Joel 2:27 - Ang Pulong sa Dios

²⁷ Unya mahibaloan ninyo nga anaa ako kaninyong mga taga-Israel, ug ako lang, ang  Ginoo, ang inyong Dios ug wala nay lain pa. Ug kamo nga akong katawhan dili na gayod maulawan hangtod sa kahangtoran.

Ang Biblia 2011

²⁷ Kamo mahibalo nga ako anaa sa taliwala sa Israel, ug nga ako, ang Ginoo, mao ang inyong Dios ug wala nay lain. Ug ang akong katawhan dili na gayod maulawan.

Maayong Balita Biblia

²⁷ Unya kamong mga Israelita masayod nga ako nag-uban kaninyo, ug nga ako, ang Ginoo, mao ray inyong Dios. Dili na gayod tamayon ang akong katawhan.

Ang Bag-ong Maayong Balita Biblia

²⁷ Unya kamong mga Israelita masayod nga ako nag-uban kaninyo, ug nga ako, ang Ginoo, mao ray inyong Dios. Dili na gayod tamayon ang akong katawhan.

Joel 2:27 Cross References

Salmo 46:5

Ang Dios nagpuyo niini nga siyudad, busa dili kini malaglag. Sayo pa moabot ang Dios sa pagtabang niini.

Salmo 68:18

Pagsaka niya sa taas nga dapit nagdala siyag daghang mga bihag ug midawat siyag mga gasa gikan sa mga tawo, bisan mga gahig ulo. Ug didto magpuyo ang Ginoong Dios.

Mga Panultihon 1:23

Pamatia ang akong pagbadlong. Ipadayag ko kaninyo ang akong huna-huna. Ipadayag ko ang buot kong isulti batok kaninyo:

Isaias 12:6

Panghugyaw kamo ug pag-awit sa kalipay, kamo nga katawhan sa Jerusalem. Kay gamhanan ang Balaang Dios sa Israel nga anaa uban kaninyo.”

Isaias 44:3

Kay hatagan ka nako ug tubig nga mohupay sa imong kauhaw ug mobasa sa imong malang yuta. Gamhan ko sa akong Espiritu ang imong mga kaliwat ug panalanginan ko sila.

Isaias 44:8

Ayaw kamo kahadlok o kalisang. Dili ba nga gipadayag ko na man kaninyo kaniadto pa ang akong katuyoan? Ug kamo mismo ang akong mga saksi. Adunay lain pa bang Dios gawas kanako? Wala gayod! Wala na akoy nahibaloan pa nga dakong bato nga salipdanan.”

Isaias 45:18

Ikaw, Ginoo, mao ang Dios. Gimugna mo ang kalangitan ug kalibotan. Wala mo himoa ang kalibotan nga haw-ang, kondili gihimo mo kini aron puy-an. Kay ikaw miingon, “Ako mao ang  Ginoo, ug wala nay lain.

Isaias 45:5

Ako mao ang  Ginoo, ug wala nay lain; wala nay laing Dios gawas kanako. Hatagan ka nako ug kusog bisan wala ka makaila kanako,

Isaias 45:6

aron ang mga katawhan sa tibuok kalibotan mahibalo nga wala nay laing Dios gawas kanako. Ako mao ang  Ginoo, ug wala nay lain.

Isaias 46:9

Hinumdomi usab ninyo ang akong gipanghimo sa unang panahon. Kay ako lamang ang Dios, ug wala nay lain nga sama nako.

Isaias 49:23

Mag-alagad kanimo ang mga hari ug mga rayna. Sila ang moatiman kanimo. Moluhod sila agig pagtahod kanimo, ug magpasakop gayod sila kanimo. Unya mahibaloan mo nga ako mao ang  Ginoo, ug ang mga nagsalig kanako dili gayod mapakyas.”

Isaias 53:6

Kitang tanan sama sa mga karnero nga nasaag; matag-usa kanato nagpatuyang lang sa pagbuhat sa atong gusto. Apan siya ang gipaantos sa Ginoo sa silot nga alang unta kanatong tanan.

Ezequiel 37:6

Butangan ko kamo ug mga ugat ug mga unod, ug puston ko kamo sa panit. Hatagan ko kamo ug gininhawa, ug mabuhi kamo. Unya mahibaloan ninyo nga ako mao ang  Ginoo.”

Ezequiel 39:22

Ug gikan nianang panahona, mahibaloan sa katawhan sa Israel nga ako mao ang  Ginoo nga ilang Dios.

Ezequiel 39:28

Unya mahibaloan nila nga ako mao ang  Ginoo nga ilang Dios. Kay bisan gipabihag ko sila sa uban nga mga nasod, tigomon ko sila pagbalik sa ilang kaugalingong yuta, ug wala gayod usa nga mabilin.

Ezequiel 39:29

Dili ko na gayod sila pasagdan, kay ipadala ko ang akong Espiritu kanila. Ako, ang Ginoong Dios, ang nag-ingon niini.”

Joel 2:26

Karon modaghan na ang inyong mga kalan-on ug mabusog kamo pag-ayo. Ug tungod niini, dayegon ninyo ako nga inyong Dios, nga naghimo ug katingalahang mga butang kaninyo. Ug kamo nga akong katawhan dili na gayod maulawan hangtod sa kahangtoran.

Joel 3:17

Miingon ang  Ginoo, “Mga taga-Juda, mahibaloan ninyo nga ako, ang  Ginoo nga inyong Dios, nagpuyo sa Zion, ang akong balaan nga bukid. Ug mahimong balaan na usab ang Jerusalem; dili na gayod kini sulongon pag-usab sa mga taga-laing nasod.

Joel 3:21

Ipanimalos ko ang mga gipamatay nga taga-Juda; silotan ko gayod ang naghimo niini kanila.” Nagpuyo ang  Ginoo sa Zion.

Sofonias 3:11

Niadtong adlawa ikaw, Jerusalem, dili ibutang sa kaulawan sa sayop nga imong nabuhat batok kanako, tungod kay akong kuhaon ang inyong pagkaaroganti ug mapasigarbohon. Dili na gayod kamo magmapahitas-on didto sa akong balaang bukid.

Sofonias 3:17

Ang Ginoo nga imong Dios kauban nimo. Ang Gamhanang Manggugubat nga moluwas. Siya magbaton ug kalipay diha nimo; diha sa iyang gugma dili kana niya badlongon apan maglipay diha kanimo uban sa pag-awit.

Zacarias 2:9

Silotan ko gayod sila; sulongon sila sa ilang mga ulipon ug kuhaon ang ilang mga kabtangan.” Kon mahitabo na kini, mahibaloan ninyo nga ang  Ginoo nga Makagagahom mao ang nagpadala kanako.

Numeros 11:29

Apan mitubag si Moises, “Nabalaka ka ba kon unsay mahimong resulta niini sa akong pagkapangulo? Kon ako lay pabut-on, gusto ko nga ang tanang katawhan sa Ginoo hatagan niya ug gahom aron makasugilon silang tanan sa iyang mensahe.”

Numeros 23:21

Wala akoy nakitang katalagman o kasamok nga moabot sa Israel. Kauban nila ang Ginoo nga ilang Dios; ginaila nila siya nga ilang hari.

2 Mga Taga-Corinto 6:16

Ug kita mao ang templo sa Dios nga buhi! Dili mahimo nga iipon ang mga dios-dios sa templo nga gipuy-an sa Dios. Kay ang Dios nag-ingon: “Magpuyo ako ug mag-uban kanila. Ako mahimong ilang Dios, ug sila mahimong akong katawhan.”

Deuteronomio 23:14

Kay ang Ginoo nga inyong Dios naglibot-libot sa inyong kampo sa pagluwas kaninyo ug sa pagtugyan sa inyong mga kaaway kaninyo. Busa kinahanglan hinlo ang inyong kampo aron wala siyay makita nga dili maayo, ug aron dili niya kamo biyaan.

1 Pedro 2:6

Kay nag-ingon ang Dios sa Kasulatan: “Aduna akoy gipili nga maghari sa Zion. Sama siya sa bililhon nga bato nga akong gihimong patukoranan. Ang nagtuo kaniya dili gayod maulawan.”

Gipadayag 21:3

Unya, aduna akoy nadungog nga kusog nga tingog gikan sa trono nga nag-ingon, “Karon, ang puloy-anan sa Dios anaa na sa mga tawo! Magpuyo siya uban kanila, ug sila mahimong iya nang mga tawo. Ang Dios mismo mahimong ilang kauban [ug ilang Dios].