Joel 2:21 - Ang Pulong sa Dios

²¹ Dili angayng mahadlok ang yuta sa Juda, kondili magsadya hinuon kini kay katingalahan ang mga gihimo sa Ginoo.

Ang Biblia 2011

²¹ “Ayaw kahadlok, O yuta; paglipay ug pagmaya kay ang Ginoo nagbuhat ug dagkong mga butang!

Maayong Balita Biblia

²¹ “Mga kaumahan, ayaw na kamo kalisang! Paglipay ug pagsadya kamo tungod sa tanan nga gibuhat sa Ginoo alang kaninyo!

Ang Bag-ong Maayong Balita Biblia

²¹ “Mga kaumahan, ayaw na kamo kalisang! Paglipay ug pagsadya kamo tungod sa tanan nga gibuhat sa Ginoo alang kaninyo!

Joel 2:21 Cross References

Genesis 15:1

Human niadto, nakigsulti ang Ginoo kang Abram pinaagi sa usa ka panan-awon. Miingon siya, “Abram, ayaw kahadlok tungod kay panalipdan ka nako ug hatagan ug dako nga ganti.”

Salmo 71:19

Ang imong pagkamatarong, O Dios, dili matugkad. Katingalahan ang imong mga gipangbuhat; wala gayoy sama kanimo.

Salmo 98:8

Daw mga tawo nga mopakpak ang mga suba, ug magdungan sa pag-awit sa kalipay ang mga bungtod.

Isaias 35:1

Magmaya ang disyerto nga daw sa tawo. Mamulak ang mga bulak sa kamingawan.

Isaias 41:10

Ayaw kahadlok kay ako imong kauban. Ayaw kabalaka kay ako ang imong Dios. Lig-onon ug tabangan ka nako. Panalipdan ka nako pinaagi sa akong gahom nga mao ang makaluwas kanimo.

Isaias 44:23

Pag-awit sa kalipay, O kalangitan! Singgit ug kusog, O kalibotan! Pag-awit kamong mga bukid ug mga kakahoyan, kay giluwas na sa Ginoo ang mga kaliwat ni Jacob; gipakita niya ang iyang pagkagamhanan sa Israel.

Isaias 54:4

“Ayaw kahadlok, kay dili ka maulawan. Malimtan mo na gayod ang kaulawan sa imong pagkabatan-on ug ingon man sa imong pagkabalo.

Isaias 55:12

Mga Israelinhon, pamiya kamo sa Babilonia nga malipayon ug malinawon. Daw sa mag-awit sa tumang kalipay ang mga bukid ug mga bungtod, ug daw sa mamakpak ang tanang kakahoyan.

Jeremias 33:3

“Panawag kanako kay tubagon ka nako. Ipadayag ko kanimo ang katingalahan ug sekretong mga butang nga wala mo pa masayri.

Oseas 2:21

Miingon ang  Ginoo, “Nianang adlawa tubagon ko ang inyong pag-ampo. Paulanon ko aron motubo diha sa yuta

Joel 2:20

“Ipalayo ko ang mga mosulong kaninyo nga gikan sa amihan, ug dad-on ko sila ngadto sa disyerto. Ang nauna nilang panon abugon ko ngadto sa Patay nga Dagat ug ang ulahi nila nga panon abugon ko ngadto sa Dagat sa Mediteraneo. Didto manimaho ang ilang mga patayng lawas.” Tinuod nga katingalahan ang mga gihimo sa Ginoo.

Joel 2:26

Karon modaghan na ang inyong mga kalan-on ug mabusog kamo pag-ayo. Ug tungod niini, dayegon ninyo ako nga inyong Dios, nga naghimo ug katingalahang mga butang kaninyo. Ug kamo nga akong katawhan dili na gayod maulawan hangtod sa kahangtoran.

Zacarias 8:15

Apan karon nakahukom ako nga ipadayon ko ang paghimo ug maayo sa Jerusalem ug Juda. Busa ayaw kamo kahadlok.

Deuteronomio 4:32

Susiha ang mga panghitabo gikan sa adlaw nga gibuhat sa Dios ang tawo sa kalibotan hangtod karon. Unya susiha ang tibuok kalibotan kon aduna bay katingalahang mga butang nga nahitabo nga sama niini.

1 Samuel 12:16

“Karon, ayaw kamo pagbiya. Tan-awa ninyo ang katingalahang butang nga himuon sa Ginoo diha sa inyong atubangan.

1 Samuel 12:24

Apan siguroha gayod ninyo nga motahod kamo sa Ginoo ug matinud-anon nga moalagad kaniya sa tibuok ninyong kasing-kasing. Hinumdomi ninyo ang katingalahang mga butang nga iyang gihimo alang kaninyo.