Joel 2:15 - Ang Pulong sa Dios

¹⁵ Patingoga ninyo ang budyong sa Zion aron sa pagpahibalo sa mga tawo alang sa sagrado nga magtigom sila ug magpuasa.

Ang Biblia 2011

¹⁵ Patingoga ang trumpeta didto sa Zion; paggahin ug panahon alang sa pagpuasa; pagtawag ug usa ka balaang panagtigom;

Maayong Balita Biblia

¹⁵ Patingoga ang trumpeta sa Bukid sa Sion; sugoa ang katawhan sa pagpuasa; pagtawag ug usa ka tigom.

Ang Bag-ong Maayong Balita Biblia

¹⁵ Patingoga ang trumpeta sa Bukid sa Sion; sugoa ang katawhan sa pagpuasa; pagtawag ug usa ka tigom.

Joel 2:15 Cross References

1 Mga Hari 21:12

Gitigom nila ang mga tawo aron magpuasa ug gipalingkod nila si Nabot atubangan sa mga tawo.

1 Mga Hari 21:9

Mao kini ang mensahe sa iyang sulat: “Tigoma ninyo ang mga katawhan aron magpuasa, ug palingkora ninyo si Nabot atubangan sa mga tawo.

2 Mga Hari 10:20

Miingon si Jehu, “Maghimo kita ug pinasahi nga panagtigom alang sa kadungganan ni Baal.” Busa gipahibalo kini sa mga tawo.

Isaias 1:13

Undangi na ninyo ang pagdala ug mga halad nga walay pulos. Wala ako malipay sa inyong insenso. Dili ko na maagwanta ang inyong mga panagtigom sa panahon sa Pista sa Pagsugod sa Bulan o sa Adlaw nga Igpapahulay. Kay bisan ug nagtigom kamo naghimo kamog daotan.

Jeremias 36:9

Nahitabo kini sa adlaw sa pagpuasa sa presensya sa Ginoo, niadtong ikasiyam nga bulan sa ikalimang tuig sa paghari sa Juda ni Jehoyakim, nga anak ni Josia. Nagtigom didto sa Templo ang mga lumulupyo sa Jerusalem ug sa mga lungsod sa Juda.

Joel 1:14

Sultihi ninyo ang mga tigdumala sa Juda ug ang tanang mga lumulupyo niini nga magtigom ug magpuasa silang tanan sa Templo sa Ginoo nga inyong Dios. Mangayo sila ug tabang sa Ginoo.

Joel 2:1

Patingoga ninyo ang budyong sa pagpasidaan sa mga tawo sa Zion, ang balaang bungtod sa Ginoo. Tanan kamong nagpuyo sa Juda, magkurog kamo sa kahadlok, kay haduol na gayod ang adlaw sa Ginoo.

Numeros 10:3

Kon patingogon ug dungan kining duha ka trumpeta, magtigom ang tibuok katilingban diha sa pultahan sa Tolda nga Tagboanan.