Joel 2:22 - Ang Pulong sa Dios

²² Dili usab angayng mahadlok ang mga mananap, kay lunhaw na ang mga sabsabanan ug namunga na ang mga kahoy apil ang igos. Namunga na usab ang mga ubas.

Ang Biblia 2011

²² Ayaw kahadlok, kamong mga mananap sa kapatagan; kay ang sibsibanan sa kamingawan lunhaw; ang kahoy namunga, ang kahoyng igera ug ang paras naghatag sa ilang hingpit nga abot.

Maayong Balita Biblia

²² Mga hayop, ayaw na kamo kahadlok! Lunhaw na ang mga sibsibanan. Namunga na ang mga kahoy ug daghan nag igos ug ubas.

Ang Bag-ong Maayong Balita Biblia

²² Mga hayop, ayaw na kamo kahadlok! Lunhaw na ang mga sibsibanan. Namunga na ang mga kahoy ug daghan nag igos ug ubas.

Joel 2:22 Cross References

Genesis 4:12

Bisan magtanom ka pa, ang yuta dili na mohatag kanimo ug maayong abot. Ug wala kanay permanente nga puloy-anan, busa maglatagaw ka na lang.”

Salmo 36:6

Ang imong pagkamatarong lig-on sama sa tag-as nga mga bukid. Ang imong paghukom dili matugkad sama sa kinahiladman sa dagat. Giatiman mo, Ginoo, ang mga tawo ug mga mananap.

Salmo 65:12

Ang mga sabsabanan sa kamingawan abundansya sa lunhawng mga sagbot; ang mga bungtod daw mga tawo nga naglipay.

Salmo 65:13

Ang mga sabsabanan napuno ug mga kahayopan. Ang mga walog nalukop sa mga uhay. Kining mga dapita daw mga tawo nga nanaghugyaw ug nanag-awit sa kalipay.

Salmo 67:6

Hinaut nga mohatag ug abot ang yuta. Hinaut nga panalanginan kita sa atong Dios. Ug hinaut nga ang tanang mga tawo sa tibuok kalibotan motahod kaniya.

Isaias 51:3

Kaloy-an ko gayod ang Jerusalem ug ang tanang mga dapit niini nga nangaguba. Ang mga disyerto niini himuon kong sama sa Eden nga akong hardin. Maanaa ang kalipay ug kasadya sa Jerusalem ug adunay pagpasalamat ug mga pag-awit usab.

Ezequiel 36:30

Pabungahon kog daghan ang mga kahoy ug padaghanon ko ang inyong mga ani aron dili na kamo maulawan ngadto sa uban nga mga nasod tungod sa kagutom.

Ezequiel 36:35

mag-ingon, ‘Ang yuta nga kaniadto walay pulos, karon nahisama na sa tanaman sa Eden. Ang mga lungsod nga kaniadto nangaguba ug naawaaw, karon adunay mga paril na ug ginapuy-an na!’

Ezequiel 36:8

Apan kamo, mga bukid sa Israel, manubo ang mga kahoy diha kaninyo, ug mamunga kini alang sa akong katawhan nga mga Israelinhon, kay hapit na silang mopauli.

Jonas 4:11

Ako pa kaha ang dili maluoy sa Nineve, ang dakong siyudad nga adunay kapin sa 120,000 ka mga tawo nga wala makahibalo bahin sa akong mga balaod, ug adunay daghan pa nga mga mananap?”

Hageo 2:16

Sa dihang adunay usa ka tawo nga miabot sa tapok nga baynte ka takos, diha lamay napulo. Sa dihang adunay tawo nga miadto sa sudlanan sa bino sa pagkuha ug singkwenta ka takos, diha lamay baynte.

Zacarias 8:12

“Magtanom kamo nga adunay kalinaw. Mamunga ang mga ubas, mohatag ug daghang abot ang yuta, ug aduna nay yamog. Ihatag ko kining tanan kaninyong mga nahibilin.

1 Mga Taga-Corinto 3:7

Dili mahinungdanon ang nagtanom ug ang gabisbis. Ang Dios lang gayod ang mahinungdanon kay siya man ang nagpatubo.