Joel 2:26 - Ang Pulong sa Dios

²⁶ Karon modaghan na ang inyong mga kalan-on ug mabusog kamo pag-ayo. Ug tungod niini, dayegon ninyo ako nga inyong Dios, nga naghimo ug katingalahang mga butang kaninyo. Ug kamo nga akong katawhan dili na gayod maulawan hangtod sa kahangtoran.

Ang Biblia 2011

²⁶ “Kamo mangaon diha sa kadagaya ug mangatagbaw, ug magdayeg sa ngalan sa Ginoo nga inyong Dios, nga nagbuhat sa mga kahibulongan nganha kaninyo, ug ang akong katawhan dili na gayod maulawan.

Maayong Balita Biblia

²⁶ Karon daghan na kamog makaon ug matagbaw gayod kamo. Daygon ninyo ang Ginoo nga inyong Dios, nga naghimog mga kahibulongang butang alang kaninyo. Dili na gayod tamayon ang akong katawhan.

Ang Bag-ong Maayong Balita Biblia

²⁶ Karon daghan na kamog makaon ug matagbaw gayod kamo. Daygon ninyo ang Ginoo nga inyong Dios, nga naghimog mga kahibulongang butang alang kaninyo. Dili na gayod tamayon ang akong katawhan.

Joel 2:26 Cross References

Genesis 33:11

palihog, dawata ang gihatag ko kanimo tungod kay maayo ang Dios kanako ug gihatag niya kanako ang tanan kong mga kinahanglanon.” Nagsige gayod ug pamugos si Jacob kang Esau, busa gidawat na lang ni Esau ang iyang gasa.

Nehemias 9:25

Giilog sa imong katawhan ang pinarilan nga mga lungsod ug ang mabungahong mga yuta. Giilog usab nila ang mga balay nga puno sa maayong mga butang, mga atabay, mga ubasan, mga tamnanan sa olibo, ug ang mga punoan sa kahoy nga labihan kadaghan ug prutas. Nangaon sila kutob sa ilang gusto ug nanambok. Nagpakabuhong sila sa imong labihan nga kaayo nga gipakita kanila.

Salmo 103:5

Gitagbaw niya ako sa maayong mga butang samtang ako nagkinabuhi, aron nga magpabilin akong batan-on ug kusgan sama sa agila.

Salmo 116:7

Karon makapahulay na ako ug magmalinawon tungod kay maayo kaayo ang  Ginoo kanako.

Salmo 13:6

Awitan ka nako, Ginoo, tungod kay sukad pa kaniadto maayo ka kanako.

Salmo 22:26

Dapiton ko ang mga kabos sa pagkaon ug mangabusog sila. Ang mga nagdangop kanimo magdayeg kanimo. Hinaut pa nga magmauswagon ang ilang mga kinabuhi.

Salmo 37:19

Sa panahon sa kalamidad dili sila maunsa, bisan sa panahon sa tinggutom daghan sila ug pagkaon.

Salmo 67:5

Hinaut nga dayegon ka sa tanang mga katawhan, O Dios.

Salmo 72:18

Dalaygon ang Ginoong Dios, ang Dios sa Israel, nga mao lang gayod ang naghimo sa katingalahang mga butang.

Mga Panultihon 13:25

Ang mga matarong mabusog gayod, apan ang mga daotan magutman.

Awit sa mga Awit 5:1

Ania na ako sa akong hardin, mahal kong pangasaw-onon. Nanguha ako sa akong mira ug mga pahumot. Mikaon ako sa akong dugos ug miinom sa akong bino ug gatas. Kamo nga naghinigugmaay, magkaon kamo ug mag-inom.

Isaias 25:1

Ginoo, ikaw ang akong Dios! Dayegon ug pasidunggan ka nako kay katingalahan gayod ang imong gipanghimo. Tungod sa imong pagkamatinumanon gituman mo gayod ang mga plano nga gihimo mo niadtong unang panahon.

Isaias 29:22

Busa ang  Ginoo, ang Dios nga nagluwas kang Abraham, nag-ingon mahitungod sa mga kaliwat ni Jacob, “Sugod karon, wala na silay angay ikaulaw o kahadlokan.

Isaias 45:17

Apan luwason mo, Ginoo, ang Israel, ug ang ilang kaluwasan walay kataposan. Dili na gayod sila maulawan ug tamayon hangtod sa hangtod.

Isaias 49:23

Mag-alagad kanimo ang mga hari ug mga rayna. Sila ang moatiman kanimo. Moluhod sila agig pagtahod kanimo, ug magpasakop gayod sila kanimo. Unya mahibaloan mo nga ako mao ang  Ginoo, ug ang mga nagsalig kanako dili gayod mapakyas.”

Isaias 54:4

“Ayaw kahadlok, kay dili ka maulawan. Malimtan mo na gayod ang kaulawan sa imong pagkabatan-on ug ingon man sa imong pagkabalo.

Isaias 55:2

Nganong mogasto man kamo sa inyong kuwarta sa dili makaon? Ug nganong maghago man kamo sa mga butang nga dili makatagbaw? Pamati kamo kanako ug makakaon kamo sa lamiang pagkaon ug mabusog gayod kamo.

Levitico 26:26

Kulangon ang inyong pagkaon, busa usa lang ka pugon ang gamiton sa napulo ka babaye sa pagluto ug pan, ug bahin-bahinon pa nila kini alang kaninyo. Tinuod nga makakaon kamo apan dili kamo mabusog.

Levitico 26:5

Ang inyong paggiok sa mga uhay moabot pa hangtod sa tingpamupo sa mga ubas, ug ang inyong pagpamupo sa ubas moabot pa hangtod sa inyong pagpugas. Busa makapatuyang kamo sa inyong pagkaon ug magkinabuhi kamo nga malinawon diha sa inyong dapit.

Miqueas 6:14

Tinuod nga makakaon kamo, apan dili kamo mabusog; kanunay gihapon kamong gutomon. Magtipig kamo ug mga abot, apan dili ninyo kini mapuslan, kay ipakuha ko kini sa inyong mga kaaway panahon sa gira.

Sofonias 3:11

Niadtong adlawa ikaw, Jerusalem, dili ibutang sa kaulawan sa sayop nga imong nabuhat batok kanako, tungod kay akong kuhaon ang inyong pagkaaroganti ug mapasigarbohon. Dili na gayod kamo magmapahitas-on didto sa akong balaang bukid.

Zacarias 9:15

Panalipdan sa Ginoo nga Makagagahom ang iyang katawhan. Tunob-tunoban lang nila ang mga bato nga gilambuyog kanila sa ilang mga kaaway. Mangaon sila ug moinom sa pagsaulog sa ilang kadaogan. Manghugyaw sila nga murag mga hubog. Mapuno ang ilang tiyan sa ilimnon sama sa yahong nga puno sa dugo nga iwisik-wisik sa tumoy sa mga eskina sa halaran.

Roma 10:11

Kay nag-ingon ang Kasulatan: “Ang nagtuo kaniya dili gayod maulawan.”

Roma 5:5

Ug dili mahitabo nga dili nato madawat ang atong gilaoman tungod kay pinaagi sa Espiritu Santo nga gipadala kanato, nasayran nato nga gihigugma kita sa Dios.

Roma 9:33

Sama sa giingon sa Dios sa Kasulatan: “Nagbutang ako sa Zion ug bato nga kapandolan sa mga tawo. Kadtong bato makapadam-ag kanila. Apan ang mga tawo nga motuo niadto nga bato dili gayod maulawan.”

Deuteronomio 11:15

Hatagan niya ug sabsabanan ang inyong mga kahayopan, ug kamo mismo makakaon ug matagbaw.

Deuteronomio 12:12

Didto maglipay kamo sa presensya sa Ginoo nga inyong Dios, apil ang inyong mga kabataan, mga sulugoon, ug ang mga Levita nga nagpuyo sa inyong mga lungsod, kay wala man silay yuta nga panulondon.

Deuteronomio 12:18

Kaonon lang ninyo kini sa presensya sa Ginoo nga inyong Dios didto sa dapit nga iyang pilion, uban sa inyong mga kabataan, mga sulugoon, ug sa mga Levita nga nagpuyo sa inyong mga lungsod. Maglipay kamo diha sa presensya sa Ginoo nga inyong Dios sa tanan nga inyong buhaton.

Deuteronomio 12:7

Ug didto, mangaon kamo ug ang inyong pamilya sa presensya sa Ginoo nga inyong Dios, ug maglipay sa tanan nga inyong nahimo tungod kay gipanalanginan kamo sa Ginoo.

Deuteronomio 8:10

“Kon makakaon na kamo ug mangabusog, dayega ninyo ang Ginoo nga inyong Dios tungod sa maayong yuta nga iyang gihatag kaninyo.

1 Timoteo 6:17

Bahin sa mga adunahan dinhi sa kalibotan, ingna sila nga dili sila magpasigarbo o magsalig sa ilang bahandi nga daling mahanaw. Kinahanglan nga ibutang nila ang ilang pagsalig ngadto sa Dios nga maoy naghatag kanato sa tanan aron magmalipayon kita.

1 Juan 2:28

Mga anak, pabilin kamo kaniya, aron dili kita mahadlok o magtago tungod sa kaulaw kon moabot na siya.