Joel 2:31 - Ang Pulong sa Dios

³¹ Mongitngit ang adlaw sa paghukom ug mopula ang bulan nga daw sa dugo. Kini mahitabo sa dili pa moabot ang makalilisang gayod nga adlaw sa paghukom sa Ginoo.

Ang Biblia 2011

³¹ Ang adlaw mahimong kangitngit, ug ang bulan mahimong dugo, sa dili pa moabot ang dako ug makalilisang nga adlaw sa Ginoo.

Maayong Balita Biblia

³¹ Mongitngit ang adlaw, ug mopula ang bulan daw dugo sa hapit na mahitabo ang kahibulongan ug makalilisang nga adlaw sa Ginoo.

Ang Bag-ong Maayong Balita Biblia

³¹ Mongitngit ang adlaw, ug mopula ang bulan daw dugo sa hapit na mahitabo ang kahibulongan ug makalilisang nga adlaw sa Ginoo.

Joel 2:31 Cross References

Jeremias 4:28

Ang kalibotan magsubo ug ang kalangitan mongitngit, kay nasulti ko na ang silot, ug dili ko na kini bakwion pa. Nakahukom na ako ug dili na mausab ang akong huna-huna.”

Ezequiel 32:7

Kon wagtangon ko na ikaw, salipdan ko sa mga panganod ang langit, busa dili na mohayag ang mga bitoon, ang adlaw, ug ang bulan.

Joel 2:1

Patingoga ninyo ang budyong sa pagpasidaan sa mga tawo sa Zion, ang balaang bungtod sa Ginoo. Tanan kamong nagpuyo sa Juda, magkurog kamo sa kahadlok, kay haduol na gayod ang adlaw sa Ginoo.

Joel 2:10

Mauyog ang kalibotan ug ang kalangitan sa ilang pag-abot. Ug mongitngit ang adlaw ug ang bulan ug wala nay mosidlak nga mga bitoon.

Joel 2:11

Ang Ginoo nagmando niining labihan kadaghang mga dulon, ug nagtuman sila sa iyang sugo. Makalilisang gayod ang adlaw nga magsilot ang Ginoo; wala gayoy makaagwanta niini.

Joel 2:2

Ngitngit ug dulom kanang adlawa. Ug sama sa pagdan-ag sa adlaw kon magbanag-banag na, magkatag sa mga bukid ang makadaot nga mga dulon nga labihan kadaghan. Wala gayoy nahitabo nga sama niini sukad pa kaniadto, ug dili na mahitabo pa ang sama niini sa umaabot nga panahon.

Joel 3:1

“Nianang panahona pauswagon ko pag-usab ang Juda apil na ang Jerusalem.

Joel 3:15

Mongitngit ang adlaw ug ang bulan, ug dili na mosidlak ang mga bitoon.

Zacarias 14:6

Nianang adlawa walay init ug tugnaw.

Malaquias 4:1

Miingon ang  Ginoo nga Makagagahom, “Siguro gayod nga moabot ang adlaw nga mosilot ako. Mahisama kini sa nagdilaab nga hurnohan. Silotan ko ang tanang mga mapahitas-on ug naghimog daotan. Sunogon ko sila sama sa pagsunog sa dagami. Mahisama sila sa sinunog nga kahoy nga wala gayoy mahibilin nga gamot ug sanga.

Malaquias 4:5

“Pamati kamo! Sa dili pa moabot ang makalilisang kaayong adlaw sa akong pagsilot, ipadala ko kaninyo ang propeta nga si Elias.

Mateo 24:29

“Pagkahuman sa mga kasakitan nianang panahona, “ ‘mawad-an ug kahayag ang adlaw, ang bulan dili na modan-ag, ug ang mga bitoon mangahulog. Ang mga butang sa kalangitan pahisalaagon gikan sa ilang naandan nga agianan.’

Mateo 27:45

Gikan sa alas dose sa udto, mingitngit ang kalibotan sulod sa tulo ka oras.

Lucas 21:25

“Mahitabo usab nga adunay mga timailhan nga makita sa adlaw, sa bulan, ug sa mga bitoon. Dinhi sa kalibotan makuyawan ang mga nasod tungod sa dahunog sa dagkong mga balod.

Mga Buhat 2:20

Mongitngit ang adlaw, ug ang bulan mopula nga daw sama sa dugo. Mahitabo kini sa dili pa moabot ang kahibulongang adlaw sa paghukom sa Ginoo.

Gipadayag 8:12

Ug ang ikaupat nga anghel mipatingog sa iyang trumpeta, ug ang nahitabo, naigo ang ikatulong bahin sa adlaw, ang ikatulong bahin sa bulan, ug ang ikatulong bahin sa mga bitoon, ug nawala ang ikatulong bahin sa ilang kahayag. Busa mingitngit ang ikatulong bahin sa adlaw ug ang ikatulong bahin sa gabii.