Jeremias 4:3 - Ang Pulong sa Dios

³ Mao kini ang gisulti sa Ginoo ngadto sa mga katawhan sa Juda ug sa Jerusalem, “Sama nga ginadaro ang bantok nga yuta, bag-oha usab ninyo ang inyong gahi nga mga kasing-kasing. Ayaw isabwag ang inyong maayong binhi sa sampinitan.

Ang Biblia 2011

³ Kay mao kini ang gisulti sa Ginoo ngadto sa mga tawo sa Juda ug sa mga nagpuyo sa Jerusalem: “Bungkaga ang inyong yuta nga dinaro, ug ayaw pagpugas diha sa katunokan.

Maayong Balita Biblia

³ Giingnan sa Ginoo ang katawhan sa Juda ug sa Jerusalem, “Daroha ang inyong darohon nga kaumahan; ayaw isabod ang inyong binhi sa katunokan.

Ang Bag-ong Maayong Balita Biblia

³ Giingnan sa Ginoo ang katawhan sa Juda ug sa Jerusalem, “Daroha ang inyong darohon nga kaumahan; ayaw isabod ang inyong binhi sa katunokan.

Jeremias 4:3 Cross References

Genesis 3:18

Moturok sa yuta ang mga sagbot ug mga sampinit, ug mokaon ka ug mga tanom gikan sa kaumahan.

Exodo 23:11

Apan sa ikapitong tuig ayaw ninyo kinig tamni. Kon adunay motubo nga tanom, pasagdi ninyo ang mga kabos nga manguha sa ilang pagkaon gikan niini, ug ang mahibilin ipakaon sa mga ihalas nga mananap. Mao usab kini ang inyong himuon sa inyong mga ubasan ug mga olibo.

Oseas 10:12

Miingon ako kaninyo, ‘Pahumoka ang inyong kasing-kasing sama sa yuta nga gidaro. Pagtanom kamo ug pagkamatarong ug aniha ang paghigugma. Kay panahon na kini nga modangop kamo kanako hangtod nga moabot ako ug magdala ug kaluwasan nga sama sa ulan.’

Mateo 13:22

Ang yuta nga adunay mga tunokon nga sagbot nga nasabwagan ug binhi mao ang tawo nga nakadungog sa pulong sa Dios. Apan tungod sa mga kabalaka sa panginabuhi ug pagpaningkamot nga makaangkon ug bahandi, nalimtan niya ang pulong sa Dios nga iyang nadungog ug wala kini namunga sa iyang kinabuhi.

Mateo 13:7

Ang uban nga binhi mitubo sa yuta nga adunay tunokon nga mga sagbot, apan sa paglabong sa mga sagbot natabonan kini.

Marcos 4:7

Ang uban nga binhi nasabwag ug mitubo sa yuta nga adunay tunokon nga mga sagbot, apan sa paglabong sa mga sagbot natabonan kini, busa wala makapamunga.

Lucas 8:14

Ang yuta nga adunay tunokon nga mga sagbot nga nasabwagan ug binhi mao ang mga tawo nga nakadungog sa pulong sa Dios. Apan ang ilang mga kabalaka, ang ilang mga kabtangan, ug ang mga kahilayan niining kalibotan nahimong babag sa ilang pagsunod sa kabubut-on sa Dios alang kanila.

Lucas 8:7

Ang uban nasabwag sa yuta nga adunay tunokon nga mga sagbot, ug nagdungan pagtubo kining sagbot ug ang binhi. Busa sa wala madugay natabonan kini sa mga sagbot.