Joel 3:1 - Ang Pulong sa Dios

¹ “Nianang panahona pauswagon ko pag-usab ang Juda apil na ang Jerusalem.

Ang Biblia 2011

¹ “Kay tan-awa, nianang mga adlawa ug nianang panahona, sa diha nga ibalik nako ang maayong kahimtang sa Juda ug sa Jerusalem,

Maayong Balita Biblia

¹ Nag-ingon ang Ginoo, “Niadto unyang adlawa akong ibalik ang kabulahanan sa Jerusalem ug sa Juda.

Ang Bag-ong Maayong Balita Biblia

¹ Nag-ingon ang Ginoo, “Niadto unyang adlawa akong ibalik ang kabulahanan sa Jerusalem ug sa Juda.

Joel 3:1 Cross References

Salmo 14:7

Hinaut nga moabot na gikan sa Zion ang moluwas sa Israel. Unsa kaha kamalipayon ang mga Israelinhon, ang katawhan sa Ginoo, kon pauswagon sila sa Ginoo pag-usab!

Salmo 85:1

Ginoo, gipakita mo ang imong kaayo sa imong yuta; gibalik mo ang maayong kahimtang sa mga kaliwat ni Jacob.

Mga Panultihon 1:23

Pamatia ang akong pagbadlong. Ipadayag ko kaninyo ang akong huna-huna. Ipadayag ko ang buot kong isulti batok kaninyo:

Isaias 44:3

Kay hatagan ka nako ug tubig nga mohupay sa imong kauhaw ug mobasa sa imong malang yuta. Gamhan ko sa akong Espiritu ang imong mga kaliwat ug panalanginan ko sila.

Jeremias 16:15

Kondili, mag-ingon sila, ‘Ipanumpa ko sa buhi nga Ginoo nga nagpagawas sa mga Israelinhon gikan sa nasod sa amihan ug sa tanang nasod diin iya silang gipatibulaag.’ Kay ibalik ko sila sa yuta nga gihatag ko sa ilang mga katigulangan.

Jeremias 29:14

Oo, tabangan ko kamo ug ibalik ko ang inyong maayong kahimtang. Tigomon ko kamo gikan sa nagkalain-laing mga nasod diin ko kamo gipabihag, ug ibalik ko kamo sa inyong kaugalingong dapit. Ako, ang  Ginoo, ang nag-ingon niini.”

Jeremias 30:18

“Nag-ingon pa gayod ang  Ginoo: “ ‘Ibalik ko ang bahandi sa mga lungsod sa mga kaliwat ni Jacob, ug kaloy-an ko sila. Tukoron nila pag-usab ang siyudad ug ang lig-ong mga bahin niini didto mismo sa dapit nga gitukoran niini kaniadto.

Jeremias 30:3

Kay moabot ang panahon nga dad-on ko pagbalik gikan sa pagkabihag ang akong katawhan nga taga-Israel ug taga-Juda. Ibalik ko sila sa yuta nga gihatag ko sa ilang mga katigulangan ug panag-iyahan nila kini pag-usab. Ako, ang  Ginoo, ang nag-ingon niini.”

Ezequiel 16:53

Apan moabot ang panahon nga pauswagon ko pag-usab ang Sodoma ug ang Samaria, apil ang ilang mga anak nga babaye. Ug ikaw pauswagon ko pag-usab apan uban kanila,

Ezequiel 39:25

Mipadayon pa gayod sa pag-ingon ang Ginoong Dios, “Apan karon, kaloy-an ko na ang katawhan sa Israel, ang mga kaliwat ni Jacob, ug pauswagon ko sila pag-usab, aron mapasidunggan ang akong balaang ngalan.

Daniel 12:1

“Nianang panahona, motungha si Micael, ang gamhanan nga pangulo sa katawhan sa Israel, ug mahimong labihan kalisod ang kahimtang sa katawhan. Kini nga kalisod wala pa gayod mahitabo sukad sa panahon nga ang Israel nahimong usa ka nasod. Apan maluwas gikan niana nga kalisod ang imong mga isigka-Israelinhon kansang mga ngalan nasulat sa libro.

Joel 2:29

Nianang mga adlawa ihatag ko ang akong Espiritu bisan sa mga sulugoon nga lalaki ug babaye.

Amos 9:14

Pabalikon ko sa ilang yuta ang akong mga katawhan nga mga Israelinhon nga gipangbihag. “Tukoron nila pag-usab ug puy-an ang naguba nila nga mga siyudad. Magtanom sila ug mga ubas ug moinom sa bino niini. Magtanom sila sa ilang mga tanaman ug mokaon sa mga bunga niini.

Numeros 11:29

Apan mitubag si Moises, “Nabalaka ka ba kon unsay mahimong resulta niini sa akong pagkapangulo? Kon ako lay pabut-on, gusto ko nga ang tanang katawhan sa Ginoo hatagan niya ug gahom aron makasugilon silang tanan sa iyang mensahe.”

Numeros 12:6

miingon ang Ginoo, “Pamati kamo! Kon aduna akoy propeta diha kaninyo, makigsulti ako kaniya pinaagi sa panan-awon ug damgo.

Deuteronomio 30:3

kaloy-an kamo sa Ginoo nga inyong Dios ug tigomon niya kamo gikan sa tanang nasod diin gipabihag niya kamo, ug unya ibalik niya kaninyo ang inyong maayong kahimtang.