Joel 3:16 - Ang Pulong sa Dios

¹⁶ Mongulob ang  Ginoo gikan sa Zion; ang iyang tingog modahunog gikan sa Jerusalem. Ug tungod niini mouyog ang kalibotan ug ang kalangitan. Apan lig-on nga dalangpanan ang  Ginoo alang sa mga Israelinhon nga iyang katawhan.

Ang Biblia 2011

¹⁶ Ang Ginoo mipadahunog gikan sa Zion, ug mipatugbaw sa iyang tingog gikan sa Jerusalem, ug ang kalangitan ug ang yuta nangurog. Apan ang Ginoo dalangpanan sa iyang katawhan, usa ka salipdanan alang sa katawhan sa Israel.

Maayong Balita Biblia

¹⁶ Mosinggit ang Ginoo didto sa Bukid sa Sion; modahunog ang iyang tingog didto sa Jerusalem; mokurog ang yuta ug ang langit, apan panalipdan niya ang iyang katawhan.

Ang Bag-ong Maayong Balita Biblia

¹⁶ Mosinggit ang Ginoo didto sa Bukid sa Sion; modahunog ang iyang tingog didto sa Jerusalem; mokurog ang yuta ug ang langit, apan panalipdan niya ang iyang katawhan.

Joel 3:16 Cross References

Salmo 18:2

Ikaw, Ginoo, ang akong salipdanan nga bato, ang akong lig-ong tago-anan ug manluluwas. Ikaw, Dios, ang salipdanan ko nga bato, makatago ako diha kanimo. Ikaw, Dios, ang akong taming, gamhanang manluluwas ug dalangpanan.

Salmo 29:11

Gilig-on sa Ginoo ang iyang katawhan ug gihatagan ug maayong kahimtang.

Salmo 61:3

kay ikaw mao ang nagpanalipod kanako. Sama ikaw sa usa ka lig-ong paril nga nagpanalipod sa siyudad batok sa mga kaaway.

Mga Panultihon 18:10

Ang Ginoo sama sa lig-ong tore; nagdangop kaniya ang mga matarong aron walay daotang mahitabo kanila.

Isaias 33:16

Mao kini nga matang sa mga tawo ang mahilayo sa katalagman, nga daw nagpuyo sa habog nga mga dapit, kansang mahimong salipdanan mao ang mga dagkong bato. Dili sila mawad-an ug pagkaon ug tubig.

Isaias 33:21

Dinhi ipakita sa Ginoo kanato nga gamhanan siya. Ang Jerusalem mahisama sa usa ka dapit nga adunay halapad nga mga suba ug mga sapa nga dili matabok sa sakayan sa mga kaaway.

Isaias 42:13

Makig-away ang  Ginoo sama sa usa ka sundalong kusgan ug isog. Mosinggit siya sa pagsulong, ug modaog siya batok sa iyang mga kaaway.

Isaias 51:16

Gitudlo ko kaninyo ang angay ninyong isulti, ug gipanalipdan ko kamo pinaagi sa akong gahom. Ako ang nagpahimutang sa kalangitan ug ang nagbutang sa mga patukoranan sa kalibotan. Ug ako ang nag-ingon sa Zion, ‘Ikaw ang akong katawhan.’ ”

Jeremias 16:19

Nag-ingon ako, “O Ginoo, ikaw ang akong kusog ug dalangpanan sa panahon sa kalisod. Moduol kanimo ang mga nasod nga naggikan sa tibuok kalibotan ug moingon, ‘Walay pulos ang mga dios-dios sa among mga katigulangan. Wala gayod kini nahimong kaayohan kanila.

Jeremias 17:17

Ayaw akog hadloka, kay ikaw ang akong dalangpanan sa panahon sa kalaglagan.

Ezequiel 38:19

Ug sa labihan ko nga kasuko, gipanumpa ko nga nianang higayona molinog ug kusog sa yuta sa Israel.

Oseas 11:10

Mongulob ako sama sa liyon, ug kamo nga akong mga anak magkurog sa kahadlok samtang nagsunod kamo kanako gikan sa kasadpan.

Amos 1:2

Miingon siya, “Nagdahunog ang tingog sa Ginoo gikan sa Zion; naglanog kini gikan sa Jerusalem. Ug tungod niini nangalaya ang mga sagbot sa sibsiban sa mga magbalantay sa mga karnero apil ang mga tanom sa ibabaw sa Bukid sa Carmel.”

Amos 3:8

Kinsay dili mahadlok kon mongulob na ang liyon? Kinsa ba ang dili makapadayag sa mensahe sa Ginoong Dios kon siya na mismo ang magpadayag sa imoha?

Nahum 1:7

Maayo ang  Ginoo; lig-on siya nga dalangpanan sa panahon sa kasamok, moatiman siya sa mga mosalig kaniya.

Hageo 2:6

“Mao kini ang giingon sa Ginoo nga Gamhanan: ‘Sa dili madugay, uyogon ko pag-usab ang kalangitan ug ang kalibotan, ang kadagatan ug ang ugang yuta.

Hageo 2:7

Uyogon ko ang tanang kanasoran, ug unsa ang gitinguha sa tanang kanasoran kini moabot, ug akong pun-on kini nga balay uban sa himaya,’ nag-ingon ang  Ginoo nga Gamhanan.

Zacarias 10:12

Lig-onon ko ang akong katawhan tungod kay anaa sila kanako, ug mosunod sila kanako. Ako, ang  Ginoo, ang nag-ingon niini.”

Zacarias 10:6

“Lig-onon ko ang katawhan sa Juda ug luwason ko ang katawhan sa Israel. Pabalikon ko sila sa ilang dapit tungod kay naluoy ako kanila. Ug tungod kay ako ang  Ginoo nga ilang Dios, tubagon ko ang ilang pag-ampo. Busa daw sama ra nga wala ko sila isalikway.

Zacarias 9:12

Kamong mga nabihag nga naglaom, balik na kamo sa dapit diin luwas kamo sa katalagman. Karon sultihan ko kamo nga ibalik ko nga doble ang nawala kaninyo.

Mga Hebreo 12:26

Kaniadto natay-og ang yuta tungod sa tingog sa Dios. Apan karon nagsaad siya nga sa umaabot nga mga adlaw tay-ogon niya kini pag-usab, ug lakip na ang langit.

Gipadayag 11:13

Sa mao usab nga oras milinog ug kusog. Naguba ang ikanapulo nga bahin sa siyudad, ug 7,000 ka tawo ang nangamatay. Nangalisang ang mga tawo nga wala mangamatay, ug midayeg sila sa Dios sa langit.

Gipadayag 11:19

Unya naabli ang Templo sa Dios didto sa langit, ug sa sulod niini nakita ang sudlanan sa Kasabotan sa Dios. Nagpangilat, adunay mga tingog ug pagdalogdog. Naglinog ug nag-ulan ug dagkong tipak sa ice.

Gipadayag 16:18

Ug nagpangilat, nagdahunog, nagdalogdog ug naglinog ug kusog kaayo. Wala pa gayoy linog nga sama niadto kakusog gikan sa pagbuhat sa tawo. Mao gayod kadto ang pinakakusog nga linog!

1 Samuel 15:29

Ang Dios nga gipasigarbo sa Israel dili mamakak ni mousab sa iyang huna-huna, kay dili siya sama sa tawo nga mabalhinon ug huna-huna.”