Jeremias 4:4 - Ang Pulong sa Dios

⁴ Hinloi ninyo ang inyong mga kasing-kasing atubangan sa Ginoo, kamong mga katawhan sa Juda ug sa Jerusalem, kay kon dili, matagamtaman ninyo ang akong kasuko nga sama sa kalayo nga wala gayoy makapalong. Mahitabo kini tungod sa kadaotan nga inyong gihimo.

Ang Biblia 2011

⁴ Bag-oha ang inyong kaugalingon alang sa Ginoo, ug putlia ang inyong mga kasingkasing, O mga tawo sa Juda ug mga nagpuyo sa Jerusalem; kay tingali unya ug mogula ang akong kapungot sama sa kalayo ug mosunog nga walay makapalong niini, tungod sa kadaotan sa inyong mga binuhatan.”

Maayong Balita Biblia

⁴ Tumana ninyo ang kasabotan tali kaninyo ug kanako. Itugyan kanako ang inyong kasingkasing, kamong katawhan sa Juda ug sa Jerusalem aron dili mosilaob ang akong kasuko tungod sa inyong daotang mga buhat; inigsilaob unya sa akong kasuko, wala gayoy tawong makapuypoy niini.”

Ang Bag-ong Maayong Balita Biblia

⁴ Tumana ninyo ang kasabotan tali kaninyo ug kanako. Itugyan kanako ang inyong kasingkasing, kamong katawhan sa Juda ug sa Jerusalem aron dili mosilaob ang akong kasuko tungod sa inyong daotang mga buhat; inigsilaob unya sa akong kasuko, wala gayoy tawong makapuypoy niini.”

Jeremias 4:4 Cross References

2 Cronicas 34:25

Ipahamtang ko gayod ang akong kasuko niining dapita ug dili kini mapugngan, kay gisalikway ako sa akong katawhan ug nagsimba sila sa uban nga mga dios. Gipalagot gayod nila ako sa ilang mga gihimo.’

Isaias 10:17

Ang Ginoo, nga mao ang suga ug ang balaan nga Dios sa Israel, mahimong sama sa nagdilaab nga kalayo nga sa mubo lang nga panahon mosunog niining tunokon nga mga tanom.

Isaias 30:33

Dugay na nga naandam ang dapit nga pagasunogan sa hari sa Asiria. Halapad ug lawom kining dapita, ug ang kalayo abunda ug sugnod. Ang gininhawa sa Ginoo daw sapa sa nagdilaab nga asupre, nga mao ang mopadilaab sa mga sugnod niini.

Isaias 51:17

Bangon na, Jerusalem! Ang kasuko sa Ginoo sama sa ilimnon sa kopa nga gihurot mo ug inom hangtod nga nagsusapinday ka sa kahubog.

Jeremias 15:14

Ipaulipon ko kamo sa inyong mga kaaway sa usa ka dapit nga wala kamo masuhito. Ipatagamtam ko kaninyo ang akong kasuko nga daw sa nagdilaab nga kalayo.”

Jeremias 21:5

Ako mismo ang makig-away kaninyo pinaagi sa akong gahom, tungod sa akong labihan nga kasuko.

Jeremias 23:19

Paminaw! Ang akong kasuko daw sa bagyo o buhawi nga mohapak sa ulo nianang mga tawong daotan.

Jeremias 36:7

Basin pag pinaagi niini modangop sila sa Ginoo, ug mobiya na sila sa ilang daotang gawi. Kay gipasidan-an na sila sa Ginoo nga silotan niya sila tungod sa iyang hilabihang kasuko.”

Jeremias 44:22

Sa dihang wala na makaagwanta ang  Ginoo sa inyong kadaotan ug sa inyong mangil-ad nga mga buhat, gilaglag niya ang inyong yuta, gigamit ang ngalan niini sa pagpanghimaraot, ug nahimo kining awaaw ug wala nay nagpuyo, sama sa nahitabo karon.

Jeremias 9:25

Miingon pa ang  Ginoo, “Moabot ang panahon nga silotan ko ang tanan nga tinuli kansang kinabuhi wala mausab ug

Jeremias 9:26

ang mga taga-Ehipto, Juda, Edom, Amon, Moab, ug ang tanan nga nagpuyo sa layong dapit. Ang tinuod, ang mga lumulupyo sa tanang mga nasod apil ang tanang katawhan sa Israel murag dili mga tinuli kay dili maayo ang ilang mga kasing-kasing.”

Mga Pagbangotan 4:11

Gipatagamtam sa Ginoo ang iyang labihan nga kapungot sa Jerusalem. Busa gisunog niya hangtod ang mga pundasyon niini.

Ezequiel 16:38

Silotan ka nako sa imo nga pagpanapaw ug pagpamatay. Ug sa akong labihan nga kasuko ug pangabugho, patyon ka nako.

Ezequiel 18:31

Nganong gusto man ninyong mamatay, O katawhan sa Israel? Undangi na ninyo ang inyong pagpakasala ug bag-oha na ang inyong pagkinabuhi.

Ezequiel 20:33

Ako, ang Ginoong Dios nga buhi, nanumpa nga maghari ako kaninyo pinaagi sa akong dakong gahom ug labihan nga kasuko.

Ezequiel 21:17

Mopakpak usab ako sa pagtamay sa akong katawhan, ug unya mawala ang akong kasuko. Ako, ang  Ginoo, ang nag-ingon niini.”

Ezequiel 24:13

“ ‘O Jerusalem, ang imo nga law-ay nga binuhatan mao ang nagpahugaw kanimo. Gitinguha ko nga limpyohan ka, apan midumili ka. Busa magpabilin ka nga hugaw hangtod nga dili mawala ang akong labihan nga kasuko kanimo.

Ezequiel 24:8

Nakita ko kini nga dugo ug gipasagdan ko kini nga makita sa tanan. Daw nagsinggit kini kanako nga nangayo sa akong panimalos.

Ezequiel 44:7

Ginapasulod ninyo sa akong Templo ang mga dili Israelinhon nga wala nakaila sa Dios. Niining paagiha gipasipalahan ninyo ang akong Templo samtang gahalad kamo ug pagkaon, tambok, ug dugo. Gawas pa sa inyong mangil-ad nga mga buhat, ginalapas pa ninyo ang akong kasabotan.

Ezequiel 6:12

Kadtong atua sa layo mamatay sa balatian. Ang anaa sa duol mamatay sa gubat. Ug ang mahibilin mamatay sa kagutom. Niining paagiha ipasinati ko ang akong kapungot kanila.

Ezequiel 8:18

Busa ipasinati ko kanila ang akong kasuko. Dili ko gayod sila kaloy-an. Bisag mosinggit pa silag kusog aron sa pagpangayo ug tabang kanako, dili ko sila pamation.”

Levitico 26:28

sa akong kasuko kontrahon ko kamo ug silotan sa makapito ka pilo.

Amos 5:6

Dangop kamo kanako, mga kaliwat ni Jose, aron mabuhi kamo. Kay kon dili, mosulong ako kaninyo nga daw kalayo. Busa malaglag ang Betel ug walay makapugong niini.

Sofonias 2:2

sa dili pa ang ipatuman ang kamandoan ug kana nga adlaw molabay sama sa gipadpad nga uhot, sa dili pa moabot ang makalilisang nga kasuko sa Ginoo sa dili pa moabot kaninyo ang adlaw sa kapungot sa Ginoo.

Roma 2:25

Nagsalig kamo nga kamo pinili sa Dios tungod sa inyong pagkatinuli. Ang pagkatinuli aduna ray kapuslanan kon tumanon ninyo ang Kasugoan. Apan kon wala ninyo kini tumana sama lang kamo sa mga dili Judio nga dili tinuli.

Deuteronomio 10:16

Busa hinloi ninyo ang inyong kasing-kasing ug ayaw na kamo pagpagahi sa inyong mga ulo.

Deuteronomio 30:6

Bag-ohon sa Ginoo nga inyong Dios ang inyong mga kasing-kasing ug ang mga kasing-kasing sa inyong mga kaliwat aron higugmaon ninyo siya sa tibuok ninyong kasing-kasing ug kalag, ug magkinabuhi kamo ug dugay.

Deuteronomio 32:22

Kay ang akong kasuko nagdilaab nga murag kalayo. Mosunog kini sa yuta ug sa tanang anaa niini, apil sa kinahiladman sa yuta, ug sa pundasyon sa mga bukid.

Mga Taga-Colosas 2:11

Tungod kay kamo anaa kang Cristo, natuli na kamo. Apan dili sama sa pagtuli sa mga Judio nga adunay ilang kuhaon sa lawas sa tawo, kondili ang gikuha ni Cristo mao ang daotang mga tinguha sa inyong lawas nga makasasala.