Joel 2:32 - Ang Pulong sa Dios

³² Apan si bisan kinsa nga motawag sa Ginoo maluwas sa silot nga moabot. Kay sumala sa giingon sa Ginoo, adunay mahibilin nga mga Israelinhon sa Jerusalem nga maluwas. Kini sila gipili sa Ginoo.

Ang Biblia 2011

³² Ug mahitabo nga si bisan kinsa nga magtawag sa ngalan sa Ginoo maluwas, kay didto sa Bukid sa Zion ug sa Jerusalem atua didto ang nakaikyas sumala sa giingon sa Ginoo, ug taliwala sa mga salin mao kadtong tawgon sa Ginoo.

Maayong Balita Biblia

³² Apan maluwas ang tanan nga mosangpit sa Ginoo. Sumala sa giingon sa Ginoo, may makaikyas didto sa Bukid sa Sion ug sa ubang bahin sa Jerusalem. Uban niadtong nahibiling buhi mao kadtong tinawag sa Ginoo.”

Ang Bag-ong Maayong Balita Biblia

³² Apan maluwas ang tanan nga mosangpit sa Ginoo. Sumala sa giingon sa Ginoo, may makaikyas didto sa Bukid sa Sion ug sa ubang bahin sa Jerusalem. Uban niadtong nahibiling buhi mao kadtong tinawag sa Ginoo.”

Joel 2:32 Cross References

Genesis 4:26

Si Set nakabaton usab ug anak nga iyang ginganlan ug Enos. Sa panahon nga natawo si Enos, nagsugod ang mga tawo ug tawag sa ngalan sa Ginoo.

Salmo 50:15

Tawag kamo kanako sa panahon sa kalisod, kay luwason ko kamo, ug dayegon ninyo ako.”

Isaias 10:22

Bisan tuod ug murag balas sa baybayon ang gidaghanon sa mga kaliwat ni Israel, gamay ra kanila ang mamalik. Gitakda na nga laglagon ang ilang yuta. Dili na kapugngan ang makatarunganong silot alang sa tibuok Israel. Ug tumanon gayod kini sa Ginoong Dios nga Makagagahom.

Isaias 11:11

Nianang adlawa, gamiton pag-usab sa Ginoo ang iyang gahom sa pagpabalik sa mga nahibilin niyang mga katawhan nga atua gikan sa Asiria, Ehipto, Patros, Etiopia, Elam, Babilonia, Hamat, ug sa mga isla.

Isaias 11:16

Maingon nga adunay lapad nga dalan nga giagian ang katawhan sa Israel sa dihang mibiya sila gikan sa Ehipto, aduna usab lapad unya nga dalan alang sa mga nabilin niyang mga katawhan didto sa Asiria.

Isaias 4:2

Moabot ang adlaw nga palabongon ug patahomon sa Ginoo ang mga tanom sa Israel, ug ang mga abot sa yuta mahimong garbo ug dungog sa mga nangabilin na katawhan sa Israel.

Isaias 46:13

Sa dili madugay, hatagan kog kadaogan ug kaluwasan ang Jerusalem, ug pasidunggan ko ang Israel.

Jeremias 31:7

Miingon pa gayod ang  Ginoo: “Pag-awit kamo ug panghugyaw sa kalipay alang sa Israel, ang gauna sa tanang nasod. Ipadayag ang inyong mga pagdayeg ug moingon, ‘O Ginoo, luwasa ang imong katawhan, ang nahibiling buhi sa mga Israelinhon.’

Jeremias 33:3

“Panawag kanako kay tubagon ka nako. Ipadayag ko kanimo ang katingalahan ug sekretong mga butang nga wala mo pa masayri.

Amos 9:8

“Ako, ang Ginoong Dios, naniid sa inyong daotan nga gingharian, ug wagtangon ko kamo sa kalibotan. Apan dili ko laglagon sa hingpit ang mga kaliwat ni Jacob,” miingon ang  Ginoo niini.

Abdias 1:17

“Apan adunay makaikyas nga mga Israelinhon ngadto sa Bukid sa Zion, ug mahimo na usab kining balaang dapit. Maangkon pag-usab sa mga kaliwat ni Jacob ang mga yuta nga ilang gipanag-iyahan kaniadto.

Abdias 1:21

Motungas ang mga tigpanalipod sa Israel sa Bukid sa Zion, sa pagdumala sa mga katawhan sa Bukid ni Esau. Ug ako, ang  Ginoo, mao ang maghari.”

Miqueas 5:3

Busa itugyan sa Ginoo ngadto sa mga kaaway ang katawhan sa Israel hangtod sa panahon nga manganak ug batang lalaki nga maoy mangulo sa Israel ang babayeng nagbati. Ug ang iyang mga kadugo nga nabihag sa ubang dapit magbalik ngadto sa ilang isigka-Israelinhon.

Zacarias 13:9

Ang ikatulo ka bahin nga nahibilin hinloan ko nga daw sama sa plata nga gipaputli pinaagi sa kalayo. Ug sulayan ko sila sama sa pagsulay sa kalunsay sa bulawan pinaagi sa kalayo. Mag-ampo sila kanako ug pamation ko sila. Moingon ako, ‘Sila ang akong katawhan,’ ug moingon usab sila, ‘Ang Ginoo ang among Dios.’ ”

Juan 10:16

Adunay uban pa akong mga karnero nga wala dinhi sa inyong grupo nga mga Judio. Kinahanglan pasudlon ko usab sila. Maminaw sila kanako, ug ang tanan nga maminaw kanako mahimong usa lang ka panon nga adunay usa lang ka magbalantay.

Juan 4:22

Kamo nga mga Samarianhon wala gayod makaila kon kinsa ang inyong ginasimba. Apan kami nga mga Judio nakaila sa among ginasimba, kay pinaagi kanamo luwason sa Dios ang mga tawo.

Mga Buhat 15:17

aron pangitaon ako sa ubang mga tawo, lakip ang tanang mga dili Judio nga akong gitawag nga akong katawhan. Ako, ang Ginoo, maoy nagsulti niini,’

Mga Buhat 2:39

Tungod kay kini gisaad alang kaninyo ug sa inyong mga kaanakan ug sa tanang mga tawo nga tua sa layo, sa tanan nga tawgon sa Ginoo nga atong Dios nga moduol kaniya.”

Roma 11:26

Pagkahuman niini maluwas ang mga Israelinhon, sama sa giingon sa Kasulatan: “Maggikan sa Zion ang Manluluwas, kuhaon niya ang tanan nga kadaotan sa mga kaliwat ni Jacob.

Roma 11:5

Mao usab kini karon sa atong panahon. Adunay nahibilin pa nga mga Israelinhon nga nagtuo sa Dios, kay gipili niya sila tungod sa iyang grasya.

Roma 11:7

Karon, makaingon kita nga ang mga Israelinhon wala makaangkon sa ilang gitinguha. Ang pinili lang sa Dios mao ang nakaangkon niini, apan ang uban gipagahi ang ilang mga ulo.

Roma 9:24

Ug kita mao ang iyang mga tinawag, dili lang gikan sa mga Judio kondili gikan usab sa mga dili Judio.

Roma 9:27

Mao usab kini ang giingon ni Isaias mahitungod sa mga Israelinhon: “Bisan sama sa balas sa baybayon ang kadaghanon sa kaliwat ni Israel, gamay ra kanila ang maluwas.

1 Mga Taga-Corinto 1:2

Nangumusta kaninyong mga tumutuo diha sa Corinto. Gitawag kamo sa Dios aron mahimong iya tungod sa inyong pagkahiusa kang Cristo Jesus. Gipili niya kamo nga mahimong iyang mga anak uban sa tanan nga nag-ila kang Jesu-Cristo nga atong Ginoo sa bisan asang lugar. Siya Ginoo natong tanan.

Mga Hebreo 12:22

Ang inyong pagduol sa Dios dili sama niadto. Kay ang inyong giduolan mao ang tinuod nga Bukid sa Zion, ang siyudad sa Dios nga buhi, ang langitnon nga Jerusalem nga adunay linibo ka mga anghel.