Joel 2:14 - Ang Pulong sa Dios

¹⁴ Basin pa lang mausab ang huna-huna sa Ginoo nga inyong Dios, ug panalanginan niya ang inyong mga abot, aron makahalad na kamo kaniya ug mga trigo ug bino.

Ang Biblia 2011

¹⁴ Kinsa ang nahibalo kon siya dili ba motalikod ug magbasol, ug magbilin ug panalangin sa iyang likod, halad nga pagkaon ug halad nga ilimnon alang sa Ginoo nga inyong Dios?

Maayong Balita Biblia

¹⁴ Basin pag maluoy ang Ginoo kanato ug panalanginan niya ang atong mga uma, aron may trigo ug bino kita nga ikahalad kaniya.

Ang Bag-ong Maayong Balita Biblia

¹⁴ Basin pag maluoy ang Ginoo kanato ug panalanginan niya ang atong mga uma, aron may trigo ug bino kita nga ikahalad kaniya.

Joel 2:14 Cross References

2 Samuel 12:22

Mitubag si David, “Oo, nagpuasa ako ug mihilak sa dihang buhi pa ang bata kay namasin ako nga kaloy-an ako sa Ginoo ug dili niya itugot nga mamatay ang bata.

2 Samuel 16:12

Basin pa ug makita sa Ginoo ang akong kalisod, ug balosan niya ug kaayohan ang panghimaraot nga akong nadawat karon.”

2 Mga Hari 19:4

Gisugo sa hari sa Asiria ang iyang komander sa pagbiay-biay sa buhi nga Dios. Basin pa ug nadungog sa Ginoo nga imong Dios ang giingon sa komander ug silotan siya sa iyang gipanulti, busa pag-ampo alang sa mga nangahibilin kanato.’ ”

Exodo 32:30

Pagkasunod adlaw, miingon si Moises sa mga tawo, “Nakahimo kamog dakong sala. Apan motungas ako karon sa bukid, didto sa Ginoo; basin pag matabangan ko kamo nga mahinloan sa inyong sala.”

Isaias 65:8

Miingon usab ang  Ginoo, “Maingon nga ang usa ka daot nga pungpong sa ubas dili ilabay tungod kay aduna pay mapuslan ang mga ubas diha niini, dili ko usab laglagon ang tanan kong katawhan; luwason ko ang mga nag-alagad kanako.

Jeremias 18:8

unya kanang nasora o gingharian mobiya sa iyang pagkadaotan, dili ko padayonon ang kalaglagan nga akong giplano alang kaniya.

Jeremias 26:13

Busa pagbag-o na kamo sa inyong mga gawi ug binuhatan ug tumana ang  Ginoo nga inyong Dios. Kay kon himuon ninyo kana, dili ipadayon sa Ginoo ang katalagman nga iyang giingon nga ipahamtang kaninyo.

Jeremias 26:3

Basin pag mamati sila kanimo ug mobiya sa ilang daotang gawi. Kon himuon nila kana, dili ko na ipadayon ang katalagman nga giplano kong ipahamtang kanila tungod sa daotan nilang mga binuhatan.

Joel 1:13

Kamong mga pari nga nag-alagad sa halaran sa akong Dios, pagbisti kamog sako ug adto sa Templo, ug pagminatay kamog hilak tibuok gabii, kay wala nay mga trigo ug mga bino nga ihalad sa Templo sa inyong Dios.

Joel 1:16

Ato mismong nasaksihan kon sa unsang paagi kita nawad-an ug pagkaon ug kon sa unsang paagi nawala ang kasadya sa Templo sa Dios.

Joel 1:9

Wala nay mga trigo ug mga bino nga ikahalad sa Templo sa Ginoo; mao nga nagsubo ang mga pari nga nag-alagad sa Ginoo.

Amos 5:15

Likayi ninyo ang daotan ug himoa ninyo ang maayo, ug ipatigbabaw ang hustisya diha sa korte. Basin pa ug maluoy ang Ginoong Dios nga Makagagahom sa nabiling mga kaliwat ni Jose.

Jonas 1:6

Unya miadto kaniya ang kapitan sa barko ug miingon, “Nakahimo ka pa sa pagtulog? Bangon, ug pangayo ug tabang sa imong dios! Basin pa ug maluoy siya kanato, ug tabangan niya kita nga dili kita mangamatay.”

Jonas 3:9

Basin pa ug mausab ang huna-huna sa Dios ug mahupay ang iyang dakong kasuko kanato ug dili kita mangamatay.”

Sofonias 2:3

Pangitaa ang  Ginoo, kamong mapainubsanon diha sa yuta, kamo nga nagbuhat sa iyang mga sugo. Pangitaa ang pagkamatarong, pangitaa ang pagpaubos; tingali panalipdan kamo sa adlaw sa kasuko sa Ginoo.

Hageo 2:19

Aduna nabay binhi nahabilin sa kamalig? Hangtod karon, ang kaparasan ug ang kahoyng igos, ang granada ug ang kahoyng olibo wala makahatag ug bunga. “ ‘Gikan karon ug hangtod ako magpanalangin kaninyo.’ ”

2 Timoteo 2:25

Kinahanglan nga malumo siya sa iyang pagtudlo niadtong mga nagbatok kaniya, kay basin na lang sa ingon niana nga pamaagi hatagan sila sa Dios ug kahigayonan nga maghinulsol aron masayran nila ang kamatuoran.

Josue 14:12

Busa ihatag kanako kining kabukiran nga gisaad kanako sa Ginoo. Ikaw mismo nakadungog kaniadto nga ang mga kaliwat ni Anak nagpuyo didto, ug lig-on ang ilang mga lungsod nga adunay mga paril. Apan pinaagi sa tabang sa Ginoo abugon ko sila nianang yutaa sumala sa gisaad niya kanako.”