Joel 2:20 - Ang Pulong sa Dios

²⁰ “Ipalayo ko ang mga mosulong kaninyo nga gikan sa amihan, ug dad-on ko sila ngadto sa disyerto. Ang nauna nilang panon abugon ko ngadto sa Patay nga Dagat ug ang ulahi nila nga panon abugon ko ngadto sa Dagat sa Mediteraneo. Didto manimaho ang ilang mga patayng lawas.” Tinuod nga katingalahan ang mga gihimo sa Ginoo.

Ang Biblia 2011

²⁰ “Akong ipalayo gikan kanimo ang anaa sa amihanan ug abogon kini ngadto sa uga ug mingaw nga yuta, ang atubangan niini ngadto sa dagat sa silangan, ug ang luyo niini ngadto sa dagat sa kasadpan; ang isog ug hugaw nga baho niini mangalisbo. Siya gayod nagbuhat ug dagkong mga butang!

Maayong Balita Biblia

²⁰ Ipahilayo ko kaninyo kining mga dulon nga daw kasundalohan nga gikan sa amihanan, ug abugon ko sila ngadto sa kamingawan; ang nag-una nila abugon ko ngadto sa Patayng Dagat, ug ang ulahi ngadto sa Mediteraneo. Mangabaho ang patay nilang mga lawas. Puohon ko gayod sila tungod sa ilang gibuhat kaninyo.

Ang Bag-ong Maayong Balita Biblia

²⁰ Ipahilayo ko kaninyo kining mga dulon nga daw kasundalohan nga gikan sa amihanan, ug abugon ko sila ngadto sa kamingawan; ang nag-una nila abugon ko ngadto sa Patayng Dagat, ug ang ulahi ngadto sa Mediteraneo. Mangabaho ang patay nilang mga lawas. Puohon ko gayod sila tungod sa ilang gibuhat kaninyo.

Joel 2:20 Cross References

2 Mga Hari 8:13

Mitubag si Hazael, “Sir, unsaon ko kana paghimo? Wala akoy abilidad sa paghimo niana.” Mitubag si Eliseo, “Gipadayag sa Ginoo kanako nga mahimo kang hari sa Aram.”

Salmo 126:3

Tinuod nga naghimo ang  Ginoo ug katingalahang mga butang alang kanato, ug labihan gayod ang atong kalipay.

Exodo 10:19

Mitubag ang Ginoo pinaagi sa pagpadala ug kusog nga hangin gikan sa kasadpan ug gipalid niini ang mga dulon ngadto sa Pulang Dagat. Wala na gayoy nahibilin nga dulon sa tibuok Ehipto.

Exodo 8:14

Gitigom kini sa mga Ehiptohanon; nagbungtod ang ilang mga tinapok ug nanimaho ang tibuok yuta sa Ehipto.

Isaias 34:3

Pasagdan nga dili malubong ang ilang mga patayng lawas, ug magbanaw ang dugo sa mga bukid. Busa mangalisbo ang mga baho niini.

Ezequiel 47:18

“Ang utlanan sa sidlakan magsugod sa utlanan sa Hauran ug sa Damasco paingon sa Suba sa Jordan (nga nagseparar sa Gilead ug sa yuta sa Israel) paingon sa Patay nga Dagat hangtod sa Tamar. Mao kini ang utlanan sa sidlakan.

Amos 4:10

“Gipadad-an ko kamo ug mga katalagman sama sa akong gipadala kaniadto sa Ehipto. Gipapatay ko ang inyong mga batan-ong lalaki sa gira ug gipadala ko sa inyong mga kaaway ang inyong mga kabayo. Gipaantos ko kamo sa kabaho sa mga patay sa inyong mga kampo, apan wala gihapon kamo mobalik kanako. Ako, ang  Ginoo, ang nag-ingon niini.

Zacarias 14:8

Niana usab nga adlaw, motubod ang preskong tubig gikan sa Jerusalem. Ang katunga niini modagayday ngadto sa Patay nga Dagat ug ang katunga ngadto sa Dagat sa Mediteraneo. Magpadayon kini sa pagtubod sa ting-init ug sa ting-ulan.

Malaquias 3:11

“Dili ko tugotan nga kaonon sa peste ang inyong mga pananom. Ug ang inyong mga ubas dili mangalarag,” miingon ang Ginoo nga Makagagahom.

Deuteronomio 11:24

Ang tanang yuta nga inyong maadtoan gikan sa kamingawan paingon sa Lebanon, ug gikan sa Suba sa Eufrates paingon sa Dagat sa Mediteraneo, mainyo.