang makasulod lang didto mao ang mga tawo kansang ngalan nasulat sa libro sa Karnero, nga gilistahan sa mga nakaangkon ug kinabuhi nga walay kataposan.