Joel 2:23 - Ang Pulong sa Dios

²³ Kamong mga katawhan sa Zion, paglipay kamo sa gihimo kaninyo sa Ginoo nga inyong Dios. Kay gihatagan niya kamo sa nahaunang ulan sa pagpakita nga matarong siya. Gipadad-an niya kamo sa nahaunang ulan ug sunod pang ulan sama kaniadto.

Ang Biblia 2011

²³ “Paglipay, O mga anak sa Zion, ug pagmaya diha sa Ginoo nga inyong Dios; tungod kay siya naghatag kaninyo sa unang ulan alang sa paglaban kaninyo, siya nagbubo kaninyo ug daghang ulan, ang una ug ulahing ulan sama kaniadto.

Maayong Balita Biblia

²³ “Pagmaya na kamo, katawhan sa Sion! Paglipay kamo tungod sa nabuhat sa Ginoo nga inyong Dios! Gihatagan kamo niya sa gikinahanglang ulan sa panahon sa ting-init, ingon man sa tingtugnaw ug sa tingsalingsing sama kaniadto.

Ang Bag-ong Maayong Balita Biblia

²³ “Pagmaya na kamo, katawhan sa Sion! Paglipay kamo tungod sa nabuhat sa Ginoo nga inyong Dios! Gihatagan kamo niya sa gikinahanglang ulan sa panahon sa ting-init, ingon man sa tingtugnaw ug sa tingsalingsing sama kaniadto.

Joel 2:23 Cross References

1 Mga Hari 8:36

pamatia sila diha sa langit. Pasayloa sila nga imong mga alagad, ang imong katawhan nga mga Israelinhon. Tudloi sila sa matarong nga pagkinabuhi, ug padad-i ug ulan ang yuta nga imong gihatag kanila ingon nga ilang panulondon.

Job 33:23

“Apan kon adunay usa lang sa linibo ka mga anghel nga mopataliwala kaniya ug sa Dios, ug mopahinumdom kaniya kon unsa ang husto ug angayan kaniya,

Job 37:13

Nagpadala ang Dios sa makusog nga ulan aron sa paghatag ug tubig sa yuta, o sa pagdisiplina sa tawo, o sa pagpakita sa iyang gugma.

Salmo 104:34

Hinaut nga malipay siya sa akong pagpamalandong. Magkalipay ako diha sa Ginoo;

Salmo 147:8

Gitabonan niyag mga panganod ang kalangitan, gipaulanan niya ang kalibotan, ug gipatubo ang mga sagbot sa mga bungtod.

Salmo 149:2

Paglipay kamong mga taga-Israel tungod sa inyong Magbubuhat. Pagsadya kamong mga katawhan sa Zion tungod sa inyong Hari.

Salmo 28:7

Ikaw ang naghatag kanako ug kusog ug nagpanalipod kanako. Nagsalig ako kanimo ug gitabangan mo ako. Busa nalipay gayod ako ug nag-awit ug pagpasalamat kanimo.

Salmo 32:11

Busa kamong mga matarong, pagmaya kamo tungod sa gihimo sa Ginoo kaninyo! Kamong nagkinabuhing matarong, panghugyaw kamo sa kalipay!

Salmo 84:6

Samtang nag-agi sila sa Mamalang Walog, gibati nila nga daw adunay mga tuboran didto, nga daw sa giulanan kini ug naglim-aw.

Mga Panultihon 16:15

Kon gikalipay sa hari ang usa ka tawo dili niya kini patyon; ipakita niya niini ang iyang kaayo nga daw sa ulan sa panahon sa tingsibol sa mga tanom.

Isaias 30:21

ug madungog ninyo ang iyang tingog nga gagiya kaninyo sa husto nga dalan, bisan asa pa kamo moadto.

Isaias 30:23

Hatagan kamo sa Ginoo ug ulan sa panahon sa tingtanom, ug modagaya ang inyong ani. Nianang higayona, manabsab ang inyong mga mananap sa halapad nga sabsabanan.

Isaias 41:16

Taphan mo sila ug ilupad sila sa hangin; ikatag sila sa alimpulos. Apan ikaw maglipay sa Ginoo; magdayeg ka sa Balaan nga Dios sa Israel.

Isaias 61:10

Malipayon gayod ako sa Ginoo nga akong Dios, kay sama ra nga gipabistihan niya ako sa kaluwasan ug kadaogan. Sama ako sa pamanhonon nga adunay matahom nga turban, ug pangasaw-onon nga nagsul-ob ug mga alahas.

Jeremias 3:3

Mao kana ang hinungdan nga wala mag-ulan sa panahon sa ting-ulan. Apan bisan pa niana, gahi gihapon kamog ulo. Sama sa babayeng nagbaligya sa iyang dungog, wala gayod kamoy ulaw.

Jeremias 5:24

Dili kinasing-kasing ang ilang pag-ingon, ‘Tahoron nato ang  Ginoo nga atong Dios nga naghatag ug ulan sa hustong panahon, ug naghatag kanatog maayong abot sa panahon sa ting-ani.’

Ezequiel 34:26

Panalanginan ko sila ug ang mga dapit palibot sa akong balaang bungtod. Padad-an ko silag ulan sa tukmang panahon isip pagpanalangin ko kanila.

Oseas 6:3

Tinguhaon nato ang pag-ila sa Ginoo. Moabot siya sama kasiguro sa pagsidlak sa adlaw. Ug moabot siya sama sa ulan nga naghatag ug tubig sa kalibotan.”

Levitico 26:4

padad-an ko kamo ug ulan sa husto nga panahon aron nga ang yuta mohatag ug abot ug ang mga kahoy makapamunga.

Amos 4:7

“Ako ang nagpugong sa ulan sulod sa tulo ka bulan una moabot ang ting-ani. Gipaulanan ko ang ubang siyudad apan ang uban wala. Gipaulanan ko usab ang ubang kaumahan apan ang uban namad-an.

Zacarias 10:1

Pangayo sa Ginoo ug ulan sa panahon sa tingtubo sa mga tanom, kay siya ang naghimo sa dag-om. Siya ang naghatag ug ulan ngadto sa mga tawo ug sa tanom sa kaumahan.

Zacarias 10:7

Ang katawhan sa Israel mahisama sa kusgang mga sundalo. Magmalipayon sila sama sa tawo nga nakainom ug bino. Kini nga kadaogan mahinumdoman sa ilang mga kaliwat ug maglipay sila tungod sa akong gihimo.

Zacarias 9:13

Gamiton ko ang Juda ug ang Israel nga daw pana. Himuon ko ang katawhan sa Zion nga daw espada sa sundalo, ug laglagon nila ang katawhan sa Grecia.”

Zacarias 9:9

Miingon ang  Ginoo, “Panghugyaw gayod kamo sa kalipay, kamong mga lumulupyo sa Zion, kay ang inyong hari moabot. Matarong siya ug madaogon. Mapainubsanon siya ug moabot nga nagsakay sa nating asno.

Mga Buhat 14:17

Apan sa tanang panahon gipaila sa Dios ang iyang kaugalingon ngadto sa mga tawo pinaagi sa iyang mga gihimo nga maayo. Gihatagan niya kamo sa ulan nga gikan sa langit ug mga ani sa panahon sa ting-ani. Abundang pagkaon iyang gihatag kaninyo aron malipay kamo.”

Deuteronomio 11:14

padad-an niya kamo ug ulan sa hustong panahon aron makaani kamo ug trigo, ubas aron himuong bino, ug olibo aron himuong lana.

Deuteronomio 28:12

“Padad-an kamo sa Ginoo ug ulan sa hustong panahon gikan sa tipiganan sa iyang bahandi sa langit, ug panalanginan niya ang tanan ninyong pagabuhaton. Magpahulam kamo sa daghang mga nasod, apan kamo dili manghulam.

Deuteronomio 32:2

Ang akong mga pagtulon-an sama sa ulan o tun-og nga nagtulo. Ang akong mga pulong sama sa yamog diha sa mga sagbot; o sama sa talithi diha sa mga tanom.

Mga Taga-Filipos 3:1

Karon, mga igsoon ko, paglipay kamo diha sa Ginoo! Dili ako pul-an sa paghisgot pag-usab niini kaninyo, kay alang man kini sa inyong kaayohan.

Mga Taga-Filipos 3:3

Apan kita ang adunay tinuod nga ilhanan nga mga sumusunod kita sa Dios, tungod kay nagsimba kita kaniya pinaagi sa iyang Espiritu ug malipayon kita sa atong pagkahiusa kang Cristo Jesus. Wala kita magsalig sa mga tulomanon o sa atong mga binuhatan.

Mga Taga-Filipos 4:4

Paglipay kamo kanunay diha sa Ginoo. Sublion ko, paglipay kamo!